Miqueas 5:2 - CHUYA QELLQA La Biblia en Quechua de Ayacucho 2012

² Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Quechua Ayacucho Bible 1987

² Efrata sutiyoq Belen llaqtacha, Juda nacionpi kaq taksa llaqtacha, taksallam kanki nacionpi llaqtakunamantaqa. Chaywanpas qanmantam lloqsimunqa Israel nacionpi gobiernaqqa. Ñawpaqmanta rikurimuqraqmi payqa.

Chuya Qellqa 1992

² Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Miqueas 5:2 Iomraidhean Croise

Génesis 35:16

Bet-elmanta rispa Efrata llaqtaman hichpaykuchkaptinkum Raquelpa wachakunan tiempo chayaramurqa, hinaptinmi llumpayta ñakarirqa.

Génesis 35:19

Raquel wañukuptinmi Efrata llaqtaman riq ñanpi pamparurqaku. Efratapa huknin sutinqa Belenmi.

Génesis 48:7

Pada-narammanta kutimuchkaptiymi mamayki Raquel wañukurqa, Canaán law Efrata llaqtaman riq ñanpa hichpanpi, chaypim pampamurqani. Chay Efrata llaqtapa huknin sutinqa Belenmi, nispa.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

1~Crónicas 2:54

Salmapa churinkunam karqa: Belén, netofatitakuna, Atrot-bet-joab, Manahat runakunapa wakiqnin hinaspa Zorat castakuna,

1~Crónicas 4:4

Belenpa taytan Efratapa piwi churin Hurpa churinkunam karqa: Gedorpa taytan Penuel hinaspa Husapa taytan Ezer.

1~Crónicas 5:2

Judañataqmi llapallan wawqenkunamanta aswan atiyniyuq rikuriruspan paykunapa kamachiqnin karqa. Chaywanpas Joseymanmi piwi churi kay derechoqa qosqa karqa.

Éxodo 18:21

Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Éxodo 18:25

Israel castakunamantam Moisés akllarqa chaypaq hina allin yachayniyuq qarikunata, hinaspam churarqa waranqa runakunapi, pachak runakunapi, pichqa chunka runakunapi hinaspa chunka runakunapi kamachikuqkuna kanankupaq.

Isaías 11:1

Isaipa takarpunmantam huk kaspi ikllimunqa, sapinmantam ikllipan wiñamunqa.

Isaías 53:2

Serviqninmi chaki allpapi sapichakuq plantapa ikllipan hina Diospa qayllanpi wiñanqa. Rikchayninpas sumaq kayninpas manam kuyayllapaqñachu karqa, qawariptinchikqa rikchayninpas manam munayllapaqñachu karqa, chaynapi kuyananchikpaq.

Isaías 55:4

Ñoqam payta churarqani llaqtakunapaq testigo kananpaq, kamachiqninku kaspa paykunata maymi rinankuta pusananpaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Amós 9:11

Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Miqueas 4:10

Sión llaqtapi yachaqkuna, wachakuq warmi hinayá qewipakuychik, kunanqa llaqtamanta lloqsispam purunkunapiña yachankichik. Babilonia nacionkama chayaruspam chaypiña librasqa kankichik, chaypiñam enemigoykikunapa makinmanta Tayta Dios librasunkichik.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Mateo 2:1

Judá nacionpi rey Herodes munaychakuchkaptinmi, Jesús nacerurqa Judea law Belén llaqtapi. Chay punchawkunapim yachayniyuq runakuna intipa qespimunan lawmanta Jerusalenman chayaramuspanku,

Mateo 2:6

“Judá lawpi Belén llaqta, qamqa manam Judapi llaqtakunamanta taksallanchu kanki, qanmantam huk kamachikuq hatarinqa, paymi Israel llaqtayta michinqa”, nispanku.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Lucas 23:2

Hinaspankum Jesusta acusaspa nirqaku: Kay runatam tariramuniku nacionniykupi chaqwa hatarichichkaqta, hinaspanmi “ñoqam Reypas, Cristopas kani” nispan Cesarman impuesto paganaykutapas harkakuchkan, nispanku.

Lucas 23:38

Cruzpa puntanpipas, “KAYMI JUDIOKUNAPA REYNIN”, niq letrerom karqa.

Juan 7:42

¿Manachum Qellqaqa nichkan: “Davidpa mirayninmantam Cristoqa hamunqa, hinaspam Belén llaqtapi nacenqa”, nispan?

Deuteronomio 1:15

Chaymi sapa ayllumanta allin yachayniyuq chaynataq allin experienciayuq runakunata akllarqani, hinaspaymi kamachiqnikichik kananpaq churarqani, chaynapi waranqa runakunata, pachak runakunata, pichqa chunka runakunata, chunka runakunata kamachinankupaq. Wakintañataqmi sapa aylluta kamachinanpaq churarqani.

Colosenses 1:17

Tukuy imapas manaraq unanchasqa kachkaptinqa Cristoqa karqañam, tukuy imapas paypa atiyninwanmi takyachkan.

Hebreos 13:8

Jesucristoqa qaynapas, kunanpas, wiña-wiñaypaq hina kaqllam.

Hebreos 7:14

Yachasqanchikpi hinapas Señorninchikqa Judá ayllumantam karqa. Moisesqa manam imatapas rimarqachu Judá ayllumanta sacerdotekuna kananpaqqa.

1~Juan 1:1

Tukuy imapas manaraq unanchasqa kachkaptinqa kawsay qokuq Simiqa karqañam. Paytam ñoqaykupuni uya-rirqaniku, rikurqaniku hinaspa makiykuwan llapcharqaniku.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.

Apocalipsis 2:8

Esmirna llaqtapi iglesiapa angelninman kaynata qellqay: Punta kaqmi, Qepa kaqmi, wañus-qanmanta kawsarimuqmi kaynata nin:

Apocalipsis 21:6

Payqa niwarqataqmi: Ñam ruwasqaña. Ñoqam kani Qalla-riypas Tukupaypas, Ñawpaq kaqpas Qepa kaqpas. Pipas yakunayachikuqmanqa mana imallapaqmi pukyumanta kawsachikuq yakuta qosaq.

Jueces 17:7

Judá law Belén llaqtapim Judá ayllumanta kaq joven yacharqa, payqa levitam karqa.

Rutwan Sutichasqa Libro 1:1

Israel nacionpi juezkuna kamachikuchkaptinkum muchuy karqa, chaymi Judá lawpi Belén llaqtayuq runa ripukurqa warmintin hinaspa iskaynin qari churinkunapiwan, Moab lawman chaypiña yachanankupaq.

Rutwan Sutichasqa Libro 4:11

Hinaptinmi llaqtapa punkunpi kaq llapallan runakuna hinaspa ancianokunapas nirqaku: Arí, testigom kaniku. Diosyá wasikiman yaykumuq warmita Raqueltawan Leata hina ruwachun, chay iskaynin warmikunamantam ñoqanchik Israel castakuna mirarqanchik. Qamtapas Diosyá yanapasunki Efrata llaqtapi munaychakunaykipaq chaynataq Belén llaqtapipas ancha reqsisqa kanaykipaq.

1~Samuel 10:19

Diosmi imaymana sasachakuynikichikpipas, llakikuynikichikpipas yanapasurqankichik, ichaqa qamkunam qepanchakuruspa ninkichik: “Reyta qowayku ñoqaykuta kamachiwanankupaq”, nispaykichik. Chaynaqa, Diospa qayllanman hamuychik aylluntin hinaspa castantin, nispa.

1~Samuel 17:12

Judá law Belenpim yacharqa Efrata llaqtayuq Isaí, payqa wakin runakunamantapas, Saulpa tiemponpiqa llumpay yuyaqñam karqa. Paypa pusaq churinkunamantam huknin churinpa sutin karqa David.

1~Samuel 17:18

Kay chunka quesotañataqmi waranqa soldadokunapa kamachiqninman qoykunki, hinaspam imaynam wawqekikuna tarikusqanta qawamuspayki imallankutapas apamunki, chayta qawaykuspay allinlla kasqankuta yachanaypaq, nispa.

1~Samuel 23:23

Sumaqta qawaykamuychik maykunapim pakakusqantapas, hinaspayá willaykamuwaychik. Cheqapta allpaykichikpi kaptinqa qamkunawanmi risaq, hinaspam Judá ayllukunapa ukunpi tarinaykama kuchun-kuchun maskamusaq, nispa.

1~Samuel 8:12

churanqataqmi waranqa soldadokuna kamachiq kananpaq chaynataq pichqa chunka soldadokuna kamachiq kananpaq; wakintañataq chakranta yapupunanpaq, cosechankuna hoqaripunanpaq chaynataq armankuna hinaspa carretankuna ruwaq kanankupaq.