Mateo 9:23 - CHUYA QELLQA La Biblia en Quechua de Ayacucho 2012

²³ Chay kamachikuqpa wasinman Jesús chayaruspanmi, qena tocaqkunatawan llapa runakunata chaqwakuchkaqta tariykurqa.

Quechua Ayacucho Bible 1987

²³ Chay kamachikuqpa wasinta Jesus chayaruptinmi qena tocaqkunapas listollaña kachkasqaku pampamunankupaq, chaynataqmi runakunapas qaparkachachkasqaku.

Chuya Qellqa 1992

²³ Chay kamachikuqpa wasinman Jesús chayaruspanmi, qena tocaqkunatawan llapa runakunata chaqwakuchkaqta tariykurqa.

Mateo 9:23 Iomraidhean Croise

2~Crónicas 35:25

Rey Josiasta yuyarinapaqmi profeta Jeremías huk aya takita qellqarqa, chay takitam llapallan takiqkuna qaripas warmipas Josiasta yuyarispanku kunankama takinku. Chay takikunam Israel nacionpi costumbre hinaña karqa. Chay aya takiqa Lamentaciones libropim qellqasqa kachkan.

Jeremías 16:6

Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Ezequiel 24:17

Llakispaqa-llakikuy upallallamanta, paymantaqa ama lutokuychu. Uma wataykitapas ama hurqokuychu, amataq qala chakipas puriychu. Uyaykitapas ama tapakuychu, chayna punchawkunapi mikuna mikuytapas ama mikuychu, nispa.

Mateo 11:17

“Qenata tocaptiykupas manam tusurqankichikchu, aya takita takiptiykupas manam waqarqankichikchu”, nispanku.

Lucas 7:32

Paykunaqa rikchakun plazakunapi pukllaspan qayaykachanakuq warmakunamanmi. Paykunam ninakunku: “Qenata tocaptiykupas manam tusurqankichikchu, aya takita takiptiykupas manam waqarqanki-chikchu”, nispanku.

Hechos 20:10

Pabloñataqmi uraykuspan chay jovenpa hawanman chutakuykuspan abrazaykurqa, hinaspam llapa iñiqkunata nirqa: Ama manchakuychikchu, kawsachkanmi, nispa.

Hechos 9:39

Chaynata Pedroman willaykuptinkum paykunawan pasarqa. Chayaruptinmi Pedrota wañuqpa kasqan cuartoman pusaykurqaku, chaymi llapa viudakuna Pedroman asuykuspanku waqastin Dorcaspa ruwasqan pachakunata qawa-chirqaku.

Apocalipsis 18:22

Chaypiqa arpakunapa, qenakunapa, trompetakunapa waqayninpas manañam uyarikunqañachu. Tukuy imapi llamkaqkunapas manañam llamkanqakuñachu, molino rumipa tunrunyayninpas manañam uyarikunqañachu.