Miqueas 7:10 - CHUYA QELLQA La Biblia en Quechua de Ayacucho 2012

¹⁰ Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Quechua Ayacucho Bible 1987

¹⁰ Enemigoy nacionpas chaytam qawaykunqa. Penqaypa intuykusqanñam rikurirunqa. Payqariki kaynatam rimakuwarqa: “¿Maytaq yupaychasqayki Tayta Diosqa?” Paytaqa rikuykusaq kikiypuniraqmi. Saruchikunqapas ñanpi mitu hinaraqmi.

Chuya Qellqa 1992

¹⁰ Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Miqueas 7:10 Iomraidhean Croise

2~Samuel 22:43

Ñutu allpata hinam ruwarurqani, ñanpi mituta hinam llinqaparurqani.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Jeremías 49:15

Llapa nacionkunamantapas taksallatañam ruwasqayki, runakunapapas uchuychanantam ruwasqayki.

Jeremías 51:24

Ñoqa Tayta Diosmi kaynata nini: Babilonia nacionmanwan Caldea runakunamanmi, Sión llaqtapi mana allinkuna ruwasqankumanta qayllaykichikpi pagasaq.

Jeremías 51:51

Qamkunam ninkichik: “Tratawasqankuta uyarispaykum hatun penqaypi kachkaniku, Tayta Diospa templonman huklaw llaqtayuqkuna yaykusqanmantam penqakuyllawanña kachkaniku”, nispaykichik.

Ezequiel 7:18

Llakimantam qachqa pachawan chura-kunqaku, manchakuymantam katkatatanqaku, uyankupas penqakuymantam pukayanqa, umankutapas kachiy-kachiytam rutukunqaku.

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Joel 2:17

Templopa punkunmanta altarman rinapiyá Tayta Diospa sacerdotenkuna waqaspa kaynata mañakuchunku: ¡Dios Taytallayku, llaqtaykita pampachaykuy, amayá churikikunata penqayman kachaykuychu, amayá huk nacionkuna paykunapi munaychakuchunchu! ¿Imapaqtaq nacionkuna ninmanku: “Maypitaq Diosninku kachkan”, nispanku?

Abdías 1:10

Wawqeki Jacobpa mirayninkunata ñakarichisqaykimantam penqaypi kanki, hinaspam pasaypaqta chinkanki.

Abdías 1:12

Amamiki wawqekipa ñakarisqan punchawpi asipayawaqchu karqa, amataqmi Judapa mirayninkuna tuñisqan punchawpi kusikuwaqchu karqa, nitaqmi paykunapa sasachakuynin punchawpi burlakuwaqchu karqa.

Miqueas 4:11

Kunanqa achkallaña nacionkunam qampa contraykipi huñunakuruspa ninku: “Sión llaqta millakuypaq ruwasqa kasqanta qawaspa asikusun”, nispanku.

Miqueas 7:8

Cheqniwaqniy nación, tuñisqata qawawaspaykiqa amayá kusipayawaychu, wichiruspaypas ñoqaqa hatarisaqmi, tutayayña pampaykuwaptinpas Tayta Diosmi kanchariwaqniyqa.

Sofonías 3:15

Tayta Diosmi castigasunaykipaq rimarisqanta suchurachin, enemigoykikunatam qarqorun. Israel llaqta, reyniki Tayta Diosmi chawpikipi tarikun, manañam imamantapas manchakunkiñachu.

Zacarías 10:5

Paykunaqa kanqaku mitupa hawanpi enemigonta sarupaq soldadokuna hinam; Tayta Diospa yanapakuyninwanmi paykunaqa peleanqaku. Sillada tropakunatapas paykunaqa penqaymanmi churanqaku.

Malaquías 1:5

Chayta qawaspam qamkunañataq ninkichik: “Israel nacionmanta qallaykuspa tukuy hinastinpi Tayta Dios yupaychasqa kachun”, nispaykichik.

Malaquías 4:3

Chay punchawpim mana allin ruwaq runakunata uchpata saruchkaq hina qamkuna sarupankichik. Tayta Diosmi chaynata nin.

Mateo 27:43

Payqa Diospim hapipakurqa, cheqapta kuyaspaqa Diosyá kunan librachun, “Diospa Churinmi kani” nirqataq, nispanku.

Josué 7:9

Canaán castakunawan kay allpapi yachaqkunachiki uyariruspanku muyuruwanqaku, hinaspachiki sutiykutapas kay pachamanta chinkarachinqaku. Hinaptinqa, ¿imatataq ruwanki ancha reqsisqa sutiki mana penqaypi kananpaq? nispa.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.