Mateo 9:2 - CHUYA QELLQA La Biblia en Quechua de Ayacucho 2012

² Hinaptinmi suchu runata chakanapi wantumurqaku, chaymi Jesusñataq paykunapa iñiyninta qawaykuspan chay suchuta nirqa: Churilláy kallpanchakuy, huchaykikunaqa pampachasqañam, nispan.

Quechua Ayacucho Bible 1987

² Chaypi kachkaptinmi wantumurqaku suchu runata chakanapi, chaymi Jesus paykunapa iñiyninta qawaykuspa chay suchuta nirqa: —Kallpanchakuy tayta, huchaykikunatam pampachayki —nispa.

Chuya Qellqa 1992

² Hinaptinmi suchu runata chakanapi wantumurqaku, chaymi Jesusñataq paykunapa iñiyninta qawaykuspan chay suchuta nirqa: Churilláy kallpanchakuy, huchaykikunaqa pampachasqañam, nispan.

Mateo 9:2 Iomraidhean Croise

Eclesiastés 9:7

Chaynaqa, tanta mikusqaykiwan, vino upyasqaykiwanyá kusikuy, ruwaynikikuna Diospa munasqanpaq hina kasqanrayku.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Mateo 14:27

Hinaptinmi Jesusñataq nirqa: ¡Hawkalla kaychik! ¡Ama manchakuychikchu! Ñoqam kani, nispan.

Mateo 4:24

Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata, nanaywan ñakariqkunata, demoniopa ñakarichisqankunata, wañuymañayuqkunata hinaspa suchu-kunata apamurqaku, paykunatam Jesús sanoyachirqa.

Mateo 6:12

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina.

Mateo 8:10

Chayna nisqanwanmi Jesús admirakurqa, hinaspam qatiqninkunata nirqa: Cheqaptapunim nikichik, Israelpi-punipas manam kayna iñiyniyuqtaqa tarirqanichu.

Mateo 8:16

Tutayaruptinmi demoniokunapa ñakarichisqan achka runakunata Jesusman pusamurqaku, hinaptinmi rimariyllanwan chay demoniokunata qarqospan onqoqkunata sanoyachirqa.

Mateo 9:22

Jesusñataqmi muyuriykuspan payta rikururqa, hinaspam nirqa: Churilláy kallpanchakuy, iñiynikiman hinam allinyarunki, nispan. Hinaptinmi chaylla allinyarurqa.

Mateo 9:5

Mayqantaq fácil kanman: ¿Huchaykikunaqa pampachasqañam niychu, icha hatarispayki “puriy” niychu?

Mateo 9:6

Kunanmi yachankichik, runapa Churinqa huchakunata pampachananpaq kay pachapi atiyniyuq kasqanta. Chaynata niruspanmi suchuta nirqa: Hatarispayki chakanaykita aparikuspa wasikiman ripukuy, nispa.

Marcos 1:32

Tutaykamuptinmi llapa onqoqku-natawan demoniopa huntasqankunata Jesusman pusamurqaku.

Marcos 10:49

Jesusñataqmi sayaykuspan nirqa: Qayamuychik, nispa. Chaymi ñawsata qayamuspanku nirqaku: Kallpanchakuy, hatarispa asuykuy qayasuchkankim, nispanku.

Marcos 5:34

Hinaptinmi chay warmita Jesús nirqa: Churilláy, iñiynikiman hinam sanoyarunki, kunanqa hawkañayá pasakuy, onqoynikimantaqa sanoyarunkiñam, nispa.

Marcos 6:50

Llapallankum rikuruspanku mancha-rikurqaku. Jesusñataqmi paykunata rimapayaspan nirqa: Ñoqam kani, ¡Hawkalla kaychik! ama manchakuychikchu, nispan.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Juan 2:25

Manataqmi pitapas necesitarqachu chay runakuna imaynam kasqanmanta willananpaqqa, kikin Jesusmi sapakamapa sonqonta allinta reqsirqa.

Juan 21:5

Jesusmi nirqa: Qarikuna, ¿manachu challwa hapisqaykichik kan? nispa. Paykunañataqmi nirqaku: Manam kanchu, nispanku.

Hechos 14:9

Paymi Pablopa rimasqanta uyarichkarqa, hinaptinmi Pablo qawariykuspan musyarurqa sanoyananpaq iñiyniyuq kasqanta.

Hechos 19:12

Chaynapim Pablopa cuerponpa tupaykusqan pañuelotapas otaq pachatapas onqoqkunaman apaptinku sanoyaqku, mana allin espiritukunapas lloqsiqtaqmi.

Hechos 23:11

Chay tutam Pabloman Señor rikuriykuspan nirqa: Pablo kallpanchakuy, kay Jerusalén llaqtapi ñoqamanta willakusqaykita hinam Roma llaqtapipas willakunayki, nispa.

Romanos 5:11

Manataqmi chayllachu, Señorninchik Jesucristontakamam Diospi kusikusunchik, Jesucristontakamam Dioswan allinyanakuyta haypaykunchik.

Santiago 2:18

Ichapas hukkaqnin ninman: “Qamqa iñiyniyuqmi kanki, ñoqañataqmi allinkuna ruwaq kani”, nispa. ¿Imaynatataq qawachiwankiman iñiynikita allinkunata mana ruwaspaykiqa? Ñoqam ichaqa iñiyniyta qawachisqayki imapas allin ruwasqaywan.