Miqueas 6:8 - CHUYA QELLQA La Biblia en Quechua de Ayacucho 2012

⁸ Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Quechua Ayacucho Bible 1987

⁸ Runamasilláy, Tayta Diosqa nisurqankiñam allin kaqkunamantaqa. Mañasurqankiñam qanmanta imam munasqantaqa. Qamqa allin arreglotam ruranayki. Qamqa kuyapayakuytam kuyanayki. Diosnikipaqmi humillakuspa kawsanayki.

Chuya Qellqa 1992

⁸ Yaw runa, Tayta Diosqa nisurqankiñam allin kaqkunamantaqa, Tayta Diosqa ¿imatataq qanmanta mañasunki? Allin arreglo ruwanaykitam, llakipayakuyta kuyanaykitam. Diosnikipa qayllanpi uchuychakunaykitam.

Miqueas 6:8 Iomraidhean Croise

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Génesis 5:22

Matusalenpa nacesqanmantam Enoc kimsa pachak watataraq kawsarqa. Payqa Diospa munasqanman hinam kawsarqa. Chay watakunapim qarikunata warmikunata churyarqa.

2~Crónicas 30:11

Chaywanpas Aser ayllumanta, Manasés ayllumanta hinaspa Zabulón ayllumantam wakin runakuna uchuychakuykuspanku Jerusalén llaqtaman hamurqaku.

2~Crónicas 32:26

Ichaqa hatun tukuq kachkaspanpas rey Ezequiasqa Tayta Diospa qayllanpim uchuychakurqa, Jerusalenpi yachaq-kunapas chaynallatam ruwarqaku, chaymi Ezequías kawsanankamaqa Diospa piñakuyninpas mana paykunaman hamurqachu.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

2~Crónicas 33:23

Manam taytan Manasés hinaqa uchuychakurqachu, aswanraqmi payqa huchaman qokururqa.

2~Crónicas 34:27

sonqoykipi llakikuspa, kay nacionpa chaynataq runankunapa contranpi rimasqayta uyarispa, qayllaypi uchuychakuspa pachaykikunatapas llikipaspa waqasqaykiraykum ñoqapas uyariykuyki.

Nehemías 9:13

Sinaí orqopa hawanmanmi uraykamurqanki, hanaq pachamantam paykunata rimapayamurqanki, reglamentoykikunatawan yachachikuynikikunatam qorqanki, estatutoykikunatawan allin kamachikuykunatam qorqanki.

Proverbios 21:3

Sacrificiokuna qonamantapas aswanqa, allin arreglotawan allin kawsakuytam. Tayta Diosqa munan.

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Isaías 56:1

Tayta Diosmi kaynata nin: Mana pimanpas sayapakuspa lliwpaq allinkunallata ruwaychik, munasqayman hina kawsaychik, libranay punchawmi hichpamuchkanña, allin ruwaq kasqayta qawachinay punchawmi chayamuchkanña.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Jeremías 22:16

Payqa wakchakunatawan ñakarichisqakunatam valechirqa, chayraykum ima ruwasqanpas allin lloqsirqa. Payqa sumaqtam reqsiwarqa, ñoqa Tayta Diosmi chaynata nini.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Lamentaciones 3:26

Tayta Dios yanapawananchikpaqqa upallalla suyaymi aswan allinqa.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Ezequiel 33:14

Sichum mana allin ruwaq runata nisaq: “Wañunkipunim” nispay, hinaptin payñataq huchanmanta wanakuspan allin arregloman hina allintaña ruwaspan,

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Oseas 12:6

Israel miraykuna, Diosnikichikman kutirikuychik, llakipayakuytawan allin kawsakuyta ruwaychik, ama pisipaspa Diospi hapipakuychik.

Oseas 6:6

Sacrificiota qowanaykichikmantaqa kuyawanaykichiktam munani. Animalkunata ofrecewanaykichikmantaqa reqsiwanaykichiktam munani.

Levítico 26:41

paykunapa contrankupi kaspaymi enemigonkupa nacionninman pusachisaq. Chaypim rumi sonqo kayninkupas llampuyamunqa, chaypitaqmi mana allinta ruwasqankumantapas paganqaku.

Amós 5:24

Allin juzgasqaykichikpas kallpachkaq mayu hinayá kachun. Justicia ruwasqaykichikpas mana chakiq pukyu hinayá kachun.

Miqueas 6:9

Tayta Diosmi llaqtata qayachkan, payta uyariyqa allin yachayniyuq kaymi. Llapa runakuna uyariychik, kamachikuqkuna uyariychik:

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Zacarías 7:9

Tukuy Atiyniyuq Tayta Diosmi kaynata nin: Qamkunaqa cheqap kaqwan juzgaspayá runamasikichik-wanqa llakipayanakuspa chaynataq kuyapayanakuspa kawsaychik.

Mateo 5:3

Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Mateo 5:7

Mayna kusisqam llakipayakuqkunaqa, paykunamantapas Diosmi llaki-payarikunqa.

Lucas 10:42

Hukllam ruwanaykiqa, ñañayki Mariaqa allin kaqtam akllakurun, chaytaqa manam pipas qechunqachu, nispa.

Lucas 11:42

¡Ay, imaynaraq kankichik! Llapa fariseokuna qamkunaqa hierbabuenamanta, rudamanta hinaspa tukuy rikchaq yuyukunamantam diezmota qonkichik. Allin ruwaytawan Diosta kuyaytam ichaqa qonqarunkichik. Kaytayá ruwaychik diezmo qoytapas ama qonqaspa.

Lucas 12:14

Chaymi Jesusñataq nirqa: Yaw runa, ¿pitaq ñoqata churawarqa qamkunapa jueznikichik otaq herenciaykichik rakinaq kanaypaq?

Lucas 6:36

Qamkunapas Dios Taytanchik hina kuyapayakuqyá kaychik.

Romanos 7:16

Chaynaqa, mana munasqay kaqta ruwaspaymi nini: “Leyqa allinmi”, nispay.

Romanos 9:20

Ichaqa yaw runa, ¿pitaq qamqa kanki Dioswan churanakunaykipaqqa? Yaqachum mitumanta ruwasqa manka ruwaqninta ninman: ¿Imanasqataq kaynata ruwaruwanki? nispa.

1~Corintios 7:16

Yaw warmi, ¿yaqachu qosaykita salvaruwaq? Yaw qari, ¿yaqachu warmikita salvaruwaq?.

Efesios 4:32

Aswanqa sumaq sonqo kaspa kuyanakuychik, imaynam Diospas Cristorayku pampachasurqankichik, chaynayá qamkunapas pampachanakuychik.

Deuteronomio 27:10

Chaynaqa, kunan willasqay kamachikuykunatawan yachachikuykunatam ruwayman churankichik, nispa.

Deuteronomio 30:15

Chaynaqa, akllakuychik, kunanmi ñawpaqnikichikman churani allin kaqtawan kawsayta, mana allin kaqtawan wañuyta.

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

Santiago 2:20

¡Mana yuyayniyuq runa! Kaytayá yachay, iñiyqa wañusqam kachkan allin kaqkunata mana ruwasqaqa.

Josué 24:14

Chaynaqa, Tayta Diosta kasukus-payá cheqap sonqowan payta serviy-chik. Eufrates mayupa waklaw chim-panpi chaynataq Egipto nacionpi kachkaspanku ñawpaq taytaykichikkunapa yupaychasqanku idolokunatayá qamkunamanta wischuychik, hinaspayá Tayta Diosllata serviychik.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.

1~Samuel 15:22

Chaymi Samuel nirqa: Imamantapas llalliriqtaqa Tayta Diosqa munan rimarisqan kasukunanchiktam, manam animalkuna ofrecenatachu, nitaqmi wañuchispa kañapunatachu. Sacrificiokunamantapas uywakunapa wiran kañanamantapas aswan allinqa cheqaptapuni kasukuspa Tayta Diosta uyariymi.