Miqueas 5:5 - CHUYA QELLQA La Biblia en Quechua de Ayacucho 2012

⁵ Paymi hawkayayta apamuwasun Asiria nacionña llaqtanchikman hamuspan palacionchikkunaman yaykuptinpas, paykunapa contranpim qanchis michiqkunatawan ancha reqsisqa pusaq kamachikuqkunata kachaykusun.

Quechua Ayacucho Bible 1987

⁵ Paymi apamunqa hawka kawsakuytaqa. Asiria nacionniyoq runakuna nacionninchikman yaykuramuptinqa, Asiria nacionniyoq runakuna palacionchikkunata saruptinqa, paykunapa contranpim hoqarichisunchik qanchis gobiernaqninchik runakunata. Paykunapa contranpim hoqarichisunchik pusaq ancha reqsisqa runakunata.

Chuya Qellqa 1992

⁵ Paymi hawkayayta apamuwasun Asiria nacionña llaqtanchikman hamuspan palacionchikkunaman yaykuptinpas, paykunapa contranpim qanchis michiqkunatawan ancha reqsisqa pusaq kamachikuqkunata kachaykusun.

Miqueas 5:5 Iomraidhean Croise

Jobwan Sutichasqa Libro 5:19

Soqta sasachakuymantam librasunki, qanchis kaqñataqmi manaña chayamusunkichu.

Proverbios 30:18

Kay kimsam mana yachasqay kaqkuna, tawa kaqtapas manam reqsinichu:

Proverbios 30:29

Kay kimsañataqmi kuyayllapaqta purinku, tawa kaqpas qarillañam purin:

Proverbios 6:16

Soqta huchakunatam Tayta Dios cheqnin, qanchis kaqtañataqmi pasaypaqta millakun:

Eclesiastés 11:2

Qanchisman otaq pusaqman kapuqnikikunata aypuy, manam yachankichu ima sasachakuymi llaqtaman hamunantapas.

Isaías 14:25

Hina allpaypim Asiria runakunata puchukarachisaq, orqoykunapim paykunata saruparusaq. Yugonkupas manañam llaqtayta ñakarichinqañachu, llasaq qepi churasqankupas manañam llaqtayta ñakarichinqañachu.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Isaías 59:19

Intipa qespimunan lawpi kaqkunam Tayta Diosta manchakunqaku, intipa seqaykunan lawpi kaqkunam atiyninta hatunchanqaku. Payqa lloqlla hinaraqmi hamunqa, Diospa pukuyninpa kallpachimusqan mayu hinaraqmi hamunqa.

Isaías 65:8

Tayta Diosmi kaynata nin: Runam yakusapa uvasta tarispa nin: “Ama kaytaqa usuchisunchu, kachkanraqmi yakun”, nispa. Chaynatam ñoqapas serviqniykunata kuyasqayrayku ruwasaq, paykunataqa manam pasaypaqtachu chinkachisaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Jeremías 33:15

Chay punchaw chayaramuptinmi Davidpa mirayninmanta huk ikllipata hatarichisaq; paymi allin kaqkunata ruwaspan, allin arreglokunata ruwaspan kay allpapi munaychakunqa.

Amós 1:3

Tayta Diosmi kaynata nin: Damasco llaqtatam llumpa-llumpay huchanmanta castigasaqpuni, Galaadpi yachaqkunata fierromanta trillanakunawan trillachkaq hina ñakarichisqankumanta.

Amós 1:6

Tayta Diosmi kaynata nin: Gaza llaqtapi yachaqkunatam llumpa-llumpay huchankumanta castigasaqpuni. Llaqtantin runakunata presocharuspa Edom llaqtapi esclavopaq rantikusqankumanta.

Zacarías 10:11

Lamar qochapa olanta sayarachiptiymi, lamar qochapa chawpinta pasamunqaku. Nilo mayutam chakichisaq, Asiriapa hatun tukuynintam puchukachisaq, Egiptopa atiynintam tukurusaq.

Zacarías 10:3

Chayraykum Tayta Dios kaynata nin: Michiqkunapa contranpim sinchita piñakuruni, llaqtay nanachikuq runakunatam castigasaq. Tukuy Atiyniyuq Tayta Diosmi, Judapa mirayninkunata ovejankunata hina waqaychaqmi, paykunata guerrapaq kallpasapa caballonta hina ruwanqa.

Zacarías 12:6

Chay punchawpim Judá nacionpi kamachiqkunata yanta chawpipi sansata hina ruwarusaq chaynataq gavillakunapa chawpinpi ratachkaq ninata hina, hinaptinmi muyuriqninpi nacionkunata alleq lawman ichoq lawman paykuna kañanqaku. Jerusalenpi runakunañataqmi hina llaqtankupi yachanqaku.

Zacarías 9:10

Paymi Efrainpa carretankunatawan Jerusalenpa caballonkutapas chinkachinqa, guerrapaq arcokunatapas pakipanqam. Nacionkunapa hawkayaynintam rimarinqa, lamar qochapa kaylaw patanmanta waklaw patankamam munaychakunqa, Eufrates mayumanta qallaykuspam kay allpa pachapa patankama munaychakunqa.

Zacarías 9:13

Judatam guerrapaq arcota hina chutaruni, Efrainñataqmi flechankuna kanqa. Sión llaqta, qamtam espadata hina ruwasqayki, hinaspaymi wawaykikunata Grecia nacionpa contranpi hatarichisaq.

Lucas 2:14

¡Diosyá hanaq pachapi yupaychasqa kachun! ¡Kay pachapipas Diospa kuyasqan runakunapaqyá hawkayay kachun! nispanku.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 19:14

Hanaq pachapi kaq tropakunam qepanta rirqaku yuraq caballokunapi linomanta fino pachayuqkama.