Mateo 8:8 - CHUYA QELLQA La Biblia en Quechua de Ayacucho 2012

⁸ Hinaptinmi capitanñataq nirqa: Señorlláy, ñoqaqa manam wasiyman yaykunaykipaq hinachu kallani, kaymanta kamaykachiptillaykim criadoyqa sanoyarunqa.

Quechua Ayacucho Bible 1987

⁸ Hinaptinmi capitanñataq nirqa: —Señorlláy, pipaman hinaraqtaq wasiymanqa yaykuykuwaq, rimariykuptillaykim sirvienteyqa allinyarunqa.

Chuya Qellqa 1992

⁸ Hinaptinmi capitanñataq nirqa: Señorlláy, ñoqaqa manam wasiyman yaykunaykipaq hinachu kallani, kaymanta kamaykachiptillaykim criadoyqa sanoyarunqa.

Mateo 8:8 Iomraidhean Croise

Génesis 32:10

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Números 20:8

Tawnata hapispa wawqeki Aaronwan runakunata huñuychik; hinaspa paykunapa qayllanpi yaku pawamunanpaq qaqata rimapayay, chaynapim qaqamanta lloqsimuq yakuta runakunapas chaynataq animalkunapas tomanqaku, nispa.

Mateo 3:11

Ñoqaqa huchaykichikmanta wanakuptikichikmi yakuwan bautizaykichik, qepay hamuqmi ichaqa Chuya Espirituwan chaynataq ninawan bautizasunkichik, payqa ñoqamantapas aswan atiyniyuqmi, ñoqaqa manam usutallantapas apaq hinachu kani.

Mateo 3:14

Juanñataqmi mana munaspan nirqa: ¿Ñoqata bautizawanayki kachkaptinchu qamraq bautizanaypaq hamuwanki? nispan.

Mateo 8:3

Hinaptinmi llapchaykuspan Jesús nirqa: Arí, sanoyanaykitam munani, nispa. Hinaptinmi chay lepra onqoynin chaylla chinkarurqa.

Mateo 8:7

Chaymi Jesús nirqa: Rirusaqyá sanoyarachimunaypaq, nispan.

Mateo 8:9

Ñoqapas kamachiqniyuqmi kani, soldadoykunapas kamachiptiyqa kasuwankum. Sichum hukninta “riy” niptiyqa rinmi, hukninta “hamuy” niptiyqa hamunmi, criadoyta imapas ruwananpaq kamachiptiyqa ruwanmi, nispan.

Lucas 15:19

Manañam churiymi niwanaykipaq hinañachu kani, hukkaqnin llamkapusuqnikita hinallañayá chaskiykullaway nispay”.

Lucas 15:21

Churinñataqmi nirqa: “Taytáy, Diospa contranpiwan qampa contraykipim huchallikuruni. Manañam churiymi niwanaykipaq hinañachu kallani”, nispa.

Lucas 5:8

Chayta Simón Pedro qawaykuspanmi Jesuspa ñawpaqninpi qonqorakuykuspan nirqa: Señor, ñoqamanta asurikuy, huchasapa runam kallani, nispan.

Juan 1:27

Paymi qepay hamuqqa. Paypataqa manam usutanpa watullantapas paskanaypaq hinachu kani, nispan.