Miqueas 6:14 - CHUYA QELLQA La Biblia en Quechua de Ayacucho 2012

¹⁴ Mikuspapas manam saksankichu, aswanqa hinallam yarqaymanta ñakarinki, huñukusqaykitapas manam takyachinkichu, takyachisqaykitapas guerrapim ñoqa tukuchisaq.

Quechua Ayacucho Bible 1987

¹⁴ Mikuspapas manam saksankichu. Yarqasusqaykiqa manam chinkanqachu. Manam waqaychawaqchu huñukusqaykitapas. Guerramanmi qoykusaq lluptichisqaykitapas.

Chuya Qellqa 1992

¹⁴ Mikuspapas manam saksankichu, aswanqa hinallam yarqaymanta ñakarinki, huñukusqaykitapas manam takyachinkichu, takyachisqaykitapas guerrapim ñoqa tukuchisaq.

Miqueas 6:14 Iomraidhean Croise

Isaías 30:6

Neguev lawpi animalkunamantam kaynata nin: Sasachakuypa hinaspa ñakariypa kasqan llaqtantam leonkunapa yachanan lawnintam, tukuy richkaq maqta urukunapa kasqantam, asnokunapi qori-qollqeta cargachkanku, camellokunapim kapuqninkuta apachkanku, mana imapaq valeq Egipto nacionmanmi astachkanku.

Isaías 65:13

Chayraykum ñoqa Tayta Dios kaynata nini: Serviqniykunaqa mikusqam kanqaku, qamkunañataqmi yarqaymanta kankichik; serviqniykunam yakuta tomanqaku, qamkunañataqmi yakumanta ñakarinkichik; serviqniykunaqa kusisqam kanqaku, qamkunañataqmi penqaypi tarikurunkichik.

Isaías 9:20

Runaqa alleq lawpi mikuchkaspapas manam saksanchu, ichoq lawpi mikuchkaspapas hinallam yarqaymanta, churinkuta mikuchkaspapas manam contentankuchu.

Jeremías 48:44

Ñoqa Tayta Diosmi kaynata nini: Manchakuymanta lluptiqkunam uchkuman wichiykunqaku, uchkumanta lluptiqkunam toqllaman wichiykunqaku. Moab runakunata castiganay tiempo chayaramuptinmi chayna kanqa.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Oseas 4:10

Ñoqa Tayta Diosmanta karunchakurusqankuraykum mikuspankupas mana saksanqakuchu, mirayta munaspankupas manam miranqakuchu.

Levítico 26:26

Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Hageo 1:6

Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.

Hageo 2:16

Manaraq kaykuna pasakuchkaptinqa, pipas iskay chunka costalta cosechasqanman rispam chunkallataña tarirqa; chaynallataqmi pichqa chunka puy-ñu vinota hurqonanpaq hamuqpas, iskay chunka puyñullataña hurqor-qa.