Miqueas 2:10 - CHUYA QELLQA La Biblia en Quechua de Ayacucho 2012

¹⁰ Hatarispa kaymanta pasaychik, kayqa manam samana lugarñachu; anchata qanrachakurusqanraykum pasaypaq chinkachisqa kanqa.

Quechua Ayacucho Bible 1987

¹⁰ Hatarispayá pasakuychikña kaymantaqa. Manam pipas samanmanchu kay sitiopiqa. Kay sitioqariki millakuypaq rurasqañam kachkan. Kay sitioqa manchakuypaq purmachisqañam kachkan.

Chuya Qellqa 1992

¹⁰ Hatarispa kaymanta pasaychik, kayqa manam samana lugarñachu; anchata qanrachakurusqanraykum pasaypaq chinkachisqa kanqa.

Miqueas 2:10 Iomraidhean Croise

1~Reyes 9:7

ñoqam Israel nacionta maymi qosqay allpamanta qarqorusaq. Kay ñoqapaq sapaqchasqay templotapas chinkarachisaqmi, hinaptinmi Israelpa mirayninkunamanta wakin runakunapas penqaspa burlakunqaku.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

2~Crónicas 7:20

ñoqam qosqay allpamanta qarqorusqaykichik, akllakusqay templotapas chinkarachisaqmi, hinaptinmi llapa runakunapa penqaspa burlakunan kankichik.

Jeremías 10:18

Tayta Diosmi kaynata nin: Kunanmi kay nacionpi yachaqkunata qarqorusaq, warakachkaq hinam paykunataqa wischurusaq, ñakarichisqa kanankupaqmi paykunataqa sasachakuyman churarusaq.

Jeremías 3:2

Moqokunatayá qawariy, hinaspayá sumaqta yuyaymanariy: ¿Maypitaq mana qanrakurqankichu? Chunniqpi tiyaq árabe runa hinam, ñan patankunapi tiyaspayki waynaykikunata suyarqanki. Chuchumika kaynikiwanmi, mana allin ruwasqaykikunawanmi, kay pachata millakuypaqta ruwarunki.

Jeremías 9:19

Sión llaqtamantam qaparillawanña waqasqanku uyarikamuchkan, qaparillawanña waqaspa kayna nisqankum uyarikamuchkan: ¡Pasaypaq tuñisqam qeparunchik! ¡Hatun penqaypim rikurirunchik! Wasinchikkuna tuñichisqa kasqanraykum nacionninchikta saqesunchik.

Ezequiel 36:17

Runapa churin, Israelpa mirayninkuna allpankupi yachaspaqa mana allin kawsayninkuwan chaynataq mana allin ruwayninkuwanmi millakuypaqtaña ruwarurqaku; paykunapa kawsasqankuqa qayllaypim karqa, imaynam killanwan onqoq warmipa qachan hina.

Ezequiel 36:19

Chayna mana allin ruwasqankumanta castigaspaymi tukuy hinastinpi kaq nacionkunaman cheqerachirqani.

Deuteronomio 12:9

Samanaykichikpaq Señornikichik Tayta Diospa qosunaykichik allpamanqa manaraqmi chayachkankichikraqchu.

Deuteronomio 30:18

kunanmi nikichik: Wañunkichikpunim. Jordán mayuta chimparuspa Tayta Diospa qosusqaykichik allpapipas manam unaychu kawsankichik.

Deuteronomio 4:26

Kunanmi cielotawan kay pachata testigopaq churani, sichum chayta ruwaspaykichikqa Jordán mayupa waklaw chimpanpi yachanaykichik allpamantam chinkachisqa kankichik. Manam unaychu chaypiqa kankichikpas, aswanqa chinkachisqapunim kankichik.