Miqueas 7:9 - CHUYA QELLQA La Biblia en Quechua de Ayacucho 2012

⁹ Tayta Diospa contranpi huchallikurusqayraykum piñakuynintapas aguantasaq, chaykamam imam ruwasqaymanta juzgawaspan allin arreglota ruwawanqa. Payqa achkiymanmi hurqowanqa, allin ruwaynintam qawaykachiwanqa.

Quechua Ayacucho Bible 1987

⁹ Aguantasaqmi Tayta Diospa piñakuynintaqa. Contranpimiki huchallikuruni ñoqallayqa. Chay asuntoymanta sayapakuwanankamam aguantasaq. Allin arreglota rurapuwanankamam aguantasaq. Payqa achkiymanñam horqoykuwanqa. Allin rurasqantam qawaykachiwanqa.

Chuya Qellqa 1992

⁹ Tayta Diospa contranpi huchallikurusqayraykum piñakuynintapas aguantasaq, chaykamam imam ruwasqaymanta juzgawaspan allin arreglota ruwawanqa. Payqa achkiymanmi hurqowanqa, allin ruwaynintam qawaykachiwanqa.

Miqueas 7:9 Iomraidhean Croise

2~Samuel 24:17

Llaqta wañuchiq angelta rikuruspanmi Tayta Diosta David nirqa: ¡Ñoqam huchayuqqa kani! ¡Ñoqam kay mana allintaqa ruwaruni! ¿Ima huchayuqtaq kay runakunaqa? Chaynaqa, ruegakuykim ñoqatawan aylluykunata castigawanaykikupaq, nispa.

Jobwan Sutichasqa Libro 23:10

Payqa imayna kawsasqaytapas yachanmi, pruebaykuwaptinqa chuyay-chuyay qori hinam lloqsisaq.

Jobwan Sutichasqa Libro 35:14

“Diostaqa manam rikunichu” nichkaspaykipas ichaqa pacienciawanyá suyaykuy, sasachakuynikiqa paypa ñawpaqninpim kachkan.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 42:7

Ñawsakunapa ñawinta kichanaykipaq, carcelpi kaqkunata hurqonaykipaq, tutayay calabozopi tiyaqkunata hurqonaykipaq, nispa.

Isaías 46:13

Allin ruwayniykunam chayamuchkanña, manam unamunqañachu. Sionpi yachaqkunatam salvasaq, Israel runaykunapim hatunchakusaq.

Isaías 51:22

Dios Taytaykim, llaqtanmanta nanachikuq Diosnikim kaynata nin: Tankikachachisuqniki copatam makikimanta qechusqayki, machanaykipaq upyasqayki piñakuyniy vasotam qechusqayki, manañam piñakuyniy vasomantaqa upyankiñachu.

Isaías 56:1

Tayta Diosmi kaynata nin: Mana pimanpas sayapakuspa lliwpaq allinkunallata ruwaychik, munasqayman hina kawsaychik, libranay punchawmi hichpamuchkanña, allin ruwaq kasqayta qawachinay punchawmi chayamuchkanña.

Jeremías 10:19

¡Imaynaraq kasaq kay ñakarisqaywan! ¡Heridaykunapas mana hampiy atinam! Ichaqa ñoqam nirqani: Kayqa onqoyniymi, hinam ñakarisaq, nispa.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 51:10

Tayta Diosmi sentenciaspa favoreceykuwanchik. Hamuychik, ñoqanchikpaq Diosninchikpa imam ruwasqanta Sión llaqtapi willakamusunchik.

Lamentaciones 1:18

Chaywanpas Tayta Diosqa allin ruwaqmi, manam kamachikuyninkunata kasukurqanichu. ¡Llapallan runakuna, uyariwaychik! ¡Ñakarisqayta qawariychik! Wawaykunatam joventa sipasta presota aparunku.

Levítico 26:41

paykunapa contrankupi kaspaymi enemigonkupa nacionninman pusachisaq. Chaypim rumi sonqo kayninkupas llampuyamunqa, chaypitaqmi mana allinta ruwasqankumantapas paganqaku.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

2~Timoteo 4:8

Chayraykum sapaqchapuwasqan corona suyawachkan chaytaqa allin arreglo ruwaq Señorninchikmi chay punchaw kutimuspan qowanqa, manataqmi ñoqallamanchu aswanqa kuyakuywan paypa kutimunanta suyaqkunamanwanmi.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

1~Samuel 24:15

Tayta Diosyá tanteasqanman hina qamtawan ñoqata juzgawasun. Paytaqyá makikimantapas waqaychawachun, nispa.

1~Samuel 25:39

Nabal wañurusqanta yacharuspanmi David nirqa: Tayta Diosyá yupaychasqa kachun, insultawasqanmanta Nabalta wañurachispan, imapas mana allin ruwanaymanta harkaykuwasqanmanta. Tayta Diosmi Nabalman mana allin ruwasqankunata kutirachin, nispa. Chaymantam Abigailwan casarakuyta munaspa runankunata kacharqa rimapayamunankupaq.

1~Samuel 26:10

Tayta Diosraykum jurani, paymi yachan haykapim hinaspa imayna wañunantapas.

1~Samuel 3:18

Hinaptinmi Samuelqa Tayta Diospa imam nisqanta lliwta willarqa. Eliyña-taqmi nirqa: ¡Payqa Diosmi! ¡Imam munasqanman hina ruwachun! nispa.