Miqueas 1:13 - CHUYA QELLQA La Biblia en Quechua de Ayacucho 2012

¹³ Laquis llaqtapi yachaqkuna, qamkunam Sionpi yachaqkunata huchallichirqankichik, carretaykichiktayá caballokunaman wataychik.

Quechua Ayacucho Bible 1987

¹³ Laquis llaqtapi *f**yachaqkuna, Sion llaqtapi *f**yachaqkunatam huchallichiyta qallarichirqankichik. Israel castakuna mana kasukuq kanankupaqqa qamkunam huchayoq kankichik. Chaynaqa carretaykichiktayá caballokunaman wataychik.

Chuya Qellqa 1992

¹³ Laquis llaqtapi yachaqkuna, qamkunam Sionpi yachaqkunata huchallichirqankichik, carretaykichiktayá caballokunaman wataychik.

Miqueas 1:13 Iomraidhean Croise

Génesis 19:17

Hurqoramuspankum huknin ángel nirqa: Salvakuyta munaspaykiqa utqayman ayqey. Ichaqa amam qepaykita qawarikamunkichu amataqmi kay pampapiqa sayayllapas-sayaykunkichu, ama puchukarunaykipaq orqoman lluptiy, nispa.

1~Reyes 14:16

Jeroboampa huchanmantam chaynataq huchallikuspan Israel naciontapas huchallichisqanraykum Tayta Diosqa Israelpa mirayninkunata qoykunqa, nispa.

1~Reyes 16:31

Nabatpa churin Jeroboampa hucha ruwasqanmantapas aswantaraq ruwaspam Sidón llaqtapa reynin Et-baalpa churin Jezabelwan casarakururqa, hinaspam Baal idolota servispa yupaycharqa,

1~Reyes 4:28

Tupasqanman hinam caballokunapaqwan carga animalkunapaqpas cebadatawan pajata apachimuqku.

2~Reyes 14:19

Jerusalén llaqtapi kaqkunam rey Amasiaspa contranpi hoqarikururqaku, chaymi Amasiasqa Laquis llaqtaman lluptikurqa, ichaqa Laquis llaqtakama qatispankum chaypi wañurachimurqaku.

2~Reyes 18:17

Chaymantam Asiria nacionpa reyninqa Laquis llaqtamanta Jerusalén llaqtaman kacharqa tropankunapa kamachiqninta, huk confianzan kamachikuqta chaynataq tropakunapa capitannintapas achkallaña tropayuqta, rey Ezequiaswan tupanankupaq. Jerusalén llaqtaman chayaruspankum hanay law estanqueman hamuq yarqapa hichpanpi sayarurqaku. Chay estanqueqa kachkan “Taqsaq runapa chakranman” riq ñanpim.

2~Reyes 8:18

Joramqa Israel nacionpi reykunapa chaynataq Acabpa mirayninkunapa ruwasqanta hinam ruwarqa. Acabpa warmi churinwan casarakuruspanmi mana allinkunata Tayta Diospa qayllanpi ruwarqa.

2~Crónicas 11:9

Adoraim, Laquis, Azeca,

2~Crónicas 32:9

Asiria nacionpa reynin Senaqueribmi llapallan tropankunawan Laquis llaqtata atacachkarqa, hinaspanmi serviqninkunata Jerusalén llaqtaman kacharqa, Judá nacionpa reynin Ezequiasman hinaspa Jerusalén llaqtapi yachaq Judá casta runakunaman kaynata nimunankupaq:

Jobwan Sutichasqa Libro 39:10

¿Yaqachu yapunaykipaq chay torota yugoman wataruwaq? ¿Yaqachu surcota kichastin qepaykita qatisunkiman?

Éxodo 32:21

Aarontañataqmi Moisés nirqa: ¿Imanasurqankitaq kay runakuna hatun huchaman urmaykachinaykipaq? nispa.

Isaías 10:31

Madmena llaqtamantam lluptiypawan lloqsinku. Gebim llaqtapi yachaqkunam pakakuchkanku.

Isaías 36:2

Asiriapa reynin Senaqueribmi La-quis llaqtamanta tropankuna kamachiq Rabsacesta achkallaña tropayuqta Jerusalenpi rey Ezequiasman kachamurqa; hamuspankum hanay law estanqueman hamuq yarqapa hichpanpi, “Taqsaq runapa chakran” sitioman riq ñanpa hichpanpi churakururqaku.

Isaías 37:8

Hinaptinmi chay kamachikuq uyarirurqa Asiria nacionpa reyninqa Laquis llaqtamanta asurikusqantaña. Kutispanmi Senaqueribta Libna llaqtayuqkunawan peleachkaqta tariykurqa.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Jeremías 34:7

Babilonia reypa tropankunañataqmi Jerusalén llaqtapa hinaspa Judá lawpi puchuq llaqtakunapa contranpi peleachkarqa. Chay llaqtakunam karqa Laquis hinaspa Azeca. Judá nacionpi murallasqa llaqtakunamantam chay iskay llaqtakunallaña puchururqa.

Jeremías 4:29

Silladakunapa qapariyninwanmi, flechaqkunapa qapariyninwanmi, llaqta runakuna lluptikunku; montekunamanmi yaykunku, qaqakunamanmi qespinku. Llaqtakunam manaña runayuq qeparun, chaypiqa manañam pipas yachanñachu.

Ezequiel 23:11

Chaytam ñañan Aholiba qawarqa, ichaqa ñañanmantapas astawanraqmi huchapakurqa.

Miqueas 1:5

Kaykunaqa pasakunqa Jacobpa mirayninkuna mana kasukusqanmantam, Israelpa mirayninkunapa huchanmantam. ¿Imataq Jacobpa mana kasukuynin? ¿Manachum Samaria llaqta? ¿Maytaq Judá nacionpa huchallikunan capillakuna? ¿Manachum Jerusalén llaqta?

Josué 10:3

Chaynapim Jerusalenpa reynin Adonisedecqa, Hebrón llaqtapa reynin Hohamman, Jarmut llaqtapa reynin Pireamman, Laquis llaqtapa reynin Jafiaman hinaspa Eglón llaqtapa reynin Debirman kaynata nichimurqa:

Josué 15:39

Laquis, Boscat, Eglón,

Apocalipsis 2:14

Ichaqa kay aslla kaqkunam contraykipi kachkan: Hinallam hatallichkanki Balaampa yachachisqanman hina ruwaqkunata. Balaammi umacharqa Balacta Israelpa mirayninkunata huchallichinanpaq. Chaymi Israelpa mirayninkunaqa idolokunaman ofrecesqa aychata mikuspanku waqllikuspa huchallikurqaku.

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.