Miqueas 1:6 - CHUYA QELLQA La Biblia en Quechua de Ayacucho 2012

⁶ Chayraykum Tayta Dios kaynata nin: Samaria llaqtata purmarachispaymi uvas tarpuna allpamanña tikrarusaq, ruminkunatapas qechwaman wikaparuspaymi cimientonkunatapas rikurirachisaq.

Quechua Ayacucho Bible 1987

⁶ Chayraykum Tayta Dios nin kaynata: Samaria llaqtataqa monto-monton rumillamanñam tikrarusaq. Samaria llaqtataqa uvaspa wiñanan allpamanñam tikrarusaq. Chay rumikunatapas qechwamanñam choqaparusaq. Chay llaqtataqa cimientonkamam qalaparusaq.

Chuya Qellqa 1992

⁶ Chayraykum Tayta Dios kaynata nin: Samaria llaqtata purmarachispaymi uvas tarpuna allpamanña tikrarusaq, ruminkunatapas qechwaman wikaparuspaymi cimientonkunatapas rikurirachisaq.

Miqueas 1:6 Iomraidhean Croise

2~Samuel 17:13

Hukkaqnin llaqtapi pakakuruptinpas, lliw Israel runakunam waskakunata apasunchik, hinaspam chaywan llaqtapa ruminkunatapas wayqokama astarusunchik, huk rumillapas mana puchunankama, nispa.

2~Reyes 18:10

Hinaspam kimsa watapi vencerurqa. Rey Ezequías soqta wataña munaychakuchkaptinmi chaynataq rey Oseaspas isqon wataña Israel nacionpi munaychakuchkaptinmi, Samaria llaqtata Asiria nacionpa reynin hapikuykurqa.

2~Reyes 18:9

Rey Ezequías tawa wataña munaychakuchkaptinmi chaynataq Elapa churin Oseas qanchis wataña Israel nacionpi munaychakuchkaptinmi, Asiria nacionpa reynin Salmanasar hamuruspan Samaria llaqtapa muyuriqninpi tropankunawan churakururqa.

2~Reyes 19:25

¿Manachum uyarirqanki ñawpaqmantaraq ñoqa Tayta Dios chaykuna ruwasqayta? ¿Wiñaymantaraq ñoqa Tayta Dios chaykuna tanteasqayta? Kunanmi chaykunata ruwachkani. Chaymi murallasqa llaqtakunata tuñichirqanki, hinaspam rumikunata monturqanki.

Isaías 17:1

Damasco llaqtapa contranpim Isaías kaynata nirqa: Damasco llaqtaqa manañam llaqtañachu kanqa, aswanqa tuñichisqa perqakunallañam montorayanqa.

Isaías 25:12

Diosmi alto-alto mana yaykuy atina perqankunta tuñichinqa, allpayanankamam pampapi ñuturunqa.

Isaías 25:2

Llaqtakunatam tuñirachispa pasaypaqta purmarachinki, llaqtapa qaqay-qaqay perqankunatam tuñirachinki, cheqniqniykupa suma-sumaq llaqtankutapas taqmaparunkim, manañam musoqmantaqa hatarichinqakuñachu.

Jeremías 31:5

Samaria waqtakunapim uvas chakrakunata musoqmanta hatarichinkichik, uvasta plantaqkunam rurunta mikunqaku.

Jeremías 51:25

Ñoqa Tayta Diosmi nini: Nacionkunata tuñichiq orqo, qampa contraykipim kachkani. Makiytam castiganaypaq hoqarisaq, qaqapa hawanmantam kumpaykusqayki, hinaspaymi kañasqa orqoman tikrasqayki.

Jeremías 51:37

Babiloniaqa pasaypaq tuñichisqam kanqa, atoqkunapa yachananñam kanqa, runapa mana yachananñam kanqa, qawaqninkunapas admirakuspam burlakunqa.

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Lamentaciones 4:1

¡Imaynamá qoriqa yanayarunqa! ¡Akllasqa qoripa kanchariyninpas imaynamá chinkarunqa! ¡Templopa suma-sumaq ruminkunapas callekunapa esquinankunapim wischusqa kachkan!

Ezequiel 13:14

Chaynatam chay estucowan llusisqaykichik perqata tuñichisaq, cimientonpas rikurinankamam pampaman wikaparusaq. Chay tuñisqa perqakunapa chawpinpim qamkunapas wañunkichik. Chaynapim Tayta Dios kasqayta yachankichik.

Oseas 13:16

Samariapas Diospa contranpi hatarisqanraykum chinkanqa; espadapa puntanpim wañunqaku, wawakunapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Amós 5:11

Chaynaqa, wakchakunata yanqamanta tumpaspa impuestota trigonpi chaskikusqaykichikraykum, labrasqa rumikunawan wasikuna ruwasqaykichikpipas mana yachankichikchu, manataqmi uvas plantasqaykichikpa rurunmanta vinotapas tomankichikchu.

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Habacuc 3:13

Llaqtaykita salvanaykipaqmi lloqsimurqanki, akllakusqayki reyta salvanaykipaqmi hamurqanki. Mana allin runapa wasinpa qatantam paskarurqanki, cimientonkamam pasaypaqta tuñirachirqanki.

Mateo 24:2

Chaymi Jesús nirqa: ¿Qawachkankichikchu tukuy kaykunata? Cheqaptapunim nikichik, manam chulla rumillapas perqasqaqa qepanqachu, lliwmi tuñichisqa kanqa, nispa.