Mateo 8:22 - CHUYA QELLQA La Biblia en Quechua de Ayacucho 2012

²² Jesusñataqmi nirqa: Wañusqakunaqa wañusqapura pampanakuchun, qamqa qatiway, nispan.

Quechua Ayacucho Bible 1987

²² Chaymi Jesusñataq nirqa: —Qatiwaypuni, Diospaq wañusqakunayá wañuqkunataqa pampachunku —nispa.

Chuya Qellqa 1992

²² Jesusñataqmi nirqa: Wañusqakunaqa wañusqapura pampanakuchun, qamqa qatiway, nispan.

Mateo 8:22 Iomraidhean Croise

1~Reyes 19:20

Chaymi Eliseoqa yapusqan yundata saqeruspan Eliaspa qepanta kallparqa, hayparuspanmi nirqa: Ama hina kaspayá saqeykuway tayta-mamayta muchaykuspa despedikaykamunaypaq, chaymantañam qatisqayki, nispa. Eliasñataqmi nirqa: Kutiyá, manam harkakuykichu, nispa.

Mateo 8:21

Huknin discipulonpas nirqataqmi: Señorlláy, Taytay pamparamunaypaqyá saqeykuway, nispan.

Mateo 9:9

Chaymanta pasaspanmi Mateota Jesús rikururqa, Romapaq impuesto cobrananpi tiyachkaqta, hinaspam nirqa: Qatiway, nispan. Hinaptinmi Mateoqa hatarispan paywan pasakurqa.

Marcos 2:14

Richkaspanmi Jesús rikururqa Alfeopa churin Leviyta, Romapaq impuesto cobrananpi tiyachkaqta. Paytam nirqa: Qatiway, nispa. Chaymi Leviyqa hatarispan Jesusta qatikurqa.

Lucas 15:24

Kay churiyqa wañusqañam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa. Chaymi kusikuyllawanña fiesta ruwayta qallaykurqaku.

Lucas 15:32

Chay-naqa, ¿imanasqataq kay wawqeki kuti-ramusqanmantaqa mana fiestata ruwaspa kusikuchwanchu? Kay wawqekiqa wañusqam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa.

Lucas 9:59

Huk runatapas nirqataqmi: Qatiway, nispa. Chaymi payñataq nirqa: Señorlláy, taytaytaraqyá pamparamusaq, nispan.

Lucas 9:60

Chaymi Jesusñataq nirqa: Wañuqkunataqa wañusqakunayá pampamuchun, qamyá ichaqa rispayki Diospa munaychakuyninmanta willakamuy, nispa.

Juan 1:43

Jesusmi paqarinnintinta Galilea lawman rinanpaq kachkaspa Felipewan tuparurqa, hinaspam nirqa: Qatiway, nispan.

Juan 21:19

Chaynata nispanmi Jesús entiendechirqa cruzpi wañuspa Pedroqa Diosta alabananmanta, paytam nirqa: Qatiway, nispa.

Juan 21:22

Chaymi Jesusñataq nirqa: Munaptiyqa payqa kawsanmanmi kutimunaykamapas, ¿imataq qamtaqa qokusunki? Qatiway, nispa.

Efesios 2:1

Huchaykichikrayku wañusqa hina kachkaptikichikmi Diosqa kawsarichisurqankichik.

Efesios 2:5

huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

Colosenses 2:13

Ñawpa vidaykichikpim huchaykichikwan hinaspa mana señalasqa kasqaykichikwan wañusqa hina karqankichik. Kunanmi ichaqa tukuy huchaykichikta pampachaykusunkichikña, hinaspam Diosqa kawsarirachisunkichikña Cristotawan kuskata.

1~Timoteo 5:6

Mana allinkunapi puriq viudam ichaqa wañusqa hinaña kachkan.