Nahúm 1:12 - CHUYA QELLQA La Biblia en Quechua de Ayacucho 2012

¹² Chayraykum llaqtanta Tukuy Atiyniyuq Tayta Dios kaynata nin: Asiria llaqtaqa mayna kallpasapaña kaspapas, achkallaña runayuq kaspapas, purmachisqa kaspam pasaypaqta chinkanqa. Judá llaqta, llumpaytam ñakarichirqayki, manañam mastaqa ñakarichisqaykiñachu.

Quechua Ayacucho Bible 1987

¹² Runakunatam Tayta Dios nisunkichik: Mana asllayaq Asiria nacionniyoq runakunaqa chayman hinam wañuchisqa kanqaku. Nana-nanaq Asiria nacionniyoq runakunaqa chayman hinam purmachisqa kanqaku. Ñoqaqa ñakarichirqaykichikmi qamkunataqa. Manam ñakarichisqaykichikñachu qamkunataqa.

Chuya Qellqa 1992

¹² Chayraykum llaqtanta Tukuy Atiyniyuq Tayta Dios kaynata nin: Asiria llaqtaqa mayna kallpasapaña kaspapas, achkallaña runayuq kaspapas, purmachisqa kaspam pasaypaqta chinkanqa. Judá llaqta, llumpaytam ñakarichirqayki, manañam mastaqa ñakarichisqaykiñachu.

Nahúm 1:12 Iomraidhean Croise

2~Reyes 19:35

Chay tutam, Tayta Diospa angelnin lloqsiramuspan Asiria campamentopi pachak pusaq chunka pichqayuq waranqa soldadokunata wañurachirqa. Achikyaruptinmi llapallanku wañusqaña kachkasqaku.

2~Reyes 19:37

Huk punchawmi, Senaqueribqa Nisroc idolota templopi yupaychachkarqa, hinaptinmi churin Adramelecwan churin Sarezer wañurachirqaku, hinaspam Ararat lawman lluptikurqaku. Rey Senaqueribpa rantinpim churin Esar-hadonña munaychakurqa.

Éxodo 12:12

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.

Isaías 10:16

Chayraykum Tukuy Atiyniyuq Diosqa kallpasapa runankunata eqoyachinqa, hatu-hatunllaña kaynintam lenwachkaq ninawan hina ruparachinqa.

Isaías 17:14

Chisinkuytam mancharikuyllapaqña rikurirunku, ichaqa manaraqpas achikyaytaqa chinkarunkuñam. Chaynam llapa ñakarichiqninchikpas chaynataq haykam suwawaqninchikpas chinkarunqaku.

Isaías 30:19

Sión moqopi runakuna, Jerusalén llaqtapi yachaqkuna, manañam haykapipas waqankichikñachu. Payqa llakipayakuspa kuyapayakuqmi. Qaparispa mañakuptikichikmi uyarisunkichik.

Isaías 31:8

Asiria nacionpa tropankuna espadapi puchukanqaku, ichaqa manam runakunapa espadanwanchu. Espadamantaña lluptiptinkupas jovenkunatam criado kanankupaqña hapirunqaku.

Isaías 37:36

Chay tutam Tayta Diospa angelnin Asiria soldadokunata pachak pusaq chunka pichqayuq waranqata hina campamentollanpi wañurachirqa. Achikyaruptinmi llapallanku wañusqaña kachkasqaku.

Isaías 51:22

Dios Taytaykim, llaqtanmanta nanachikuq Diosnikim kaynata nin: Tankikachachisuqniki copatam makikimanta qechusqayki, machanaykipaq upyasqayki piñakuyniy vasotam qechusqayki, manañam piñakuyniy vasomantaqa upyankiñachu.

Isaías 7:20

Chay punchawpim Tayta Dios, Eufrates mayupa waklawninkunapi yachaq Asiria tropakunata, alkilasqan navajapaq hapiykuspan, Israel llaqtata rutunqa. Rutunqataqmi umankutapas, barbankutapas chaynallataq penqayninkupi pelokunatapas.

Isaías 8:8

Judá nacionmanpas chayaspanmi kunka kuchunkamaraq huntaykunqa, mastarikuspanñataqmi patan-patan haypaykunqa. ¡Emanuel! Llaqtaykiqa ankapa raprawan pakaykusqa hinam kanqa, nispa.

Daniel 11:10

Ichaqa norte lawpi reypa churinkunam piñakuspanku nana-nanaq tropakunata hatarichinqaku. Lloqlla hinaraq mastarikuspankum sur lawpi reypa murallasqa llaqtanman chayaruspanku huktawan atacanqaku.

Joel 2:19

Hinaspanmi llaqtanta Tayta Dios kaynata ninqa: Saksanaykichikkama mikunaykichikpaqmi trigota, vinota hinaspa aceiteta apachimuchkaykichik; kunanmantaqa manam nacionkunapa asipayananñachu kankichik.

Nahúm 1:15

Qawariychik allin willakuy apamuqta, hawkayaymanta willakuy apamuqta, orqokunapa hawanta hamusqanta. Judá nación, fiestaykikunata ruway, prometekusqaykikunata cumpliy, manañam haykapipas mana allin runaqa hamusunkiñachu, pasaypaqtañam chinkarun.

Apocalipsis 7:16

Paykunaqa manañam yar-qaymantapas, yakumantapas kanqakuñachu, nitaqmi intipas nitaq ima rupaypas rupanqañachu.