Miqueas 7:2 - CHUYA QELLQA La Biblia en Quechua de Ayacucho 2012

² Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Quechua Ayacucho Bible 1987

² Kay nacionpiqa chinkarunñam kuyapayakuqpas. Kay nacionpiqa manam kanñachu allin ruraqpas. Runakunaqa llapallankum wañuchinankupaq wateqayllapiña purichkanku. Runamasinta toqllaman wichiykachinankupaqmi wateqayllapiña purichkanku.

Chuya Qellqa 1992

² Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Miqueas 7:2 Iomraidhean Croise

Proverbios 1:11

Sichum nisunki: “Hakuchik runata wateqamusun, inocente runata wañuchimusun,

Proverbios 12:6

Mana allin runapa rimayninqa wañuchikuq trampa hinam; allin runapa rimayninmi ichaqa runamasinta wañuymanta salvanqa.

Isaías 3:5

Runakunam kikinkupura ñakarichinakunqaku, reqsinakuqpurapas cheqninakunqakum, warmakunam yuyaqkunapa contranpi hatarinqaku; usuq runakunam ancha reqsisqa runakunapa contranpi hatarinqaku.

Isaías 57:1

Allin kawsakuq runakunam wañunku, manam pitapas imapas qokunchu. Kuyapayakuq runakunam chinkanku, ichaqa manam pipas musyanchu sasachakuymanta librasqaña kasqankuta.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Jeremías 5:16

Llapallankum allinnin qari-qari soldadokuna, armankupas wañuchiq armakunam.

Jeremías 5:26

Llaqtay ukupim mana allin runakuna kachkan, urpikunata hapiq hinaraqmi runamasinta wateqachkanku, runamasinta hapirunanpaqmi toqllata churachkanku.

Jeremías 8:6

Uyarisqayman hinaqa manam pipas cheqap rimaqqa kanchu, manam pipas huchanmantaqa wanakunchu, manam pipas huchanta reqsikuspa ninchu: ¿Imatataq kayta ruwaruni? nispaqa. Guerraman kallpaq caballo hinaraqmi llapallanku pantay ñanman kallpanku.

Lamentaciones 4:18

Purisqaykupas wateqasqallam kachkan, manam callekunamanpas lloqsiyta atinikuchu. Puchukanayku punchawmi hichpamuchkanña, wañunayku punchawmi chayamuchkanña.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Ezequiel 24:6

Ñoqa Tayta Diosmi kaynata nini: ¡Imallapiraq rikukunqa runa wañuchiq llaqta! Chay llaqtaqa akasqa manka hinam, akarusqanqa manaña siksiy atinam. Chay mankamanta chulla-chullamanta llapallan aychata hurqoy.

Oseas 5:1

Sacerdotekuna kayta uyariychik, Israelpa mirayninkuna chaylla uyariychik, reypa mirayninkuna uyariychik: Mizpa lawpi tranpa churasqa hina, chaynataq Tabor orqopi challwanapaq malla hina kasqaykichikmantam juzgasqa kankichik.

Oseas 6:9

Sacerdotekunapas wateqaq suwakuna hinam, Siquem llaqtaman rina ñanpi huñunakuruspam runakunata wañuchinku, paykunaqa penqaypaq kaqkunatam ruwanku.

Miqueas 2:8

Qayna punchawmi llaqtay karqankichik, kunanqa enemigoyñam rikurirunkichik. Guerramanta hawkalla kutimuqkunapatapas enemigoykichikmanta hinaraqmi allin pachallantapas qechunkichik.

Miqueas 3:10

Sión llaqtatam yawarta chaqchuspa hatarichinkichik Jerusalentañataqmi ñakariypa hawanpi hatarichinkichik.

Miqueas 3:2

Qamkunam ichaqa allin ruwayta cheqnispa mana allin ruwayta kuyankichik, ovejata hinaraqmi llaqtaytapas tulluntawan qarallantaña ruwarunkichik.

Zacarías 11:6

Chayraykum Tayta Dios kaynata nin: Ñoqapas manañam kay nacionpi yachaq runakunataqa llakipayasaqñachu, aswanqa sapakamatam runamasinpa chaynataq reyninpa munaychakunanpaqña hapiykachisaq, paykunañam nacionninkuta purmachinqa, ñoqapas manam paykunapa makinmantaqa librasaqchu, nispa.

Hechos 24:9

Chaynata Tértulo rimaruptinmi chaypi kaq judiokunapas nirqaku: Arí, tukuy kaykunaqa cheqappunim, nispanku.

1~Samuel 24:11

Taytalláy qawarimuy, capaykipa patantam hapichkani, capaykipa patanta kuchuruchkaspaypas manam wañurachirqaykichu. Chaynaqa, reyni-lláy kunanqa yachankim ñoqaqa mana contraykipi huchallikuq kas-qayta; qanmi ichaqa wañuchiwanay-kipaq maskawachkanki.

1~Samuel 26:20

Amayá Tayta Diospas munachunchu qayllanmanta karupi wañunaytaqa. Ichaqa reynilláy, qanmi lloqsiramunki pikita otaq yututa hina orqon-orqon maskawanaykipaq, nispa.