Miqueas 2:4 - CHUYA QELLQA La Biblia en Quechua de Ayacucho 2012

⁴ Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

Quechua Ayacucho Bible 1987

⁴ Chay tiempoqa kanqa manam allin tiempoñachu. Chay tiempopiqa watuchimanta hinam qamkunamanta rimakusunkichik. Chay tiempopiqa kaynata nispam qamkunamanta llakipayasunkichik: “Pasaypaq purmachisqañam kachkanchik ñoqanchikqa. Llaqtamasinchikpa tocanciantaqa cambiarunñam Diosqa. ¿Imaynataq payqa yanapawachwan partiparusqan chakranchikta kutichipuwananchikpaqqa?”

Chuya Qellqa 1992

⁴ Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

Miqueas 2:4 Iomraidhean Croise

2~Samuel 1:17

Saulpa chaynataq churin Jonatanpa wañukusqanmantam kay aya takita David takirqa.

2~Crónicas 35:25

Rey Josiasta yuyarinapaqmi profeta Jeremías huk aya takita qellqarqa, chay takitam llapallan takiqkuna qaripas warmipas Josiasta yuyarispanku kunankama takinku. Chay takikunam Israel nacionpi costumbre hinaña karqa. Chay aya takiqa Lamentaciones libropim qellqasqa kachkan.

Jobwan Sutichasqa Libro 27:1

Jobmi huktawan nirqa:

Isaías 14:4

Babiloniapi reypa contranpi kaynata takispa asipayankichik: ¡Imaynamá ñakarichikuq reyqa kaynaqa tukurun! ¡Imaynamá hatun tukuspa ruwasqanpas kaynaqa tukurun!

Isaías 24:3

Tayta Diosmi kaynata nin: Kay pachaqa pasaypaqtam chunninqa, pasaypaq mana imayuqñam kanqa, nispa.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Jeremías 14:18

Chakrakunaman lloqsispaymi espadawan wañuchisqakunata tarini, llaqtaman yaykuspaymi yarqaymanta wañuqkunata tarini, profetakunawan sacerdotekunam mana reqsisqa nacionkunaman pasakunku.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Jeremías 6:12

Wasinkuwan chakrankupas hukpaqñam kanqa, warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Ezequiel 16:44

Rikchanachiy rimaq runakunam qanmanta kaynata rimanqaku: “Imaynam maman karqa chaynallam wawanpas kanqa”, nispanku.

Ezequiel 2:10

Qawachkaptiymi chay libroqa ñawpaqniypi mastariykurqa, hinaptinmi ñawpaqninpipas chaynataq qepanpipas aya takikuna, nanaywan hapichikuykuna hinaspa sasachakuykuna qellqasqa kasqa.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Joel 1:8

Runakunam mana upallaykuspa waqachkanku, sipas kayllanpiraq qosan wañukuptin lutokuruq viuda hinam qaparkachachkanku.

Amós 5:1

Israel runakuna uyariychik, llaki simikuna rimarisqayta.

Amós 5:17

Chawpinkuta ñakarichistin pasaptiymi uvas chakra ukukunapi waqanqaku. Tayta Diosmi chaynata nin.

Miqueas 1:15

Tayta Diosmi kaynata nin: Maresa llaqtapi yachaqkuna, qamkunapa contraykichikpim ñakarichisuqnikichikta yapamanta pusamusaq, hinaptinmi Israelpi allinnin qarikunapas Adulam orqopi machaykunaman ayqenqaku.

Miqueas 1:8

Hinaptinmi nirqani: Hatun llakikuywanchá waqapakusaq, qala chakillachá purisaq, mana pachayuqchá purisaq, atoqkuna hinachá allwasaq, avestruzkuna hinachá qaparkachasaq.

Miqueas 2:10

Hatarispa kaymanta pasaychik, kayqa manam samana lugarñachu; anchata qanrachakurusqanraykum pasaypaq chinkachisqa kanqa.

Habacuc 2:6

Ichaqa huk punchawmi ñakarichisqan llaqtakuna asikuspanku watuchita hinaraq kaynata ninqaku: “¡Imallapiraq rikukunqaku! mana kikinkupa kaqta huñuspa apuyaqkuna, ¿haykapikamataq mana qamkunapa kaqta huñuypaq-huñukunkichik?” nispanku.

Sofonías 1:2

Tayta Diosmi kaynata nin: Kay pachapi tukuy imatam pasaypaqta chinkarachisaq.

Números 23:18

Chaymi Balaam kaynata profetizarqa: ¡Yaw Balac, hatariy! ¡Yaw Ziporpa churin, nisqayta uyariy!

Números 23:7

Hinaptinmi Balaam kaynata nirqa: Aram nacionmantam rey Balac pusachimuwarqa, intipa qespimunan law orqomantam Moab nacionpa reynin pusachimuwarqa; paymi kunamuwarqa: “Hamuspayki Jacobpa mirayninkunata ñakaykapuway, Israelpa mirayninkunata ñakaykapuway”, nispa.

Números 24:15

Hinaspam kaynata profetizarqa: Ñoqaqa Beorpa churin Balaammi kani, ñoqaqa imakunapas rikuqmi kani,

Números 24:3

Chaymi Balaam kaynata profetizarqa: Ñoqaqa Beorpa churin Balaammi kani, ñoqaqa imakunatapas allintam rikuni,

Marcos 12:12

Hinaptinmi tapuqninkuna musyakururqaku Jesuspa rikchanachiy rimasqanqa paykunapa contranpi kasqanta, chaymi hapiruyta munarqaku; ichaqa llapa runakunata manchakuspankum mana ima ruwayta atispa pasakurqaku.

Deuteronomio 28:29

hinaptinmi chawpi punchaw kachkaptinpas tutayaypi hinaña llapchaykachastin ñawsa hina purinkichik. Ima ruwasqaykichikpas manam allinqa lloqsinqachu. Runakunam ñakarichisuspaykichik tukuy imaykichiktapas apakunqaku, ichaqa manam pipas yanapaqnikichik hamunqachu.