Miqueas 4:5 - CHUYA QELLQA La Biblia en Quechua de Ayacucho 2012

⁵ Llapa llaqtakunaña diosninkupa sutinpi hapipasqa kawsaptinkupas, ñoqanchikqa Tayta Diospa sutinpi hapipakuspam wiña-wiñaypaq kawsakusun.

Quechua Ayacucho Bible 1987

⁵ Llapallan runakunaqa diosninkupi confiakuspam kawsachkanku. Ñoqanchikmi ichaqa yupaychasqanchik Tayta Diosman hapipakuchkanchik. Payman hapipakuspam wiñaypaq kawsasunchik.

Chuya Qellqa 1992

⁵ Llapa llaqtakunaña diosninkupa sutinpi hapipasqa kawsaptinkupas, ñoqanchikqa Tayta Diospa sutinpi hapipakuspam wiña-wiñaypaq kawsakusun.

Miqueas 4:5 Iomraidhean Croise

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

2~Reyes 17:29

Chaywanpas sapa nacionmanta kaqkunam maymi yachasqankupi diosninkuta ruwarurqaku, hinaspam Samaria runakunapa ruwasqan capillakunapi churarurqaku.

2~Reyes 17:34

Kunankamapas paykunaqa hinallam chaynata ruwachkanku. Tayta Diostaqa manam yupaychankuchu, kamachikuyninkunatawan yachachikuyninkunatapas paykunaqa manam ruwayman churankuchu, Israelwan sutichasqan Jacobpa mirayninkunaman Tayta Diospa qosqan yachachikuykunatawan kamachikuykunatapas manam kasukunkuchu.

Isaías 2:5

Jacobpa mirayninkuna hakuchik, Tayta Diospa kanchayninpiña purisunchik.

Isaías 26:13

Dios Taytallayku, sapaq runakunam munaychakuruwanku, ichaqa qamllatam Señorniykupaq reqsikuykiku.

Isaías 26:8

Dios Taytallayku, kamachikuynikiman hina kawsaspam qamllapi sunita sayaniku, qanmanta yuyarispam sonqoykupi yuyaymanayta munaniku.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Zacarías 10:12

Ñoqa Tayta Dios kallpanchaptiymi sutiypi ñawpaqman rinqaku.

Hechos 14:16

Ñawpaq tiempokunapim llapa runakunata kachaykurqa munasqankupi purikunankupaq.

Deuteronomio 27:10

Chaynaqa, kunan willasqay kamachikuykunatawan yachachikuykunatam ruwayman churankichik, nispa.

Colosenses 2:6

Chaynaqa, Señorninchik Cristo Jesusta chaskisqaykichikman hinayá payman hapipakuspa allinta kawsaychik.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.