Miqueas 2:12 - CHUYA QELLQA La Biblia en Quechua de Ayacucho 2012

¹² Jacobpa mirayninkuna cheqaptapunim huñunasqaykichik, Israelmanta puchuqkunatam huñumusaq. Ovejakunata corralman huñuchkaq hinam huñusqaykichik, pastokunapi huñuchkaq hinam huñusqaykichik, hinaptinmi waranqantin-waranqantin runakuna hinaraq qaparinkichik.

Quechua Ayacucho Bible 1987

¹² Jacobpa castankuna, cheqaptapunim lliwchaykichikta huñumusqaykichik. Israelpa castankuna, cheqaptapunim puchuqkunata huñumusqaykichik. Ovejakunata kanchaman huñuchkaq hinam ñoqaqa hoqarimusqaykichik. Michimuna sitiopi kaq ovejakunata hinam qamkunataqa huñumusqaykichik. Nana-nanaq runakunata hinam, qamkunataqa huñumusqaykichik.

Chuya Qellqa 1992

¹² Jacobpa mirayninkuna cheqaptapunim huñunasqaykichik, Israelmanta puchuqkunatam huñumusaq. Ovejakunata corralman huñuchkaq hinam huñusqaykichik, pastokunapi huñuchkaq hinam huñusqaykichik, hinaptinmi waranqantin-waranqantin runakuna hinaraq qaparinkichik.

Miqueas 2:12 Iomraidhean Croise

Génesis 36:33

Bela wañuruptinmi, paypa rantinpi Bosra llaqtayuq Zerapa churin Jobab kamachikurqa.

1~Crónicas 1:44

Bela wañuruptinmi paypa rantinpi Zerapa churin Jobabña munaychakurqa. Jobabqa karqa Bosra llaqtayuqmi.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 27:12

Chay punchawmi Tayta Diosqa, Eufrates mayumanta Egipto wayqopi mayukama, trigota saruchkaq hina sarunqa, qamkunam ichaqa chulla-chullamanta akllasqa kankichis.

Isaías 34:6

Tayta Diospa espadanmi yawarwan chaynataq wirawan chapukunqa, chapukunqaqa imaynam malta carnerokunata chaynataq cabrakunatapas sacrificiopaq nakasqankupi hinam. Señormi Bosra llaqtapi sacrificiota ruwanqa, Edom llaqtapiñataqmi nana-nanaqta wañuchinqa.

Isaías 5:17

Apukunapa purmasqa chakrankunapipas purunpi hinañam cabrakunawan ovejakunallaña mikunqaku.

Jeremías 23:3

Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 3:18

Chay punchawpiqa Judá nación runakunam Israel nación runakunawan hukllawanakunqaku, hinaspam ñawpaq taytankuman qosqay allpaman kuskanku norte lawmanta kutimunqaku.

Ezequiel 34:11

Ñoqa Tayta Diosmi kaynata nini: Kikiyñam ovejaykunata maskamuspay nanachikusaq.

Ezequiel 34:13

Huklaw nacionniyuq runakunapa chawpinmantam huñumusaq, hinaspam kikinkupa allpanman pusamuspay Israel law orqokunapi, yaku patan wayqokunapi, runapa yachanan pampakunapi michisaq.

Ezequiel 34:22

Ichaqa kikiymi ovejaykunata libramusaq, manañam pipas suwanqañachu. Ñoqam ovejapurata allin arreglota ruwasaq.

Ezequiel 34:31

Runaykunaqa ovejaykunam kankichik, michinay pampapi kaq ovejaykunam kankichik, ñoqañataqmi Diosnikichik kani. Ñoqa Tayta Diosmi chaynata nini.

Ezequiel 36:37

Ñoqa Tayta Diosmi kaynata nini: Chaywanpas ñoqaqa Israel llaqtapa qayakusqanraqmi kasaq kaykuna ruwanaypaq: Paykunatam ovejakunata hina achkallataña mirarachisaq.

Ezequiel 37:21

Hinaspaykim ñoqa Tayta Diospa nisqayta kaynata ninki: Israelpa mirayninkunataqa tukuy hinastinman risqanku nacionkunamanta huñumuspaymi allpankuman kutichimusaq.

Oseas 1:11

Judapa chaynataq Israelpa mirayninkunam hukllaman huñunakuspa kamachiqninkutapas chullallataña akllanqaku, tukuy hinastinmantam Jerusalenman kutimunqaku,

Amós 1:12

Temán llaqtata kañaykuptiymi Bosra llaqtapa palaciokunatapas rupanqa, nispa.

Miqueas 2:13

Ñanta kichaqmi ñawpaqninkuta rinqa, paykunañataqmi ñanta kicharuspa llaqtapa punkunta lloqsinqaku. Reyninku Tayta Diosñataqmi paykunapa ñawpaqninta rinqa.

Miqueas 4:8

Ancha kuyasqay Jerusalén llaqtayta waqaychaq Sión moqo, huktawanmi llaqtaypa capitalnin kanki, huktawanmi ñawpaqta hina kuyayllapaq kanki.

Miqueas 5:7

Jacobpa mirayninkunamanta puchuqkunam, llapa llaqtakunapa chawpinpi kanqaku, Diosmanta hamuq sulla hinaraq, pastokunaman chayaq para hinaraqmi kanqaku. Parawan sullaqa chayamun manam runapa munasqanman hinachu.

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

Miqueas 7:14

Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Sofonías 3:20

Chay tiempopim huñumuspa kutichimusqaykichik, hinaspaymi kay pachapi lliwpa reqsisqantaña, chaynataq lliwpa respetanantaña ruwasqaykichik. Chaynataqa ruwasqaykichik, preso risqaykichikmanta kutichimuspaymi. Ñoqa Tayta Diosmi chaynata nini.