Nahúm 1:14 - CHUYA QELLQA La Biblia en Quechua de Ayacucho 2012

¹⁴ Asiria llaqta, Tayta Diosmi contraykipi kaynata kamachikun: Sutikipas pasaypaq qonqasqam kanqa, yupaychanayki wasimantapas makikiwan ruwasqayki idoloykikunatam pasaypaqta chinkarachisaq, millakuypaq kasqaykiraykum sepulturaykitapas chaypi ruwachisaq.

Quechua Ayacucho Bible 1987

¹⁴ Yaw Asiria nacionpa reynin, contraykipim Tayta Dios kamachin: Manam kanqañachu sutiki apaqkunapas. Diosnikikunapa templonmantaqa chinkarachisaqmi llaqllasqa taytachaykikunatapas. Diosnikikunapa templonmantaqa chinkarachisaqmi fundisqa taytachaykikunatapas. Ñakasqa kasqaykiraykum chaypiña rurapusqayki sepulturatapas.

Chuya Qellqa 1992

¹⁴ Asiria llaqta, Tayta Diosmi contraykipi kaynata kamachikun: Sutikipas pasaypaq qonqasqam kanqa, yupaychanayki wasimantapas makikiwan ruwasqayki idoloykikunatam pasaypaqta chinkarachisaq, millakuypaq kasqaykiraykum sepulturaykitapas chaypi ruwachisaq.

Nahúm 1:14 Iomraidhean Croise

2~Reyes 19:37

Huk punchawmi, Senaqueribqa Nisroc idolota templopi yupaychachkarqa, hinaptinmi churin Adramelecwan churin Sarezer wañurachirqaku, hinaspam Ararat lawman lluptikurqaku. Rey Senaqueribpa rantinpim churin Esar-hadonña munaychakurqa.

2~Crónicas 32:21

Hinaptinmi huk angelta Tayta Dios kachaykamurqa, chaymi llapallan allinnin qari-qari soldadonkunatawan kamachikuqkunata hinaspa capitankunatapas Asiria reypa campamentonpi wañurachirqa. Chaynapim rey Senaqueribqa penqakuymanta nacionninman kutikurqa, hinaspam diosninpa templonman yaykuruptin churinkunalla espadawan wañurachirqaku.

Jobwan Sutichasqa Libro 18:17

Kay pachapipas manañam yuyarisqañachu kanqa, sutinpas manañam rimarisqañachu kanqa.

Éxodo 12:12

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.

Proverbios 10:7

Allin ruwaq runaqa yuyarispa bendecisqam kanqa, mana allin runañataqmi chaylla qonqarachikunqa.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Isaías 33:13

Karupi kaqkuna, imam ruwasqaymanta uyariychik. Hichpapi kaqkuna, Tukuy Atiyniyuq kasqayta reqsiychik, nispa.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Daniel 11:21

Paypa rantinpim huk cheqnipay runa rey kananpaq hatarinqa, ichaqa manam reyta hinachu qawanqaku. Payqa qonqaymantam rikuriramunqa, hinaspam sakri-llawan munaychakuyta qallarinqa.

Daniel 5:27

TEKEL ninanqa: Balanzapi pesasuptikim qamqa mana llasaqña kachkanki, ninanmi.

Levítico 26:30

Idoloykichikkunapa capi-llankunatapas tuñirachisaqmi, incienso kañana altarnikichikkunatapas paki-parusaqmi, ayaykichiktapas idoloykichikkunapa hawanmanmi montorusaq.

Miqueas 5:13

Idolokunatapas chawpikichikmantam chinkarachisaq, manañam makikichikwan ruwasqaykichikpa qayllanpipas qonqorakunkiñachu.

Miqueas 5:14

Asera sutiyuq idoloykichiktapas chawpikichikmantam wischurusaq, llaqtaykichikkunatapas pasaypaqtam purmarachisaq.

Habacuc 2:10

Chaynata ruwaspaykim wasikitapas penqayman churarunki, achka nacionkunata tuñichispaykim kikikipunipas tuñirachikunki.

1~Samuel 3:13

Nirqaniñam churinkunapa millay hucha ruwasqanmanta aylluntapas wiñay-paq juzganaymanta, ñoqapa contraypi rimachkaptinkupas payqa manam qaqchar-qachu.