Nahúm 1:10 - CHUYA QELLQA La Biblia en Quechua de Ayacucho 2012

¹⁰ Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Quechua Ayacucho Bible 1987

¹⁰ Kichka hinaña siray-siraymi kachkanku. Vinopa intuykusqan sinkay-sinkaymi kachkanku. Chakisqa qopa hinañam kañasqa kanqaku.

Chuya Qellqa 1992

¹⁰ Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Nahúm 1:10 Iomraidhean Croise

2~Samuel 13:28

Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

Éxodo 15:7

Manchakuypaq atiynikiwanmi contraykipi hatariqkunata chinkarachinki, hatun piñakuynikiwanmi pajata hina ruparachinki.

Éxodo 5:12

Chaymi Israel runakuna, Egipto nacionpi kayman chayman cheqerispanku, pajapa rantinpi rastrojotaña huñumurqaku.

Isaías 27:4

Paypaqqa manam piñakunichu. Sichum kichkayuq qorayuq kaptinqa guerrapi peleaq rispaymi lliwta kañaykamuyman.

Isaías 47:14

Paykunaqa qopa hinallam, ninapa rupasqanmi tukurunqaku; ninamantaqa manam lluptiyta atinqakuchu, chay ninaqa manam ladonpi tiyaspa qonikunapaq sansallachu.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 56:12

Paykunam ninku: “Hamuychik vinota upyakusun, poqosqa aqata sinkananchikkama upyakusun; paqarinpas kunan punchaw hinam kanqa, kunanmantapas aswan allin punchawraqmi kanqa”, nispanku.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Jeremías 51:39

Rupaypi yakunayachikuptinkum machachiqninkuta upyachisaq, muspaypi hinaña kanankukamam upyachisaq, chaynapim wiñaypaq manaña rikchanankukama puñurunqaku. Ñoqa Tayta Diosmi chaynata nini.

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

Miqueas 7:4

Paykunamanta allinpaq hapisqa runakunam kichka hina, allin kawsaqñataqmi anku kichka hina. Ñakarinayki punchawmi hamuchkan, castigasqa kanaykimanta profetakunapa rimarisqan punchawmi chayamuchkan, hinaptinmi muspaypi hina tarikunki.

Nahúm 3:11

Nínive llaqta, manchakuymantam sinka hina katkatatanki, pantaypi tarikuspam enemigoykimanta pakakunki.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

1~Samuel 25:36

Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.