Miqueas 1:7 - CHUYA QELLQA La Biblia en Quechua de Ayacucho 2012

⁷ Idolonkunapas ñutupasqam kanqa, yupaychanan kullukunapas kañasqam kanqa. Chaykunaqa chuchumika kaspan ganakusqan qollqewan ruwasqam karqa, chayraykum huktawan chuchumikapa qollqenman tikrasqa kanqa, nispa.

Quechua Ayacucho Bible 1987

⁷ Llapallan taytacha-mamachankupas pasaypaq ñutupasqam kanqa. Templonkupi chuchumikakunawan lliw ganasqankupas kañasqam kanqa. Llapallan taytacha-mamachankutapas ñoqaqa puchukarachisaqmi. Chaykunaqariki rurasqa karqa chuchumikakunapa ganancionwanmi. Chaynaqa chaykunaqa kanqa hina chuchumikapa gananciontaqmi.

Chuya Qellqa 1992

⁷ Idolonkunapas ñutupasqam kanqa, yupaychanan kullukunapas kañasqam kanqa. Chaykunaqa chuchumika kaspan ganakusqan qollqewan ruwasqam karqa, chayraykum huktawan chuchumikapa qollqenman tikrasqa kanqa, nispa.

Miqueas 1:7 Iomraidhean Croise

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

Isaías 2:18

Idolokunataqa pasaypaqtam chinkachinqa.

Isaías 23:17

Qanchis chunka wata pasaruptinmi Tiro llaqtata Tayta Dios watu-kunqa, chaymi kaqllamanta negociokuna ruwasqanpi chuchumikayaruspan runakunaman alquilakunqa, kay pacha nacionkunapi kamachikuqkunawanmi huchallikunqa.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Ezequiel 6:6

Maypiña yachaptikichikpas chay llaqtakunam purmachisqa kanqa, idoloykichikkunapa altarninkunapas tuñichisqam kanqa. Altarkunawan llapa idolokunapas pasaypaq chinkachisqam kanqa. Incienso kañanaykichik altarkunapas ñutusqam kanqa. Qamkunapaqqa ima ruwakusqaykichikpas chinkachisqam kanqa.

Oseas 2:12

Uvas plantankunatawan higos sachankunatapas wituchisaqmi. Chaykunamantam pay nirqa: “Kaykunaqa kuyaqniykunapa pagawasqanmi”, nispa. Chaykunata qorayarachiptiymi purun animalkunaña mikunqaku.

Oseas 2:14

Chayraykum kuyakuyllawan rimapayasaq, chunniqman pusaruspaymi sonqonta sumaqllata suwaykusaq.

Oseas 2:5

Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Oseas 8:5

Samaria llaqtapi yachaqkuna, qori torillo idoloykichikta wischuychik, qamkunapaqmi llumpa-llumpayta piñakuruni. ¿Haykapikamataq mana chuyanchakuy atiq kankichik?

Oseas 8:6

Yaw Israel, Samariapi yupaychasqayki qori torilloqa manam dioschu, chayqa runapa ruwasqallanmi; chayraykum pasaypaq ñutusqa kanqa.

Joel 3:3

Paykunaqa churiykunatapas sorteaspam rakinakurqaku qari warmakunatapas huk chuchumikapaqmi cambiarurqaku; warmi warmakunatañataqmi vinowan sinkanankupaq rantikururqaku.

Levítico 26:30

Idoloykichikkunapa capi-llankunatapas tuñirachisaqmi, incienso kañana altarnikichikkunatapas paki-parusaqmi, ayaykichiktapas idoloykichikkunapa hawanmanmi montorusaq.

Deuteronomio 23:18

Chayna millakuypaq ruwasqanwan ganakamusqanmanta Tayta Diospa templonman apamunankutaqa amam munankichikchu. Chayqa Señornikichik Tayta Diospa qayllanpiqa hatun millakuypaqmi.

Deuteronomio 9:21

Huchallikunaykichikpaq ruwasqaykichik toroman rikchakuq idolotapas kañaruspaymi ñutuy-ñutuyta kutaruspa orqomanta uraykamuq mayuman machqeykurqani.

Apocalipsis 18:3

Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku, nispa.

Apocalipsis 18:9

Kay pachapi paywan huchapakuspa kusikuq reykunapas hatu-hatunta llakikuspam paymanta waqanqaku, kañasqankupa qosniyninta qawaykuspankum waqanqaku.

1~Samuel 5:4

Kaqllamanta paqarinnintin tutapayta rispankum idolonku Dagontaqa tariykurqaku Tayta Diospa Arcanpa ñawpaqninpi wischurayachkaqta, ichaqa Dagonpa umanwan iskaynin makinkunam cuerponmanta qorusqaña kachkasqa templonkupa punku pasaykunapi.