Nahúm 1:6 - CHUYA QELLQA La Biblia en Quechua de Ayacucho 2012

⁶ ¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Quechua Ayacucho Bible 1987

⁶ Pay piñakuruptinqa ¿yaqachum pipas qayllanpiqa sayanman? Paypa sinchi piñakuynintaqa ¿yaqachum pipas aguantanman? Paypa piñakuyninqa nina hinaraqmi chutarikun. Qaqakunapas llumpayllatañam ñutuparikun.

Chuya Qellqa 1992

⁶ ¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Nahúm 1:6 Iomraidhean Croise

1~Reyes 19:11

Chaymi Tayta Dios nirqa: Hawaman lloqsispa orqoman qespiy hinaspa ñoqapa qayllaypi sayay, nispa. Tayta Dios pasaptinmi, huk sinchi wayrapas orqokunata tuñichispa rumikunata ñutururqa, Tayta Diosmi ichaqa mana chay wayrapichu karqa. Wayra pasaruptinñataqmi terremoto karqa, Tayta Diosmi ichaqa mana chay terremotopichu karqa.

Jobwan Sutichasqa Libro 26:11

Dios qaqchaykuptinqa cielopa pilarninkunapas manchakuymantam katkatatan.

Jobwan Sutichasqa Libro 40:11

Piñakuynikitayá cheqerichiy, hatun tukuqkunatayá qawarispa uchuychay.

Jobwan Sutichasqa Libro 9:5

Diosqa piñakuyninpim orqokunata kuyurichin, mana pipa musyasqantam chaykunata tuñichin.

Isaías 10:16

Chayraykum Tukuy Atiyniyuq Diosqa kallpasapa runankunata eqoyachinqa, hatu-hatunllaña kaynintam lenwachkaq ninawan hina ruparachinqa.

Isaías 13:13

Ñoqa Tukuy Atiyniyuq Tayta Diosmi cielokunata katkatatachisaq sinchi piñakuyniywan, maymi kasqanmantam allpa pachapas asurinqaraq.

Isaías 27:4

Paypaqqa manam piñakunichu. Sichum kichkayuq qorayuq kaptinqa guerrapi peleaq rispaymi lliwta kañaykamuyman.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Lamentaciones 2:3

Sinchita piñakuspanmi Israelpa tukuy atiyninta chinkarachin, enemigopa qayllanpim yanapakuyninta karuncharachin, Jacob castakunapa llaqtankunapim lenwachkaq ninata ratarachin, muyuriqninpi tukuy tarisqanta ruparunanpaqmi ratarachin.

Lamentaciones 2:4

Señorqa enemigo hinam flechana armanta allinta hapiykurqa, enemigo hinam alleq makinta hoqarirqa, tukuy kuyayllapaq kaqkunatam chinkarachirqa, Sión llaqtamanmi piñakuyninta ninata hina kachaykamurqa.

Lamentaciones 4:11

Tayta Diosmi piñakuyninta kachaykamurqa, sinchi piñakuynintam chaqchurimurqa, Sión llaqtatam ninawan kañaykurqa, cimientonkamaraqmi llaqtata chinkarachirqa.

Ezequiel 21:31

Qampa hawaykimanmi piñakuyniyta kachaykamusaq, hawaykipim piñakuyniyta ninata hinaraq ratarirachisaq; mana allinkuna ruwaq runakunapa makinmanmi qoykusqayki, chinkachikuq runakunapa makinmanmi qoykusqayki.

Ezequiel 30:16

Egipto naciontam kañaykusaq, Sin llaqtapas nanaywanmi qewipakunqa; Tebas llaqtapa murallankunapas uchkupasqallañam rikurirunqa, Menfis llaqtapas punchawpacham atacasqa kanqa.

Ezequiel 39:6

Magog naciontapas chaynataq lamar qochapa patanpi hawkallaña kawsakuq nacionkunatapas kañaykusaqmi. Chaynapim Tayta Dios kasqayta yachanqaku.

Ezequiel 7:8

Piñakuyniytam qanman kacharimusaq, sonqoypas tiyanankamam piñakuyniyta qampi cumplichisaq. Imaynam kawsasqaykiman hinam cuentata mañasqayki, hinaspam millakuypaq kaqkuna ruwasqaykiman hina pagapusqayki.

Nahúm 1:2

Tayta Diosqa celosom hinaspa vengakuqmi, Tayta Diosqa contranpi sayariqkunamanta vengakuqmi, enemigonkunapa contranpi piñakuqmi.

Sofonías 2:2

qopa hina huk punchawllapi manaraq chinkaruchkaspa, Tayta Diospa hatun piñakuynin punchaw hawaykichikman manaraq chayaramuchkaptin.

Malaquías 3:2

Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Apocalipsis 16:1

Templomantam huk hatun qaya-kuyta uyarirqani, qanchis angelkunatam kaynata nimurqa: Rispayá Diospa piñakuyninwan huntasqa qanchis copakunata allpa pachaman tallimuychik, nispa.

Apocalipsis 16:8

Tawa kaq angelpas copa apasqantam intipa hawanman talliykurqa, hinaptinmi intiman atiy qosqa karqa rupayninwan runakunata kañarunanpaq.

Apocalipsis 6:17

Cas-tiganan hatu-hatun punchawmi chayaramun. ¡Pitaq chaytaqa aguantanman!” nispanku.