Miqueas 6:16 - CHUYA QELLQA La Biblia en Quechua de Ayacucho 2012

¹⁶ Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Quechua Ayacucho Bible 1987

¹⁶ Rey Omripa decretonkunatam kasukurqanki. Rey Acab castapa rurasqankunatam rurarqanki. Paykunapa piensasqanman hinam kawsarqanki. Chayraykum qamqa purmachisqa kanki. Chaypi yachaqkunapas asipayasqam kanqa. Runaykunapa penqayninmi wichiykusunki qanmanqa.

Chuya Qellqa 1992

¹⁶ Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Miqueas 6:16 Iomraidhean Croise

1~Reyes 18:4

chaymi Tayta Diospa profetankunata reina Jezabel wañuchiyta qallaykuptin Abdiasñataq pachak profetakunata iskay machaykunapi pakarurqa, sapa machaykunapi pichqa chunkatakama pakaruspanmi mikuyta yakuta qospan kawsachirqa.

1~Reyes 9:8

Kay suma-sumaq templotapas purmasqataña qaway-kuspankum, haykam kayninta pasaqkuna burlakuspa admirasqallaña ninqaku: ¿Imanasqataq kay naciontawan kay templotaqa Tayta Dios kaynata ruwarun? nispanku.

2~Reyes 16:3

Aswanqa Israel nacionpi reykunapa kawsasqanta hinam kawsarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankuta hina ruwaspam paypas churinta sacrificarqa.

2~Reyes 21:3

Taytan Ezequiaspa tuñichisqan capillakunatapas musoqmanta hatarichispanmi, Baal idolopaqña altarkunata ruwarqa. Israelpa reynin Acab hinam Asera idolotapas ruwarqa. Cielokunapi chaskakunatapas yupaycharqam.

2~Crónicas 22:4

Acabpa mirayninkuna hinam mana allinkunata ruwarqa Tayta Diospa qayllanpi. Taytan wañukuptinmi Acabpa mirayninkuna mana allinkunata ruwananpaq consejarqaku.

2~Crónicas 34:25

Ñoqata saqeruwaspankum tukuy rikchaq idolokunamanña inciensota kañarqaku, chaykunata ruwaspankum piñachiwarqaku, chayraykum kay llaqtaman piñakuyniyta kacharimuptiy mana taninqachu, nispa.

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Jeremías 19:8

Kay llaqtatam manchakunanku hinaspa burlakunanku sitiomanña tikrarusaq. Chaynin pasaq runaku-napas pasaypaq tuñisqata qawaykuspankum admirakusparaq asikunqaku.

Jeremías 25:18

Upyachimurqanim Jerusalén llaqtamanpas, Judá nacionpi llaqtakunamanpas, reyninkunamanpas hinaspa kamachikuqkunamanpas; chaynapi chunnichisqa, purmachisqa, burlakusqa hinaspa ñakasqa kanankupaq. Chaynam kunankamapas kachkanku.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 29:18

Guerrawan, yarqaywan hinaspa peste onqoywanmi paykunataqa ñakarichisaq. Kay pachapi llapallan nacionkunapapas manchakuspa katkatatanantam paykunataqa ruwarusaq. Cheqechisqay nacionkunapim paykunaqa ñakasqa, burlakusqa, penqayman churasqa hinaspa asipayasqa kanqaku.

Jeremías 51:51

Qamkunam ninkichik: “Tratawasqankuta uyarispaykum hatun penqaypi kachkaniku, Tayta Diospa templonman huklaw llaqtayuqkuna yaykusqanmantam penqakuyllawanña kachkaniku”, nispaykichik.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Lamentaciones 5:1

Dios Taytallayku, sasachakuypi kasqaykuta yuyariy, penqakuypaq kasqaykuta qawariy.

Ezequiel 39:26

Allpankupiña hawka mana pipapas manchachisqan kawsakuspankum, contraypi hatarispanku millakuypaq kaqkunata ruwasqankumanta penqakunqaku.

Daniel 9:16

Señornillayku, allin ruwaq kasqaykiraykuyá akllakusqayki Jerusalén llaqtaykipa contranpiqa amaña piñakuyñachu nitaq rabiakuyñachu. Huchaykuraykum hinaspa ñawpaq taytaykupa mana allinkuna ruwasqankuraykum Jerusalén llaqtaykiwan runaykikunapas muyuriqniykupi nacionkunapa usuchisqan kachkaniku.

Oseas 12:14

Ichaqa Efrainmi Tayta Diosta llumpayta piñachirqa, chayraykum runa wañuchisqanmanta paganqa, tukuy mana allin ruwasqanmantam Tayta Dios ñakarichinqa.

Oseas 5:11

Efrainmi ñakarichisqa kachkan, pipañapas munaychakusqanmi kachkan, idolokunata qatisqanraykum chaynaqa kachkan.

Miqueas 2:6

Profeta tukuqkunam Diospa profetankunata ninku: Ama yanqakunata willawaykuchu, manam ima sasachakuypas pasawanqakuchu, nispanku.

Miqueas 6:13

Chayraykum ñoqapas ñakarichispay huchaykirayku tuñichichkayki.

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.