Miqueas 2:7 - CHUYA QELLQA La Biblia en Quechua de Ayacucho 2012

⁷ Jacob castakuna, qamkunam kaynata tanteanakunkichik: ¿Tayta Diospa espiritunchu pisiparun? ¿Kaykunachu ruwayninkuna? ¿Manachum Tayta Diosqa allin ruwaq runata yanapaykun? nispaykichik.

Quechua Ayacucho Bible 1987

⁷ Jacobpa castankunaqa yaqachum kaynata ninmanku: ¿Tayta Diospa espiritunqa piñasqachum kachkan? ¿Yaqachum payqa chaynakunata rurachkan? —nispa. Tayta Diosñataqmi paykunata nin: Palabraykunaqa ¿manachum allinta ruran allin kawsakuqkunataqa?

Chuya Qellqa 1992

⁷ Jacob castakuna, qamkunam kaynata tanteanakunkichik: ¿Tayta Diospa espiritunchu pisiparun? ¿Kaykunachu ruwayninkuna? ¿Manachum Tayta Diosqa allin ruwaq runata yanapaykun? nispaykichik.

Miqueas 2:7 Iomraidhean Croise

Proverbios 10:29

Tayta Diosqa allin ruwaqkunatam waqaychan, mana allin ruwaq runakunatam ichaqa tuñichin.

Proverbios 10:9

Allin ruwaq runaqa hawkam kawsakun, mana allin ruwaq runam ichaqa mana allinpi tukunqa.

Proverbios 14:2

Allin kawsakuq runaqa Tayta Diostam kasukun, mana allinta kawsaq runam ichaqa Diostapas qepanchan.

Proverbios 2:7

Tayta Diosqa allin kawsakuqkunamanmi yachayta qon, allin kawsakuqkunatam nanachikun.

Proverbios 28:18

Allin kawsakuq runaqa salvasqam kanqa, mana allin kawsaypi puriqmi ichaqa sasachakuyman wichinqa.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 15:16

Tukuy Atiyniyuq Dios Taytalláy rimapayawasqaykiman hinam palabraykita mikurqani. Chay palabraykikunaraykum sonqoypi anchallataña kusikurqani, ñoqaqa qampam kallani.

Jeremías 2:4

Jacobpa mirayninkuna, Israelpi llapallan ayllukuna, Tayta Diospa nisqanta uyariychik.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Miqueas 3:9

Jacobpa mirayninpi munaychakuqkuna, Israelpa miraynimpi kamachikuqkunata, kayta uyariychik. Qamkunam allin ruwayta millakunkichik, allin arreglo ruwaytañataqmi qewirunkichik.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Números 11:23

Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

Mateo 3:8

Huchaykichikmanta wanakusqaykichikta kawsaynikichikpi qawachikuychik.

Juan 8:39

Chaymi paykunañataq nirqaku: Taytaykuqa Abrahamllam, nispanku. Jesusñataqmi nirqa: Abrahampa miraynin kaspaqa paypa ruwasqankunatachá ruwawaqchik.

Romanos 7:13

Hinaptinqa, ¿chayna allin kamachikuychum wañuyman aparuwan? ¡Manapunim! Huchallikuymi hucha kasqanta qawachikunanpaq allin kaqman hapikuykuspan wañuyman aparuwan, hinaptinmi imam hucha kasqanta yacharuni. Chaynapim kamachikuykunaqa yachachiwanchik huchallikuyqa llumpay mana allin kasqanta.

2~Corintios 6:12

Ñoqaykuqa tukuy sonqoykuwanmi kuyaykiku, qamkunam ichaqa mana chaynatachu kuyawankiku.

2~Timoteo 3:5

yanqallam Diosta serviq tukunqaku, paykunaqa ruwayninkuwanmi cheqap kaqpa atiyninta wischupakunqaku. Chayna runakunawanqa ama hukllawakuychu.