Miqueas 4:11 - CHUYA QELLQA La Biblia en Quechua de Ayacucho 2012

¹¹ Kunanqa achkallaña nacionkunam qampa contraykipi huñunakuruspa ninku: “Sión llaqta millakuypaq ruwasqa kasqanta qawaspa asikusun”, nispanku.

Quechua Ayacucho Bible 1987

¹¹ Kunanmi ichaqa achkallaña nacionkuna qampa contraykipi huñunakurunku. Paykunaqa qamkunamantam nichkanku: Sion llaqtaqa millakuypaq rurasqayá kachun, nispa. Ñawinchikpas agradowanyá chayta qawachun, nispa.

Chuya Qellqa 1992

¹¹ Kunanqa achkallaña nacionkunam qampa contraykipi huñunakuruspa ninku: “Sión llaqta millakuypaq ruwasqa kasqanta qawaspa asikusun”, nispanku.

Miqueas 4:11 Iomraidhean Croise

Isaías 10:7

Chaywanpas Asiria nacionpa reyninqa manam chaynatachu tantean, sonqonpipas manam chaynatachu yuyaymanan. Aswanqa achka nacionkunata tuñichispa chinkachiyllatam munan.

Isaías 17:12

Achka llaqtakunapa chaqwakuyninmi uyarikun, lamar qochapa qapariynin hinaraq. Achka runakunapa qapariyninmi uyarikun, nana-nanaq lloqllapa kunrururuynin hinaraq.

Isaías 29:7

Ariel llaqtapa contranpi peleaqkunaqa, achka llaqtakunaña kaspankupas, mosqoy hina pasaruqllam kanqaku. Ariel llaqtapa murallan tuñichiqkunam, sasachakuyman churaqninkunam, chayna kanqaku.

Jeremías 52:4

Isqon wataña munaychakuchkaptinmi, chay watapa chunka kaq killapa chunka kaq punchawninpi Babiloniapa reynin Nabucodonosor llapa tropankunawan Jerusalenpa muyuriqninpi churakururqaku, hinaspankum llaqtaman yaykunankupaq rampakunata ruwarqaku.

Ezequiel 26:3

Chayraykum ñoqa Tayta Dios kaynata nini: Tiro llaqta, qampa contraykipim kachkani, imaynam lamar qochapa olankuna hoqarikun, chaynatam achka nacionkunata contraykipi hatarirachisaq.

Ezequiel 38:17

Ñoqa Tayta Diosmi kaynata nini: Ñawpaq tiempokunapi serviqniy profetaykunatakama rimaspayqa qanmantam rimarqani, paykunaqa Israelpa profetankunam karqaku, paykunam ñawpaqta Israelpa contranpi qamta pusamunaymanta unay watakuna profetizarqaku.

Abdías 1:12

Amamiki wawqekipa ñakarisqan punchawpi asipayawaqchu karqa, amataqmi Judapa mirayninkuna tuñisqan punchawpi kusikuwaqchu karqa, nitaqmi paykunapa sasachakuynin punchawpi burlakuwaqchu karqa.

Miqueas 7:10

Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Zacarías 12:3

Chay pun-chawpim Jerusalén llaqtata, llapa nacionkunapa contranpi llasa-llasaq rumita hina ruwarusaq; pipas hoqariy munaqtaqa chay rumim ñuturunqa. Hinaptinmi kay pachapi llapallan llaqtakuna contranpi huñunakunqaku, nispa.