Mateo 9:15 - CHUYA QELLQA La Biblia en Quechua de Ayacucho 2012

¹⁵ Jesusñataqmi nirqa: ¿Yaqachum casamientoman riq runakuna paykunawan novio kachkaptin llakisqa kanmanku? Ichaqa chayamunqam punchaw paykunamanta novio qechusqa kaptin ayunanankupaq.

Quechua Ayacucho Bible 1987

¹⁵ Chaymi Jesusñataq nirqa: —¿Yaqachum casamientoman riq runakuna llakikunmanku paykunawan novio kachkaptin? Novio paykunawan kanankamaqa manam ayunanmankuchu, hamuq punchawkunapim ichaqa novio chinkaruptin ayunanqaku.

Chuya Qellqa 1992

¹⁵ Jesusñataqmi nirqa: ¿Yaqachum casamientoman riq runakuna paykunawan novio kachkaptin llakisqa kanmanku? Ichaqa chayamunqam punchaw paykunamanta novio qechusqa kaptin ayunanankupaq.

Mateo 9:15 Iomraidhean Croise

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Mateo 9:14

Bautizaq Juanpa discipulonkunam asuykuspanku Jesusta tapurqaku: Fariseokunawan ñoqaykuqa llumpaytam ayunaniku, ¿imanasqataq discipuloykikunaqa mana ayunankuchu? nispanku.

Mateo 9:16

Manam pipas mawka pachata musoq latapawanqa remiendanmanchu, musoq latapaqa chintiruspanmi mawka pachata astawan llikirunman.

Marcos 2:19

Chaymi Jesusñataq nirqa: ¿Yaqachum casamientopi kaqkuna ayunanmanku paykunawan novio kach-kaptin? Chaypi novio kanankamaqa manam ayunanmankuchu.

Marcos 2:20

Chayamun-qam punchaw novio apasqa kananpaq, chay punchawpim ichaqa ayunanqaku.

Lucas 17:22

Discipulonkunatapas nirqataqmi: Chayamunqam punchaw runapa Churinpa hukkaqnin punchawninta rikuykuy munanaykichikpaq, ichaqa manam rikunkichikchu.

Lucas 5:34

Hinaptinmi Jesusñataq nirqa: ¿Yaqachu paykunawanraq novio kachkaptin casamientoman riq runakunata ayunachiwaqchik?

Lucas 5:35

Ichaqa chayamunqam punchaw paykunamanta novio qechusqa kananpaq, hinaptinmi ichaqa ayunanqaku, nispa.

Juan 16:6

Aswanraqmi qamkunaqa kay nisqaywan sinchi llakisqa kachkankichik.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Hechos 14:23

Sapa iglesiapim ancianokunata churarqaku, hinaspankum ayunowan chaynataq Diosta mañakuspanku iñisqanku Señorpa makinman churarqaku.

1~Corintios 7:5

Warmikichikwan otaq qosaykichikwan kaytaqa ama neganakuychikchu, negaspaqa neganakuychik as punchawkunallapaq iskaynikichik tanteanakuspa, chaynapi Diosta mañakunaykichikpaq tiempoykichik kananpaq, chaymantaqa kaqllayá kakuychik, yanqañataqmi mana aguantayta atiptikichik Satanás huchaman wichiykachisunkichikman.

2~Corintios 11:27

Llumpaytam llamkarqani, sasachakuyllapim karqani. Achka kutipim karqani: Yarqaymanta, yakumanta chaynataq mana puñusqa, mana mikusqa, chiripi hinaspa pachaymantapas ususqa.

Apocalipsis 19:9

Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

Apocalipsis 21:2

Rikurqanitaqmi Diospa musoq chuya Jerusalén llaqtantapas, chayqa hanaq pacha Diospa qayllanmantam uraykamuchkasqa, chay llaqtaqa novionwan casarakunanpaq sumaqllaña pachasqa novia hinam kachkasqa.