Miqueas 6:10 - CHUYA QELLQA La Biblia en Quechua de Ayacucho 2012

¹⁰ Mana allin ruwaqpa wasinpiqa hinallaraqmi kachkan engañowan ganasqan qori-qollqepas, mana allin ruwaqpa wasinpiqa hinallaraqmi kachkan millakusqay suwa balanzakunapas.

Quechua Ayacucho Bible 1987

¹⁰ ¿Mana allin ruraqpa wasinpiqa kachkanraqchum engañowan qori-qollqe ganasqankuqa? ¿Mana allin ruraqpa wasinpiqa kachkanraqchum mana cabal tupuq ñakasqa tupunaqa?

Chuya Qellqa 1992

¹⁰ Mana allin ruwaqpa wasinpiqa kachkanraqmi engañowan qori-qollqe ganaqkunaqa, mana allin ruwaqpa wasinpiqa kachkanraqmi millakusqay suwakuq balanzankuna.

Miqueas 6:10 Iomraidhean Croise

Proverbios 10:2

Yanqapaqmi mana allinta ruwaspa apuyayqa, allin ruwaymi ichaqa wañuymanta librakun.

Proverbios 11:1

Tayta Diosqa millakunmi suwakuq balanzataqa, cabal pesaqtam ichaqa allinpaq qawan.

Proverbios 20:10

Tayta Diosqa cheqninmi mana cabal pesotawan suwakuq balanzataqa.

Proverbios 20:23

Tayta Diosqa millakunmi mana cabal pesotawan suwakuq balanzataqa.

Proverbios 21:6

Llullakuywan huñusqa qori-qollqeqa wañuy maskaqkunapa yanqa munayllanmi.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Amós 3:9

Asdod llaqtapa palacionkunapi, Egipto nacionpa palacionkunapi, qaparispa niychik: “Samariapa orqonkunaman huñunakuspa qawaychik, Samariapa chawpinpi hatun sasachakuytawan ñakarichinakuyta”, nispaykichik.

Miqueas 6:9

Tayta Diosmi llaqtata qayachkan, payta uyariyqa allin yachayniyuq kaymi. Llapa runakuna uyariychik, kamachikuqkuna uyariychik:

Sofonías 1:9

Chay punchawpitaqmi punku hawanta pawaykuspa yaykuqkunatapas, patronninkupa wasinta suwakuywan hinaspa engañowan huntachiqkunatapas castigasaq, nispa.

Zacarías 5:6

Chaymi ñoqa tapurqani: ¿Imataq wakqa? nispay. Hinaptinmi chay ángel niwarqa: Tupuna canastam. Wakqa llapa nacion-kunapa huchanta tupuqmi, nispan.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.