Miqueas 2:1 - CHUYA QELLQA La Biblia en Quechua de Ayacucho 2012

¹ ¡Ay, imallapiraq rikukunqaku! Puñusqankupi mana allinta tantearuspa achikyaramuptinñataq kamachikuq kasqankurayku chay mana allin tanteasqankuta ruwayman churaqkuna.

Quechua Ayacucho Bible 1987

¹ ¡Imallapiraq rikukunqaku mana allinkuna tanteaqkunaqa! ¡Imallapiraq rikukunqaku camankupipas mana allinkuna piensaqkunaqa! Paykunaqa chay tuta achikyaruptinmi chay piensasqankuman hina ruranku. Kallpayoq kasqankuraykum chaynata ruranku.

Chuya Qellqa 1992

¹ ¡Ay, imallapiraq rikukunqaku! puñusqankupi mana allinta tantearuspa achikyaramuptinñataq kamachikuq kasqankurayku chay mana allin tanteasqankuta ruwayman churaqkuna

Miqueas 2:1 Iomraidhean Croise

Génesis 31:29

Chaynaqa, makillaypim kachkankichik imatapas ruwarunaypaq. Ichaqa taytaykipa Diosninmi chisi tuta mosqoyniypi niwarqa: “Yanqataq Jacobta imatapas niwaq”, nispa.

1~Reyes 21:7

Chaymi warmin Jezabel nirqa: ¿Manachu qamqa Israelpa reynin karqanki? Hatarispayki mikuy hinaspa kusikuy, Jezreel llaqtayuq Nabotpa uvas huertantaqa ñoqam qosqayki, nispa.

Ester 3:8

Hinaptinmi rey Asuerota Amán nirqa: Munaychakusqayki llaqtakunapim huk casta runakuna cheqesqa hinaspa rakinasqa yachachkanku, leyninkupas sapaqmi, manam wakin llaqtakunapa hinachu, kamachikuynikikunatapas manam kasukunkuchu. Manam allinchu reypa munaychakuyninpi kayna runakunapa kawsayninqa.

Ester 5:14

Chaymi warmin Zereswan llapa amistadninkuna kaynata nirqaku: Iskay chunka iskayniyuq metro kaspita sayarachiy hinaspa paqarinlla reyta niy Mardoqueo chaypi warkusqa kananpaq, chaynapim qamqa kusisqaña convidoman yaykunki, nispa. Chay nisqankum Amanpaq allinpaq rikchakarapurqa, chaymi payqa huk warkunata sayachirqa.

Ester 9:25

Ichaqa reypa ñawpaqninman reina Ester hamuruspa mañakuptinmi, reyqa huk decretota kamachikurqa, judiokunapa contranpi Amanpa mana allinkuna tanteasqan kikillanman wichiykunanpaq. Chaynapim Amanqa churinkunapiwan warkunapi warkurachikurqaku.

Jobwan Sutichasqa Libro 15:35

Paykunaqa nanaytam wiksayakurunku, mana allintam wachakunqaku; paykunaqa engañollatam rikurichinku, nispa.

Jobwan Sutichasqa Libro 24:14

Runa wañuchiqmi wakchata wañuchinanpaq tutapayta hatarin, tutañataqmi suwakun.

Proverbios 12:2

Allin runaqa Diospa kuyakuynintam chaskinqa, mana allin yuyaymanaqtam ichaqa castiganqa.

Proverbios 14:22

Mana allin ruwayta maskaqkunaqa hatun pantaypim tarikuchkanku; allin ruwayta maskaqkunam ichaqa Diospa kuyakuyninta chaskinqaku.

Proverbios 3:27

Mañakusuqnikitaqa yanapaykuyá, qoykunaykipaq kachkaptinqa qoykuyá.

Proverbios 4:16

Paykunaqa manam puñuytapas tarinkuchu ima mana allintapas mana ruwaspankuqa, pitapas urmachinankukamam rikchankupas,

Isaías 29:20

Runamasin ñakarichiqpas tukunqam, asipayakuqkunapas chinkanqam, mana allinkunalla maskaqkunapas chinkarunqakum.

Isaías 3:14

Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Isaías 32:7

Millay runaqa mana allinkunallatam ruwan, payqa mana allinkunallatam tantean, chaykunawanmi wakchakunata astawan tuñichin; mana piniyuq runapa allin arreglo mañakusqantam llullakunawan hukmanyachin.

Isaías 5:8

¡Imallapiraq rikukunkichik, wasikunata chakrakunata rantiypaq-rantiqkuna! ¿Qamkunallachu kay allpapi kawsankichik?

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Ezequiel 11:2

Chaymantam Tayta Dios kaynata niwarqa: Runapa churin, kay runakunam pasaypaq mana allinkunallata tanteachkanku, kay llaqtapi runakunatapas mana allinkunallatam umachachkanku,

Ezequiel 33:26

Qamkunaqa guerrallaman atipa-kuqmi kankichik, millakusqay kaq-kunatam ruwankichik, runamasikichikpa warminwanmi huchapakunkichik. ¿Chayna kachkaspachu kay allpa hapikuykuytaraq munachkankichik?

Ezequiel 38:10

Ñoqa Tayta Diosmi kaynata nini: Chay punchawpiqa sonqoykimanmi imaymana piensaykuna chayamunqa, chaymi mana allin ruwaykunata tanteanki.

Ezequiel 46:18

Chay kamachikuqqa amam hukpa allpantaqa hapikuykunqachu. Churinkunamanpas herenciata qospaqa kikinpa chakranmantam qonqa. Chaynapim runaykunaqa allpankumantaqa mana wischusqachu kanqaku.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Nahúm 1:11

Nínive llaqta, qanmantam lloqsimurqa Tayta Diospa contranpi mana allinta tanteaq runa, mana allinkunata umachakuq runa.

Zacarías 7:10

Ama-yá viudakunatapas, mana tayta-mamayuq-kunatapas, huklaw llaqtayuqkunatapas hinaspa wakchakunatapas ñakarichiychikchu. Amataqyá runamasikichikpa contranpiqa mana allin ruwaytapas piensaychikchu, nispa.

Marcos 15:1

Achikyaruptinmi sacerdotekunapa kamachiqninkunawan ancianokuna, Diospa leynin yachachiqkuna hinaspa cortepi kamachikuqkuna huñunakururqaku, hinaspam Jesusta chaqnaruspanku gobernador Pilatoman entregaykurqaku.

Lucas 20:19

Diospa leynin yachachiqkunawan sacerdotekunapa kamachiqninkunaña-taqmi, Jesuspa rikchanachiy rimas-qanqa paykunapa contranpi kasqan-ta musyakururqaku, hinaspam chay ratollapi presocharuyta munarqaku, ichaqa runakunata manchakuspankum mana atirqakuchu.

Juan 19:11

Jesusñataqmi nirqa: Sichum atiyta Dios mana qosuptikiqa manam imanawankimanchu. Chaynaqa, qampa makikiman ñoqata churamuqmi qanmantapas aswan huchayuqqa, nispa.

Hechos 23:12

Paqarinnintin punchawmi wakin judiokuna tanteanakurqaku Pablota wañurachinankupaq, paykunam juraspanku ninakurqaku: Pablota wañurachinanchikkamam ama mikusunchu nitaq imatapas tomasunchu, mana chaynata ruwaspanchikqa ñakasqayá kasunchik, nispanku.

Hechos 23:15

Chaynaqa, qamkunayá cortepi kamachikuqkunapiwan Roma soldadokunapa kamachiqninta mañamuychik, paqarinpuni Pablota qamkunaman pusamunanpaq. Pusachimunkichikqa: “Paymantam mastaraq yachaykuyta munaniku”, nispallam. Ñoqaykuñataqmi manaraq chayamuchkaptin wañurachinaykupaq chaylla suyasaqku, nispanku.

Romanos 1:30

runamasinpa qepanpi rimaqkuna, yanqakunamanta tumpakuqkuna, Diostapas cheqniqkuna, kutipakuqkuna, hatun tukuqkuna, mana allin ruwayllapi yuyaymanaqkuna hinaspa tayta-mamankutapas mana kasukuqkuna,

Deuteronomio 28:32

Churikikunatapas qawachkaptikim huklaw nacionniyuq runakunaman qoykunqaku. Paykunawan tupaykuyta anchallataña munaspaykipas manam ima ruwaytapas atinkichu.