Miqueas 5:13 - CHUYA QELLQA La Biblia en Quechua de Ayacucho 2012

¹³ Idolokunatapas chawpikichikmantam chinkarachisaq, manañam makikichikwan ruwasqaykichikpa qayllanpipas qonqorakunkiñachu.

Quechua Ayacucho Bible 1987

¹³ Chinkarachisaqtaqmi chawpikichikpi kaq taytacha-mamachakunatapas. Chinkarachisaqtaqmi chawpikichikpi kaq adorana rumi pilarkunatapas. Manañam qonqorakunkichikchu makikichikwan rurasqaykichikmanpas.

Chuya Qellqa 1992

¹³ Idolokunatapas chawpikichikmantam chinkarachisaq, manañam makikichikwan ruwasqaykichikpa qayllanpipas qonqorakunkiñachu.

Miqueas 5:13 Iomraidhean Croise

Isaías 2:18

Idolokunataqa pasaypaqtam chinkachinqa.

Isaías 2:8

Makinkuwan ruwakusqanku idolokunapa huntaykusqanmi allpankupas kachkan, chaykunapa ñawpaqninpim qonqorakunku.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Ezequiel 16:41

Wasikitapas kañaspankum llapa warmikunapa qayllanpi juzgasunki. Chaynapim hukwan-hukwan qanrakuynikita puchukarachisaq, hinaptinmi waynaykikunamanpas manaña pagankiñachu.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Ezequiel 37:23

Manañam millakuypaq idolokunawanqa qachachakunqakuñachu, manañataqmi imawanpas huchallikunqakuñachu. Contraypi hatarispanku huchallikusqankumanta salvaykuspaymi huchankuta mayllaykusaq; paykunam llaqtay kanqaku, ñoqañataqmi Diosninku kasaq.

Ezequiel 6:9

Wañuymanta puchuqkunam may nacionmanña preso apasqa kaspankupas ñoqamanta yuyarinqaku. Paykunaqa waqllikuruq warmi hina kaspanku idolokunataña yupaychanankupaq ñoqata saqeruwasqankumanta castigasqaytam yuyarinqaku, hinaspam kikinkupunipas millakuypaq ruwasqankumanta penqakunqaku.

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 14:8

Chayraqmi Efrainpa mirayninkunaqa ninqaku: “Idolokunamantaqa manam imapas qokuwankuñachu”, nispanku. Ñoqam mañakuyninkutapas uyariykusaq, ñoqataqmi paykunataqa waqaychasaqpas. Paykunapaq kallmasapallaña pino hina kaptiymi paykunapa rurunpas ñoqamanta paqarimunqa.

Nahúm 1:14

Asiria llaqta, Tayta Diosmi contraykipi kaynata kamachikun: Sutikipas pasaypaq qonqasqam kanqa, yupaychanayki wasimantapas makikiwan ruwasqayki idoloykikunatam pasaypaqta chinkarachisaq, millakuypaq kasqaykiraykum sepulturaykitapas chaypi ruwachisaq.

Sofonías 1:4

Judá nacionpi runakunapa contranpim, Jerusalenpi yachaqkunapa contranpim, makiyta hoqarisaq. Kay sitiomantam Baal sutiyuq idolota yupaychaqnin sacerdotekunatawan kuskata pasaypaqta chinkachisaq.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Apocalipsis 9:20

Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.

Jueces 18:17

Hinaptinmi allpa wateqamuq pichqa qarikunaqa, wasiman yaykuruspanku llaqllaspa chaynataq chulluchispa ruwasqa idolokunata apakunankupaq hapirqaku, hapirqakutaqmi efodtapas chaynataq wasiyuqpa idolonkunatapas. Sacerdotewan guerrapaq allin armasqa soqta pachak qarikunañataqmi punkupi kachkarqaku.