Mateo 8:3 - CHUYA QELLQA La Biblia en Quechua de Ayacucho 2012

³ Hinaptinmi llapchaykuspan Jesús nirqa: Arí, sanoyanaykitam munani, nispa. Hinaptinmi chay lepra onqoynin chaylla chinkarurqa.

Quechua Ayacucho Bible 1987

³ Hinaptinmi Jesus llapchaykuspan nirqa: —Arí, munanim, allinyayña —nispa. Hinaptinmi chaypunilla chay lepra onqoynin chinkarurqa.

Chuya Qellqa 1992

³ Hinaptinmi llapchaykuspan Jesús nirqa: Arí, sanoyanaykitam munani, nispa. Hinaptinmi chay lepra onqoynin chaylla chinkarurqa.

Mateo 8:3 Iomraidhean Croise

Génesis 1:3

Diosmi nirqa: Achkiy kachun, nispa. Hinaptinmi achkiy karqa.

2~Reyes 5:11

Naamanñataqmi piñasqa kutikurqa kaynata nistin: Ñoqaqa nirqani: “Lloqsiykamuspanchiki yupaychasqan Tayta Diospa sutinta qayllaypi rimarinqa, hinaspachiki nanayniyta llapchaykuspan kay lepra onqoyniyta sanoyarachinqa”, nispaymi.

2~Reyes 5:14

Chaymi Naamanqa pasaspan profetapa kamachisqanman hina Jordán mayupi qanchis kutikama zambullikaramurqa, hinaptinmi aychan wawapa hina rikurirurqa, chaynapim sanoyarurqa.

Éxodo 4:7

Hinaptinmi Tayta Dios nirqa: Makikita huktawan oqllaynikiman hinay, nispa. Chaymi makinta oqllayninman hinaykuspa hurqoykuptin makinqa cuerpon hina sanoña kachkasqa.

Mateo 12:13

Hinaspam chay runata nirqa: Makikita haywariy, nispa. Haywariykuptinmi sanoyarurqa, hinaspam huknin makin hinaña rikurirurqa.

Marcos 1:41

Jesusñataqmi paymanta llakipayarikuspa makinta haywarispa llapchaykurqa, hinaspam kaynata nirqa: Arí, munanim, Sanoña kay, nispa.

Marcos 4:39

Jesusñataqmi hatarispan wayrata qaqcharqa, qochatañataqmi nirqa: ¡Hawkayay! nispan. Chaymi wayra samaruptin lliw hawkayarurqa.

Marcos 5:41

Hinaspanmi warmata makinmanta hapiykuspan nirqa: ¡Talita cumi! nispan. Chayqa: “Warma, qamtam niki, hatariy”, ninanmi.

Marcos 7:34

Hinaspanmi altoman qawarispan qaparirqa: ¡Efata! nispan. Chayqa ¡kicharikuy! ninanmi.

Marcos 9:25

Jesusñataqmi runakuna aswanraq huñunakamusqanta qawarispan chay mana allin espirituta qaqcharqa: Upayachikuq hinaspa mana rimachikuq espíritu, ñoqam kamachiki, kay warmamanta lloqsiy hinaspa amaña huktawanqa kutiykuyñachu, nispan.

Lucas 4:27

Profeta Eliseopa tiemponpi achkallaña leprawan onqoqkuna Israel nacionpi kachkaptinpas, manam paykunachu sanoyachisqaqa karqaku, aswanqa Siria nacionmanta kaq Naamanllam, nispa.

Lucas 5:13

Jesusñataqmi llapchaykuspan nirqa: Arí, munanim, sanoyayña, nispa. Hinaptinmi chaypunilla chay lepra onqoynin chinkarurqa.

Lucas 7:14

Hinaspam chakanaman asuykuspa llapchaykurqa, hinaptinmi llapa wantuqkunapas sayarurqaku, chaymi ayata Jesús nirqa: Yaw joven, qamtam niki, ¡hatariy! nispa.

Juan 11:43

Chaynata nispanmi hatunmanta qapa-rispan nirqa: ¡Lázaro, lloqsimuy! nispa.

Juan 15:24

Sichum paykuna ukupi mana pipapas ruwas-qanta mana ruwaptiyqa manam huchayuqchu kanmanku karqa, ichaqa chay ruwasqaykunata rikuchkaspankupas cheqniwankuraqmi, cheqninkutaqmi Taytaytapas.

Juan 5:21

Imaynam wañuqkunata Dios Tayta kawsarichispa kawsayta qon, chaynam Churipas pim munasqanman kawsayta qon.