Miqueas 6:2 - CHUYA QELLQA La Biblia en Quechua de Ayacucho 2012

² Orqokuna, kay pachapa cimientonkuna uyariychik, Tayta Diosmi llaqtanwan quejaman yaykurun, Israelpa contranpim juiciota kichaykun.

Quechua Ayacucho Bible 1987

² Yaw orqokuna, ñoqa Tayta Diospa pleito rurasqaytayá uyariychik. Wiñaypaq kaq kay pachapa cimientonkuna, chay pleito rurasqaytayá uyariychik. Runaykunawanmi pleitota rurachkani Ñoqa Tayta Diosqa. Israel castakunawanmi atipanakuchkani ñoqa Tayta Diosqa.

Chuya Qellqa 1992

² Orqokuna, kay pachapa cimientonkuna uyariychik, Tayta Diosmi llaqtanwan quejaman yaykurun, Israelpa contranpim juiciota kichaykun.

Miqueas 6:2 Iomraidhean Croise

2~Samuel 22:16

Tayta Diospa qaqchakuyninwanmi lamar qochapa ukunkunapas rikurirqaraq, Tayta Diospa qapariyninwanmi kay pachapa cimientonkunapas rikukurqaraq.

2~Samuel 22:8

Tayta Diospa piñakuyninwanmi kay pachapas kuyurispa katkatatarqa, cielokunapa cimientonkunam kuyurirqa.

Proverbios 8:29

Lamar qochapa linderonkunata churaptinpas, kay pachapa cimientonkunata churaptinpas, chaypim karqani.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 3:13

Tayta Diosqa chayllam kachkan llaqtanta juzgananpaq.

Isaías 43:26

Contraypi imapas niwanayki kaptinqa hamuy rimananchikpaq, mana huchayuq kasqaykita niway, ichapas yanqamanta tumpachkayki.

Isaías 5:3

Chaynaqa, Jerusalenpi yachaqkuna, Judá nacionpi runakuna niwaychik: ¿Pitaq kayna kananpaq pantarun, uvas plantaychu icha ñoqachu?

Jeremías 2:9

Chayraykum ñoqa Tayta Dios kaynata nini: Qamkunatawan willkaykichikkunatam juicioman apasqaykichik.

Jeremías 25:31

Kay pachapa cantonkamaraqmi qapariynin uyarikunqa, Tayta Diosmi nacionkunata juicioman qayanqa; llapallan runakunamantam cuentata mañanqa, mana allin ruwaqkunatam guerrapi wañuchinqa, Tukuy Atiyniyuq Tayta Diosmi chaynata nin.

Jeremías 31:37

Sichum cielokunata tupuruptinkuqa, kay pachatapas cimientonkama hayparuptinkuqa, chay punchawmi Israelpa mirayninkunatapas tukuy ima ruwasqankumanta qepanchakurusaq. Ñoqa Tayta Diosmi chaynata nini.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Oseas 12:3

Jacobqa mamanpa wiksallanmantaraqmi wawqenta talonninmanta hapimurqa, hatun runaña kaspanmi Dioswan pelearqa.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Miqueas 6:1

Kunanyá Tayta Diospa nisqanta uyariychik. Hatarispayki imam pasasusqaykita orqokunaman willakuy, qayakusqaykita orqokuna uyarichun.

Deuteronomio 32:22

Piñakuyniymi nina hinaraq ruparinqa, uku pachapa ukunkamaraqmi chayarunqa; allpatapas kawsaynintintam tukurunqa, orqokunapa sapintam kañarunqa.

Deuteronomio 4:26

Kunanmi cielotawan kay pachata testigopaq churani, sichum chayta ruwaspaykichikqa Jordán mayupa waklaw chimpanpi yachanaykichik allpamantam chinkachisqa kankichik. Manam unaychu chaypiqa kankichikpas, aswanqa chinkachisqapunim kankichik.