Miqueas 1:1 - CHUYA QELLQA La Biblia en Quechua de Ayacucho 2012

¹ Judá nacionpi rey Jotam, rey Acaz hinaspa rey Ezequías munaychakuchkaptinkum, Moreset llaqtayuq Miqueasta visionpi Tayta Dios rimapayarqa, Samaria llaqtatawan Jerusalén llaqtata imam pasananmanta.

Quechua Ayacucho Bible 1987

¹ Juda nacionpim qatinasninpi gobiernarqa Rey Jotam, Rey Acaz hinaspa Rey Ezequias. Paykunapa gobiernasqan tiempopim Moroset llaqtayoq Miqueasman revelacionninpi Tayta Dios rimapayarqa Samaria hinaspa Jerusalen llaqtapa contranpi.

Chuya Qellqa 1992

¹ Judá nacionpi rey Jotam, rey Acaz hinaspa rey Ezequías munaychakuchkaptinkum, Moreset llaqtayuq Miqueasta visionpi Tayta Dios rimapayarqa, Samaria llaqtatawan Jerusalén llaqtata imam pasananmanta.

Miqueas 1:1 Iomraidhean Croise

2~Reyes 15:32

Israel nacionpi Remaliaspa churin Peka iskay wataña munaychakuchkaptinmi, Uziaspa churin Jotam Judá nacionpi munaychakuyta qallaykurqa.

2~Reyes 15:5

Tayta Diosmi rey Azariasta wañunan punchawkama lepra onqoywan ñakarichirqa, chaymi payqa sapaq wasipi yacharqa. Chaynapim palacionpiqa churin Jotamña munaychakurqa.

2~Reyes 16:1

Remaliaspa churin Peka chunka qanchisniyuq wataña munaychakuchkaptinmi, Jotampa churin Acaz Judá nacionpi munaychakuyta qallaykurqa.

2~Reyes 18:1

Elapa churin Oseas kimsa wataña Israel nacionpi munaychakuchkaptinmi Judá nacionpi rey Acazpa churin Ezequías munaychakuyta qallaykurqa.

2~Crónicas 28:1

Acazqa iskay chunka watanpim munaychakuyta qallaykurqa. Chunka soqtayuq watam Jerusalén llaqtapi munaychakurqa. Ichaqa manam taytan David hinachu Tayta Diospa qayllanpi allinta ruwarqa.

2~Crónicas 29:1

Ezequiasqa Iskay chunka pichqayuq watanpim munaychakuyta qallaykurqa. Iskay chunka isqonniyuq watam Jerusalenpi munaychakurqa. Mamanmi karqa Zacariaspa churin Abi.

Isaías 1:1

Judá nacionpi rey Uziaspa, rey Jotampa, rey Acazpa hinaspa rey Ezequiaspa munaychakusqanku punchawkunapim, Judá nación chaynataq Jerusalén llaqta imaynam kananmanta Amozpa churin Isaiasman visionpi Tayta Dios qawachirqa.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Isaías 7:1

Uziaspa willkan hinaspa Jotampa churin rey Acaz Judá nacionpi munaychakuchkaptinmi Siria nacionpa reynin Rezinwan Israel nacionpa reynin Remaliaspa churin Peka, Jerusalén llaqtata atacarqaku, ichaqa manam venceyta atirqakuchu.

Isaías 7:9

Samaria llaqtaqa Efrainpa otaq Israel nacionpa capitalninmi, Remaliaspa churin Pekañataqmi Samaria llaqtapa reynin. Sichu qamkunapas ñoqapi mana hapipakuspaqa manam unaytaqa takyankichikchu, nispa.

Jeremías 26:18

Judá nacionpi rey Ezequías munaychakuchkaptinmi, Moreset llaqtayuq Miqueas kay Judá nacionpi llapallan runakunata nirqa: Tukuy atiyniyuq Tayta Diosmi kaynata nin: Sión llaqtam yapusqa chakraman tikrasqa kanqa, Jerusalén llaqtam purmachisqa kanqa, Templopa kasqan moqom monteyarunqa, nispa.

Oseas 1:1

Judá nacionpi Uzías, Jotam, Acaz hinaspa Ezequías rey kachkaptinkum; chaynallataq Joaspa churin Jeroboampas Israelpi rey kachkaptinmi, Beeripa churin Oseasta Tayta Dios rimapayarqa.

Oseas 4:15

Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Oseas 8:14

Israelmi unanchaqninta qonqaruspan palaciokunata ruwakurun, Judapas murallasqa llaqtakunatam achkallataña hatarirachin, ñoqam ichaqa palacionkunata ninawan kañasaq, murallankunatapas ninawanmi uchpayachisaq.

Amós 1:1

Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Amós 6:1

¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Miqueas 1:5

Kaykunaqa pasakunqa Jacobpa mirayninkuna mana kasukusqanmantam, Israelpa mirayninkunapa huchanmantam. ¿Imataq Jacobpa mana kasukuynin? ¿Manachum Samaria llaqta? ¿Maytaq Judá nacionpa huchallikunan capillakuna? ¿Manachum Jerusalén llaqta?

Miqueas 3:9

Jacobpa mirayninpi munaychakuqkuna, Israelpa miraynimpi kamachikuqkunata, kayta uyariychik. Qamkunam allin ruwayta millakunkichik, allin arreglo ruwaytañataqmi qewirunkichik.

Habacuc 1:1

Kaymi profeta Habacucpa Diosmanta visionpi chaskisqan profeciakuna.

2~Pedro 1:21

Manataqmi profetakunaqa qellqarqa runapa munasqanman hinallachu, aswanqa Chuya Espiritupa yuyay qosqanman hinam Diosmanta rimarqaku.