Miqueas 3:5 - CHUYA QELLQA La Biblia en Quechua de Ayacucho 2012

⁵ Llaqtanta pantayman apaq profetakunapa contranpim Tayta Dios kaynata nin: Paykunam mikuy qoqninpaq hawkayayta profetizanku, mana mikuy qoqninpaqñataqmi sasachakuyta.

Quechua Ayacucho Bible 1987

⁵ Runaykunata pantachispa willakuqkunatam, mikunankupaq imapas kaptinqa hawka kaymanta willakuqkunatam, ichaqa mana imapas mikunankupaq kaptinqa guerrawan manchachiqkunatam Tayta Dios nin kaynata:

Chuya Qellqa 1992

⁵ Llaqtanta pantayman apaq profetakunapa contranpim Tayta Dios kaynata nin: Paykunam mikuy qoqninpaq hawkayayta profetizanku, mana mikuy qoqninpaqñataqmi sasachakuyta.

Miqueas 3:5 Iomraidhean Croise

Proverbios 28:21

Hukkaq runallaman sayapakuruyqa manam allinchu, runaqa parten tantaraykullapas sayapakunmi.

Isaías 3:12

Llaqtaytaqa warmakunallam ñakarichichkan, warmikunañam munaychakuchkan. ¡Ay, llaqtalláy! Kamachisuqnikikunam pantaypi kawsachisuchkanki, kawsakuynikitapas pantaymanmi qewirunku.

Jeremías 23:27

Mosqosqankuta willanakuspankum runaykuna qonqaruwananta munachkanku, imaynam ñawpaq taytankupas qonqaruwaspanku Baal idolotaña qatisqankuta hina.

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Jeremías 6:14

Llaqtaypa heridantapas hawallantam hampiykunku, hinaspankum sasachakuy kachkaptinpas hawkayaymi kachkan ninkuraq.

Jeremías 6:4

Enemigonkunam kaynata qaparichkanku: ¡Alistakuychik paypa contranpi peleananchikpaq! ¡Hatariychik chawpi punchawta atacananchikpaq! Intipas seqaykuchkanñam, tutayaypas hawanchikpiñam.

Lamentaciones 2:14

Profetaykikunapas pantaykunallatam willasurqanki manam huchaykikunataqa qawachisurqankichu, mana chayqa manam preso riwaqchu karqa, aswanqa llullakunatawan mana pasaqkunallatam willasurqanki chaykunawanmi pantachisurqanki.

Ezequiel 13:9

Chaynaqa, profeta tukuspa revelacionpi yanqa qawaqkunapa contranpim hinaspa llullata profetizaqkunapa contranpim hatarisaq, llaqtay huñunakuptinpas manam chaymanqa yaykunqakuchu. Sutinkupas manam Israelpa listanpiqa qellqasqachu kanqa; Israel allpamanpas manam paykunaqa kutinqakuchu. Chaynapim Tayta Dios kasqayta yachankichik.

Oseas 4:5

Tuta punchawmi huchallikunkichik, profetakunatapas huchamanmi tanqaykunkichik, chayraykum mamaykichikta wañurachisaq.

Joel 3:9

Nacionkunaman kayta willakamuychik: ¡Guerra! nispa qapariychik, allinnin qari-qari soldadokunata qayamuychik, Guerrapi peleanankupaq asuykamuchunku.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Malaquías 2:8

Sacerdotekuna, qamkunam ichaqa allin ñanmanta karunchakurunkichik, mana allinkunata yachachispam llapa runata pantarachinkichik. Chaynapim Leviywan pacto ruwasqayta yanqacha-runkichik.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Mateo 7:15

Llulla profetakunamantayá waqay-chakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku.

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.