Miqueas 3:2 - CHUYA QELLQA La Biblia en Quechua de Ayacucho 2012

² Qamkunam ichaqa allin ruwayta cheqnispa mana allin ruwayta kuyankichik, ovejata hinaraqmi llaqtaytapas tulluntawan qarallantaña ruwarunkichik.

Quechua Ayacucho Bible 1987

² Cheqninkichikmi allin kaqkunataqa. Kuyankichikmi mana allin kaqkunataqa. Runaykunataqa ovejata hinaraqmi qarantapas chusturunkichik. Aychallantapas ovejata hinaraqmi tullunkunamanta chusturunkichik.

Chuya Qellqa 1992

² Qamkunam ichaqa alli ruwayta cheqnispa mana allin ruwayta kuyankichik, ovejata hinaraqmi llaqtaytapas tullunwan qarallantaña ruwarunkichik.

Miqueas 3:2 Iomraidhean Croise

1~Reyes 21:20

Chaymi Eliasta rey Acab nirqa: Yaw enemigoy, ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qay-llanpim qamqa mana allin ruwayman qokurunki.

2~Crónicas 19:2

Hinaptinmi Hananipa churin profeta Jehú taripaykuspan rey Josafatta, nirqa: ¿Imanasqataq mana allin ruwaq runakunata yanapanki hinaspa Tayta Dios cheqniqkunata kuyanki? Chayraykum Tayta Diospas qampaq piñakurun.

Proverbios 28:4

Kamachikuyta qepanchaqkunaqa mana allin ruwaqkunatam alaban, kamachikuyta kasukuqkunam ichaqa mana allin ruwaqkunapa contranpi churakunku.

Isaías 3:15

Tukuy Atiyniyuq Tayta Diosmi kaynata nin: ¿Imata munaspataq llaqtayta ñakarichinkichik, hinaspa wakchakunatañataq usuchinkichik? nispa.

Isaías 5:20

¡Ay, imaynaraq kanqaku! Mana allinta allinmi niqkuna, allintañataq mana allinmi niqkuna, achkiyta tutaman tikraqkuna, tutayaytañataq achkiyman tikraqkuna, qatqetapas miskim niqkuna, miskitañataq qatqem niqkuna.

Isaías 57:12

Imaynam kawsasqaykitam willakachakusaq, chay ruwasqaykikunaqa manam imapipas yanapasunkichu.

Ezequiel 11:7

Chayraykum ñoqa Tayta Dios kaynata nini: Jerusalén llaqtaqa manka hinam kanqa, chay mankapa ukunpi aychaqa manam qamkunachu kankichik, aswanqa wañuchisqaykichik runakunapa ayanmi, ichaqa ñoqam chay mankamanta hurqosqaykichik.

Ezequiel 22:27

Kamachiqninkunapas imapas hapis-qankuta tisaparuq atoqkuna hinañam rikurirunku, paykunaqa chayllam kachkanku runakunata wañuchispa tukuy imankuta hapikuykunankupaq.

Ezequiel 24:4

Hinaytaq allinnin aychata, allinnin piernata, lomota chaynataq allinnin tullukunatapas.

Ezequiel 34:3

Ovejakunapa lechentam tomakunkichik, millwanmantam pachata ruwakunkichik, poqosqan kaqkunatañataqmi nakakuykuspa mikukunkichik, ovejakunamantam ichaqa mana imapas qokusunkichikchu.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Miqueas 2:8

Qayna punchawmi llaqtay karqankichik, kunanqa enemigoyñam rikurirunkichik. Guerramanta hawkalla kutimuqkunapatapas enemigoykichikmanta hinaraqmi allin pachallantapas qechunkichik.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Lucas 19:14

Ichaqa llaqtamasinkunam payta cheqnispanku qepallanta huk comisionta pasachirqaku kaynata nimunankupaq: “Manam munanikuchu chay runa reyniyku kanantaqa”, nispanku.

Juan 18:40

Chaynata niptinmi llapallanku qapa-rirqaku: ¡Ama paytaqa kachariychu, Barrabasta kachariyqa! nispanku. Barrabasqa karqa suwa runam.

Juan 7:7

Qamkunataqa runakunapas manam cheqnisunkichikchu, ñoqatam ichaqa cheqniwanku tukuy mana allinkuna ruwasqankuta qawachisqayrayku.

Romanos 1:32

Paykunaqa yachankum chayna ruwaqkunaqa wañuypaq Diospa sentenciasqan kasqankuta, ichaqa yachachkaspankupas hinallam ruwanku, hinaspam chay mana allin ruwaqkunapa ruwasqanwanpas kusikunku.

Romanos 12:9

Cheqaptapuni kuyanakuychik, mana allin kaqkunata cheqnispa, allin kaqkunata ruwaychik.

2~Timoteo 3:3

mana kuyakuqkuna, mana pampachakuy munaqkuna, runakunapa contranpi rimaqkuna, mana controlakuqkuna, mana llakipayakuqkuna, allin kaqta cheqnikuqkuna,