Miqueas 2:9 - CHUYA QELLQA La Biblia en Quechua de Ayacucho 2012

⁹ Llaqtaypi warmikunatam wasinkumanta qarqonkichik, uña wawankumantapas ñoqapa qosqay honorninkutam qechurunkichik.

Quechua Ayacucho Bible 1987

⁹ Runaykunapa warmillankunatapas kuyasqanku wasillankumantam qarqorunkichik. Wawallankunapa sumaq kaynintam qamkunaqa wiñaypaqña qechurunkichik.

Chuya Qellqa 1992

⁹ Llaqtaypi warmikunatam wasinkumanta qarqonkichik, uña wawankumantapas ñoqapa qosqay honorninkutam qechurunkichik.

Miqueas 2:9 Iomraidhean Croise

Jeremías 10:20

Carpaykunatam llikiparunku, waskankunatam lliw tipiparunku. Churiykunapas saqeruwaspam wañurunku; manañam carpay sayachiqpas kanñachu, toldoy chutaqpas manam kanñachu.

Ezequiel 39:21

Chaynatam huklaw nacionniyuq runakunaman atiyniyta qawachisaq, llapallan nacionkunam qawanqaku juzgaspay castigasqayta.

Joel 3:6

Judá nacionpi yachaqkunatapas, Jerusalenpi yachaqkunatapas, allpankumanta qar-qospam Grecia nacionniyuq runa-kunaman rantikurqankichik.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Miqueas 2:2

Paykunam hukpa chakranta otaq wasintapas munaruspaqa suwaypawan qechuruspa hapikuykunku, dueñontapas aylluntinta ñakarichispam lliw herencianta qechurunku, nispa.

Habacuc 2:14

Imaynam lamar qochata yaku pampaykuy, chaynam Tayta Diospa atiyninta reqsiq runakunapas kay pachata huntaykunqa.

Zacarías 2:5

Tayta Diosmi kaynata nin: Ñoqam Jerusalenpa muyuriqninpi lenwachkaq nina murallan kasaq, hinaspaymi chawpinpi atiyniyta qawachikusaq, nispa.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Marcos 12:40

Paykunaqa viudakunapa tukuy imanta qechuspam mana musyachikunankupaq Diostapas una-unaytaraq mañakunku. Chayraykum paykunaqa hatun castigota chaskinqaku, nispa.

Lucas 20:47

Paykunaqa viudakunapa tukuy imankunata qechuruchkaspapas, allin runa tukusparaqmi una-unaytaraq Diostapas mañakunku. Chayraykum paykunaqa wakinmantapas aswan castigasqaraq kanqaku, nispa.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

1~Samuel 26:19

Reynilláy, kay serviqni-kipa mañakuyninta uyariykullaway. Sichum Tayta Dios ñoqapa contraypi hatarichisuspaykiqa ofrendayta chaskiykuwachun. Sichum runallamanta kaptinqa Tayta Diosyá ñakawachun. Diospa allpanmantam qarqoruwanku, chaynata ruwaspam idolokunata servinaypaqña tanqawachkanku.