Miqueas 5:3 - CHUYA QELLQA La Biblia en Quechua de Ayacucho 2012

³ Ichaqa wiksayuq warmipa wachakunankamam runankunata Tayta Dios saqeykunqa, chaymantañam Israelpa mirayninkuna, karupi tarikuqkuna, hinapi kaq wawqenkunaman hukllawakunqaku.

Quechua Ayacucho Bible 1987

³ Ichaqa wachakuq warmipa wachakunankamam Tayta Diosqa runankunata saqeykunqa. Chaymantañam karupi kaq llaqtamasinkunapas Israelpa mirayninkunawan huñunakunqa.

Chuya Qellqa 1992

³ Ichaqa wiksayuq warmipa wachakunankamam runankunata Tayta Dios saqeykunqa, chaymantañam Israelpa mirayninkuna, karupi tarikuqkuna, hinapi kaq wawqenkunaman hukllawakunqaku.

Miqueas 5:3 Iomraidhean Croise

1~Reyes 14:16

Jeroboampa huchanmantam chaynataq huchallikuspan Israel naciontapas huchallichisqanraykum Tayta Diosqa Israelpa mirayninkunata qoykunqa, nispa.

2~Crónicas 30:7

Qamkunaqa amayá ñawpaq taytaykichik nitaq aylluykichikkuna hinachu kaychik. Paykunam ñawpaq taytankupa yupaychasqan Tayta Diosta qepancharurqaku, chaymi qawasqaykichikpi hinapas purmachisqa kanankupaq kachaykurqa.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Ezequiel 34:16

Chinkasqa ovejakunatam maskamusaq, chullaruqtam kutichimusaq, chakin pakisqakunatam wataykusaq, eqoyasqakunatam marqarikusaq. Poqosqakunatawan kallpasapankunatam ichaqa puchukarachisaq, imam kaqman hinam michisaq.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Oseas 2:14

Chayraykum kuyakuyllawan rimapayasaq, chunniqman pusaruspaymi sonqonta sumaqllata suwaykusaq.

Oseas 2:9

Chayraykum tiemponpi rispay trigoytapas vinoytapas kutichikamusaq; qalalla cuerponta pakaykunanpaq linotawan millwa qosqaytam qechumusaq.

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Miqueas 4:4

Sapakamam uvas plantankupa higos sachankupa llantunpi tiyakunqaku, manañam pipas paykunataqa manchachinqachu. Tukuy Atiyniyuq Tayta Diosmi chaynata nin.

Miqueas 4:7

Wistu ovejakunamantam taksa llaqtata hatarichisaq, llapa chinkasqamantañataqmi kallpasapa nacionta ruwasaq, hinaspaymi ñoqa Tayta Diosñataq Sión moqopi wiña-wiñaypaq paykunapi munaychakusaq.

Miqueas 5:7

Jacobpa mirayninkunamanta puchuqkunam, llapa llaqtakunapa chawpinpi kanqaku, Diosmanta hamuq sulla hinaraq, pastokunaman chayaq para hinaraqmi kanqaku. Parawan sullaqa chayamun manam runapa munasqanman hinachu.

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

Miqueas 6:14

Mikuspapas manam saksankichu, aswanqa hinallam yarqaymanta ñakarinki, huñukusqaykitapas manam takyachinkichu, takyachisqaykitapas guerrapim ñoqa tukuchisaq.

Miqueas 7:13

Runakunapa huchanmantam kay pachaqa pasaypaqta chunninqa, runakunapa mana allin ruwasqanmantam kay pachaqa pasaypaqta purmanqa.

Zacarías 10:6

Judapa mirayninkunatam kallpanchasaq, Joseypa mirayninkunatam salvaykusaq, llakipayasqayraykum paykunata allpankuman kutichimusaq, mana haykapipas qepanchasqay hinam kanqaku. Ñoqa Tayta Dios, Diosninku kasqayraykum mañakuyninkutapas uyariykusaq.

Mateo 1:21

Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

Mateo 12:50

Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.