Miqueas 7:14 - CHUYA QELLQA La Biblia en Quechua de Ayacucho 2012

¹⁴ Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Quechua Ayacucho Bible 1987

¹⁴ Dios Taytallay, runaykikunataqa ovejakunata hinayá michiy. Qampa kaq ovejaykikunataqa qampuniyá michiy. Montekunapi sapallan kaqtayá michiy. Sumaqllaña pastokunapi kaqtayá michiy. Ñawpaq tiempokunapi hinam Basan law pastokunata mikunqaku. Ñawpaq tiempokunapi hinam Galaad law pastokunata mikunqaku.

Chuya Qellqa 1992

¹⁴ Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Miqueas 7:14 Iomraidhean Croise

Éxodo 33:16

Ñoqaykuwan mana riptikiqa, ¿imay-nataq yachasaqku llaqtaykita chaynataq ñoqatapas yanapawasqaykikutaqa? ¿Imapitaq ñoqapas hinaspa runaykikunapas kay pachapi runakunamanta rakisqa kasaqku? nispa.

Cantares 4:1

¡Kuyakusqalláy, mayna kuyayllapaqmi qamqa kanki! ¡Llumpay kuyayllapaqmi qamqa kanki! Ñawikikunapas veloykipa qepanpi pakakuq palomakuna hinaraqmi, chukchaykipas Galaad law orqonkunapi pawaykachaq cabrakuna hinaraqmi.

Isaías 27:13

Hina chay punchawpim, hatun trompetata tocanqaku, hinaptinmi Asiriapi chinkasqakunawan Egiptoman qarqosqakunapas kutimunqaku, Jerusalén llaqtapi Tayta Diosta hatunchanankupaq, sapaqchasqan Sión moqopi Tayta Diosta hatunchanankupaq.

Isaías 35:2

Sumaqta waytaspam kusikunqa, kusikuymantam qaparinqa; kuyayllapaq kayninmantam hatunchasqa kanqa, Líbano montepas, Carmelo orqopas, Sarón pampapa hatunchasqa kasqanta hina; chaypim paykuna, Tayta Diospa atiyniyuq kayninta rikunqaku.

Isaías 37:24

Serviqnikikunawanmi Señorta kamichirqanki, hinaspam nirqankiraq: “Nana-nanaq carroykunawanmi orqokunapa puntanman qespirusaq, Líbano orqo waqtatam qespirusaq, hatun cedro sachakunatam kuchumusaq, sumaq ciprés sachakunatam kuchurusaq, karu-karu orqonkunamanmi chayarusaq, sachankamallaña montenkunamanmi chayarusaq.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Isaías 65:10

Sarón pampapas ovejakunapa huntasqanñam kanqa, Acor qechwapas uywakunapa mikunanñam kanqa, maskaqniy runakunapaqmi chayna kanqa.

Jeremías 49:31

Ñoqa Tayta Diosmi kamachikichik: Rispaykichik hawkallaña yachakuq llaqtata atacamuychik, punkunkunapas mana cerrojoyuqmi kachkan, paykunaqa sapallankum kachkanku.

Lamentaciones 1:7

Jerusalenmi humillachisqa kaspa llakipi purisqanta yuyarin, ñawpaq watakunapi kapuqninkunatam yuyarin; enemigonkuna venceruptinmi mana pipas yanapaykuqnin karqachu, ñakariqta rikuspankum enemigonkuna asipayarqaku.

Lamentaciones 5:21

Dios Taytalláy, qanman kutirikunaykupaq kutirichiwayku, ñawpaq tiempopi hina musoqyachiwayku.

Ezequiel 36:11

Qamkunapi kaq runakunatapas, animalkunatapas ñoqam mirachisaq. Chaynapim paykunaqa nana-nanaqta miranqaku. Ñawpaq tiempopi hinaraqmi qamkunataqa chaypi kawsachisqaykichik. Qamkunataqa ñawpaq tiempomantapas aswan allintaraqmi ruwasqaykichik. Chaynapim Tayta Dios kasqayta yachankichik.

Levítico 27:32

Vacamanta kaptin otaq ovejamanta kaptinpas sapa chunka animal yupas-qamantam hukninta diezmopaq sapaq-chanqaku ñoqa Tayta Diospaq. Chay animalkunaqa diezmo kasqanraykum ñoqallapaqña sapaqchasqa kanqa.

Amós 9:11

Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Abdías 1:19

Neguev lawpi yachaqkunam Esaupa orqonkunapi munaychakunqaku, Sefela lawpi yachaqkunañataqmi Filistea nacionpi munaychakunqaku, munaychakunqakutaqmi Efrainpa hinaspa Samariapa chakrankunapipas. Benjaminpa mirayninkunapas Galaadpim munaychakunqaku.

Miqueas 5:4

Hinaptinmi chay rey hatarispan Tayta Diospa atiyninwan paykunata michinqa, paykunañataqmi hawka kawsakunqaku, Tukuy Atiyniyuq Tayta Dios kay pachapa patankama hatunchasqa kasqanrayku.

Sofonías 3:13

Israelpi puchuqkunapas manañam mana allintaqa ruwanqakuñachu, nitaqmi llullakunqakuñachu, manañam pitapas engañanqakuchu. Michisqa kaspankum hawkaña samakunqaku, manchachiqninkupas manañam kanqañachu, nispa.

Zacarías 10:10

Egiptomantam paykunata kutichimusaq, Asiriamantam paykunata huñumusaq, Galaadmanwan Libanoman pusaptiymi achkallaña kasqankurayku allpapas pisinqaraq.

Zacarías 11:7

Chaynapim wañuyman destinasqa kaq ovejakunata michirqani. Michinaypaqmi iskay tawnakunata hapiykurqani, huknintam suticharqani kuyapayakuywan, huknintañataqmi hukllawanakuywan, hinaspaymi michirqani.

Malaquías 3:4

Hinaptinmi Tayta Diosñataq Judá nacionpa chaynallataq Jerusalén llaqtapa ofrendanwan kusikunqa, ñawpaq tiempokunapi paykunawan kusikusqanta hinaraq.

Números 23:9

Kay alto orqokunamantam paykunata qawarini, kay moqokunamantam paykunata rikuykuni. Paykunaqa wakin nacionkunamanta sapaqchakuspa yachaq runakunam.

Números 32:1

Rubenpa chaynataq Gadpa mirayninkunam animalsapa kasqankurayku, Jazer lawpi hinaspa Galaad lawpi allpakunata animalkunapaq kusallaña kasqanta qawaykurqaku.

Números 32:4

allpakunatam Tayta Dios qechuruspan Israelpa mirayninkunaman qoykurqa. Chay allpakunaqa animalkuna uywa-napaqpas allinmi; ñoqaykuqa achkallaña animalniyuqmi kaniku.

Mateo 2:6

“Judá lawpi Belén llaqta, qamqa manam Judapi llaqtakunamanta taksallanchu kanki, qanmantam huk kamachikuq hatarinqa, paymi Israel llaqtayta michinqa”, nispanku.

Juan 17:16

Ñoqaqa manam kay pachapaqchu kani, paykunapas manataqmi kay pachapaqchu kanku.

Deuteronomio 33:28

Israelpa mirayninkunaqa payman hapipakuspam kawsakunkichik, Jacobpa mirayninkunaqa hawkallam kawsakunkichik. Trigopapas vinopapas kanan allpapim yachakunkichik, paranan allpapim yachakunkichik.