Miqueas 1:5 - CHUYA QELLQA La Biblia en Quechua de Ayacucho 2012

⁵ Kaykunaqa pasakunqa Jacobpa mirayninkuna mana kasukusqanmantam, Israelpa mirayninkunapa huchanmantam. ¿Imataq Jacobpa mana kasukuynin? ¿Manachum Samaria llaqta? ¿Maytaq Judá nacionpa huchallikunan capillakuna? ¿Manachum Jerusalén llaqta?

Quechua Ayacucho Bible 1987

⁵ Tukuy kaykunaqa pasakuchkan Jacob castakuna mana kasukusqanraykum. Tukuy kaykunaqa pasakuchkan Israel castakuna huchallikusqanraykum. ¿Imaynanpitaq Jacobpa mirayninkunaqa mana kasukuqqa karqaku? ¡Samaria llaqtapim chayna karqaku! ¿Imaynanpitaq Judá nacionpiqa capillakunapiraq huchallikurqaku? ¡Jerusalen llaqtapim huchallikurqaku!

Chuya Qellqa 1992

⁵ Kaykunaqa pasakunqa Jacobpa mirayninkuna mana kasukusqanmantam, Israelpa mirayninkunapa huchanmantam. ¿Imataq Jacobpa mana kasukuynin? ¿Manachum Samaria llaqta? ¿Maytaq Judá nacionpa huchallikunan capillakuna? ¿Manachum Jerusalén llaqta?

Miqueas 1:5 Iomraidhean Croise

1~Reyes 11:7

Hinaspanmi Jerusalenpa chimpan moqopi huk capillata ruwarachirqa Moab castakunapa yupaychanan millakuypaq Quemos idolopaq chaynataq Amonpa yupaychasqan millakuypaq Moloc idolopaqpas.

1~Reyes 13:32

Bet-el llaqtapi altarpa contranpi chaynataq Samaria law moqokunapi kaq capillakunapa contranpipas paynintakama Tayta Diospa nisqanqa cumplikunqapunim, nispa.

1~Reyes 16:24

Rey Omrim Semermanta Samaria orqota rantirurqa soqta chunka soqtayuq kilo qollqewan, chaypim huk llaqtata hatarichispan Samariawan suticharqa, chaynataqa suticharqa orqo rantikuqnin Semerpa sutinraykum.

2~Crónicas 34:3

Pusaq wataña munaychakuyninpim, rey Josiasqa warmallaraq kachkaspan, ñawpaq taytan Davidpa Diosninta maskayta qallaykurqa. Chunka iskayniyuq wataña munaychakuchkaspanmi, Judá nacionpi chaynataq Jerusalén llaqtapi kaq moqokunapi capillakunata, Asera idolokunata, metalta chulluchispa ruwasqa tukuy rikchaq idolokunata hinaspa rumimanta labrasqa idolokunatapas wischuyta qallaykurqa.

2~Crónicas 34:4

Paypa qayllanpim Baalpa altarninkunatapas tuñichirqaku, chay altarpa hawanpi kaq incienso kañanankutapas ñutuchirqam; Asera idolokunatawan rumimanta labrasqa metalta chulluchispa ruwasqa rikchaqmana idolokunatapas ñutuparachispanmi polvontapas chay idolokunaman sacrificaq runakunapa sepulturanman machqerachirqa.

Isaías 7:9

Samaria llaqtaqa Efrainpa otaq Israel nacionpa capitalninmi, Remaliaspa churin Pekañataqmi Samaria llaqtapa reynin. Sichu qamkunapas ñoqapi mana hapipakuspaqa manam unaytaqa takyankichikchu, nispa.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 23:13

Samaria llaqtapi profetakunatam contraypi mana allinkuna ruwachkaqta rikurqani: Baal idolopa sutinpi profetizaspankum, Israel llaqtayta pantayman aparunku.

Jeremías 23:14

Jerusalenpi profetakunatam millakuypaq kaqkuna ruwachkaqta rikurqani: Hukwan-hukwanmi waqllikunku, llullakuyllapim kallpakachanku, mana allin runakunatam kallpanchanku, huchankumanta mana wanakunankupaq. Sodoma Gomorra llaqtapi runakunamanraqmi rikchakunkupas.

Jeremías 4:18

Mana allin kawsaynikiraykum, mana allin ruwaynikikunaraykum, kaykuna pasasunki; mana allinkuna ruwasqaykipa pagonmi kayqa, chayraykum sonqoykita pasaypaqta nanachisunki.

Jeremías 5:25

Mana allinkuna ruwasqaykichikmi allin kaqkunamanta karuncharusunkichik; huchaykichikmi allin kaqkunamanta rakirusunkichik.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Lamentaciones 5:16

Umaykupi coronaykupas wichirunmi, ¡imallapiraq rikukuniku, huchallikurunikum!

Ezequiel 16:46

Mayor ñañaykim Samaria, paymi wawankunapiwan norte lawnikipi yachachkanku; Sodomañataqmi sullka ñañayki, paypas wawankunapiwanmi sur lawnikipi yachachkanku.

Oseas 7:1

Israelta hampichkaptiymi Efrainpa chaynataq Samariapa mana allin ruwasqankuna rikuriramun. Paykunaqa llapallankum llullakuspa suwakunku, punchawpacham wasikunaman suwakuq yaykunku, callepi purikuqkunatam imantapas suwanku.

Amós 6:1

¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Amós 7:9

Isaacpa idolokunata yupaychanan moqokunam tuñichisqa kanqa, Israelpa santuarionkunapas ñutusqam kanqa; rey Jeroboampa mirayninkunatam espadawan wañuchisaq, nispa.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Miqueas 1:13

Laquis llaqtapi yachaqkuna, qamkunam Sionpi yachaqkunata huchallichirqankichik, carretaykichiktayá caballokunaman wataychik.