Nahúm 1:7 - CHUYA QELLQA La Biblia en Quechua de Ayacucho 2012

⁷ Tayta Diosqa kuyapayakuqmi, sasachakuy punchawpipas waqaychakuqmi, payman hapipakuqtaqa pakaykunmi.

Quechua Ayacucho Bible 1987

⁷ Tayta Diosqa ¡mayna-mayna allinmi! Sasachakuy punchawpipas amparakuna hinaraqmi. Payman hapipakuqkunataqa payqa waqaychaykunmi.

Chuya Qellqa 1992

⁷ Tayta Diosqa kuyapayakuqmi, sasachakuy punchawpipas waqaychakuqmi, payman hapipakuqtaqa pakaykunmi.

Nahúm 1:7 Iomraidhean Croise

1~Crónicas 16:34

Allin kasqanraykuyá Tayta Diosman graciasta qoychik, kuyapayakuyninqa wiña-wiñaypaqmi.

1~Crónicas 5:20

Paykunam peleachkaspanku Diosta mañakurqaku, chaymi Diosman hapipakusqankurayku yanapaptin, Agarta yanapaqninkunatawan kuskata vencerurqaku.

2~Crónicas 13:18

Chaynapim Israel runakunaqa penqaypi karqaku, Judá runakunam ichaqa kallpanchasqa karqaku ñawpaq taytankupa Diosninpi hapipakusqankurayku.

2~Crónicas 32:11

Rey Ezequiasmi kaynata nisuchkankichik: Asiriapa reyninmantaqa Diosninchikmi librawasunchik, nispa. ¿Manachu Ezequiasqa engañasuchkankichik yarqaymanta yakumanta wañuchisunaykichikpaq?

2~Crónicas 32:21

Hinaptinmi huk angelta Tayta Dios kachaykamurqa, chaymi llapallan allinnin qari-qari soldadonkunatawan kamachikuqkunata hinaspa capitankunatapas Asiria reypa campamentonpi wañurachirqa. Chaynapim rey Senaqueribqa penqakuymanta nacionninman kutikurqa, hinaspam diosninpa templonman yaykuruptin churinkunalla espadawan wañurachirqaku.

2~Crónicas 32:8

Payqa runakunapa kallpallanwanmi kachkan, ñoqanchikwanmi ichaqa Tukuy Atiyniyuq Diosninchik kachkan, peleaptinchikqa paymi yanapawasun, nispa. Hinaptinmi Judá nacionpa reynin Ezequiaspa nisqanwan llapa runakuna kallpanchakururqaku.

Esdras 3:11

Wakiqmi takikunawan Tayta Diosman graciasta qorqaku, wakiqñataqmi kaynata takispa kutichirqaku: Tayta Diosman ancha kuyakuq kasqanmanta graciasta qoychik, Israelpaq kuyapayakuyninqa wiña-wiñaypaqmi, nispanku. Llapallan runakunam hatun kusikuywan qaparispa Tayta Diosta yupaycharqaku, Tayta Diospa templonpa cimientonta churasqankurayku.

Proverbios 18:10

Tayta Diospa sutinqa mana tuñichiy atina torre hinam, allin runaqa chayman kallpaspam amparakun.

Isaías 25:4

Qanmi karqanki mana imayuqkunapa amparakunan, wakchakunapa sasachakuyninpi hapipakunan, loco paramanta pakaykuqnin, rupaymanta llantuykuqnin. Mana llakipayakuq runakunapa samatyayninqa poqoy tiempopi sinchi para hinaraqmi.

Isaías 32:2

Paykunam sapakama wayramanta harkachikuna hina kanqaku, loco wayra-paramanta harkachikuna hinam kanqaku, chaki allpapi mayukuna hinam kanqaku, sinchi rupaypi qaqapa llantuynin hinam kanqaku.

Isaías 50:10

Tayta Diosllata kasukuqkuna, serviqninpa willakusqanta uyariqkuna, tutayaypi purispa achkita mana tariy atiqkuna, Tayta Diosllaman hapipakuychik, Diosllaykichikman hapipakuychik.

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 17:17

Amayá qamqa manchachiwaychu, sasachakuy punchawpi waqaychaqniymi qamqa kanki.

Jeremías 24:5

Ñoqa Israelpa yupaychasqan Tayta Diosnin kaynata nini: Kay allin higoskunata hinam, Judá nacionmanta Caldea lawman allinninkupaq preso apachisqay runakunata qawasaq.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Lamentaciones 3:25

Tayta Diosqa ancha allinmi hapipakuqninkunapaqqa, ancha allinmi maskaqninkunapaqqa.

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:23

Chaymi reyqa anchallataña kusikuspan kamachikurqa, Danielta leonkunapa uchkunmanta hurqomunankupaq. Hur-qoruspa qawaptinkum mana ima heridallanpas kasqachu, Diosninpi hapipakusqanrayku.

Joel 3:16

Tayta Diosmi Sión moqomanta qaparimunqa, Jerusalenmantam rimasqan uyarikunqa, cielokunapas kay pachapas katkatatanqam; chaywanpas Tayta Diosmi churinkunataqa waqaychanqa, paytaqmi Israel castakunapa kallpanpas kanqa.

Sofonías 3:12

Chawpikipim saqeykusaq uchuychakuqkunatawan wakchakunallataña, paykunam ñoqa Tayta Diospi hapipakuwanqaku.

Mateo 27:43

Payqa Diospim hapipakurqa, cheqapta kuyaspaqa Diosyá kunan librachun, “Diospa Churinmi kani” nirqataq, nispanku.

Mateo 7:23

Hinaptinmi nisaq: “Manam reqsikichikchu. ¡Mana allin ruwaqkuna, qayllaymanta anchuychik!”, nispay.

Juan 10:14

Ñoqaqa allin michiqmi kani. Imaynam Taytay ñoqata reqsiwan chaynam ñoqapas Taytayta reqsini, ovejaykunatapas reqsinim, paykunapas reqsiwantaqmi. Ñoqaqa ovejakunaraykum vidayta qoni.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Romanos 11:22

Chaynaqa, qawariy Diosqa kuyakuq kasqanta chaynataq imam rimasqan cumpliq kasqanta. Mana kasukuqkunapim rimasqanta cumplin, qamkunawanñataqmi kuyakuyninta. Mana chayqa paykuna hinachá kuchusqa kawaqchik.

Gálatas 4:9

Kunanmi ichaqa cheqap Diostaña reqsirunkichik otaqmi payña reqsirusunkichik, hinaptinqa, ¿imaynampimá kay pachapi ñawpaq yachachikuykuna kasukuqqa kutiriwaqchik? ¿Huktawanchu esclavo kayta munankichik?

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.