Miqueas 1:8 - CHUYA QELLQA La Biblia en Quechua de Ayacucho 2012

⁸ Hinaptinmi nirqani: Hatun llakikuywanchá waqapakusaq, qala chakillachá purisaq, mana pachayuqchá purisaq, atoqkuna hinachá allwasaq, avestruzkuna hinachá qaparkachasaq.

Quechua Ayacucho Bible 1987

⁸ Hinaptinmi Miqueasñataq nirqa: Chay imam pasananmantam waqapakullasaq Chay imam pasananmantam qaparkachasaq. Ñoqallayqa qala chakillañam purillasaq. Ñoqallayqa mana pachayoqñam purillasaq. Atoqkuna hinañam waqasaqpas. Avestruz hinañam qaparisaqpas.

Chuya Qellqa 1992

⁸ Hinaptinmi nirqani: Hatun llakikuywanchá waqapakusaq, qala chakillachá purisaq, mana pachayuqchá purisaq, atoqkuna hinachá allwasaq, avestruzkuna hinachá qaparkachasaq.

Miqueas 1:8 Iomraidhean Croise

2~Reyes 18:13

Rey Ezequías chunka tawayuq wataña munaychakuchkaptinmi, Asiria nacionpa reynin Senaquerib, Judá nacionpi llapa murallasqa llaqtakunata atacaruspan vencerurqa.

Ester 4:1

Mardoqueom tukuy kaykunata yacharuspan pachankunata llikiparqa, hinaspam qachqa pachawan pachakuruspan, umanman uchpata tallikuykuspan llaqtapa chawpinta qaparillawanña waqastin rirqa.

Jobwan Sutichasqa Libro 30:29

Atoqkunapa wawqenñam rikuriruni, avestruzkunapa amigonñam rikuriruni.

Isaías 13:21

Chaypiqa purun animalkunallañam yachanqa, wasinkupipas chuseqkunallañam yachanqa, avestruz animalkunallañam yachanqa, monte cabrakunallañam chaypiqa kallpakachanqa.

Isaías 13:22

Palacionkunapipas purun animalkunallañam allwanqa, adornasqa palacionkunapipas atoqkunallañam waqanqa, Babilonia llaqtapa castigasqa kanan tiempoqa hichparamunñam, manam unamunqañachu.

Isaías 16:9

Chayraykum Sibma llaqtapi uvas huertamanta, Jazer llaqtapi kaqkunawan kuska ñoqapas waqachkani. Hesbón llaqta, Eleale llaqta, qamkunaraykum weqeyta chaqchuchkani. Tarpukuynikikunapa hawanpim, cosechaykikunapa hawanpim guerrapi peleaqkuna qaparirqaku.

Isaías 21:3

Chaymi cuerpoyta nanay huntaykun, wachakuywan ñakarispa qewipakuq warmita hinam nanawachkan, mancharisqallaña chaynataq llakisqa kaspaymi, mana imatapas rikunichu nitaq uyarinichu.

Isaías 22:4

Chaymi nirqani: Ñoqamanta anchuychik, llaqtayraykum sinchita waqachkani, ama consuelawaychikchu.

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Jeremías 9:19

Sión llaqtamantam qaparillawanña waqasqanku uyarikamuchkan, qaparillawanña waqaspa kayna nisqankum uyarikamuchkan: ¡Pasaypaq tuñisqam qeparunchik! ¡Hatun penqaypim rikurirunchik! Wasinchikkuna tuñichisqa kasqanraykum nacionninchikta saqesunchik.

Ezequiel 32:18

Runapa churin, Egipto nacionpa nana-nanaq runankunamanta kay aya takita takiy; paytaqa atiyniyuq nacionkunapa wawankunatawan kuskata, wañusqakunapa kasqanman uraykuqkunatawan kuskata, allpa pachapa ukunman wischuykuy.

Miqueas 2:4

Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

1~Samuel 19:24

Chaymantam Saulqa pachantapas chustukuruspan Samuelpa ñawpaqninpi qalallaña profetizarqa, hinaspanmi tukuy punchaw chaynataq tukuy tuta pampapi qalalla karqa. Chayraykum runakuna rimakuqku: ¿Saulpas profetañachus kasqa? nispanku.