Mateo 7:6 - CHUYA QELLQA La Biblia en Quechua de Ayacucho 2012

⁶ Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchiku-namanqa qoychikchu, yanqam sarutyarunmanku.

Quechua Ayacucho Bible 1987

⁶ —Diospa kaqninkunataqa amam qonkichikchu allqokunaman, yanqam kutiriykuspa llikiparusunkichikman. *f**Perlaskunatapas amataqmi qonkichikchu kuchikunamanqa, yanqam sarutyarunman.

Chuya Qellqa 1992

⁶ Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchikunamanqa qoychikchu, yanqam sarutyarunmanku.

Mateo 7:6 Iomraidhean Croise

Proverbios 11:22

Kuchipa chuñunpi qorimanta anillo hinam mana yachayniyuq kuyayllapaq warmiqa.

Proverbios 23:9

Mana yachayniyuq runataqa ama rimapayaychu, payqa maynaña sumaq rimasqaykitapas asikuspam wischupakunqa. -10-

Proverbios 26:11

Imaynam allqo mikusqanta kutirachispan kaqllamanta mikurun, chaynam sonso runaqa mana tanteaspa ruwasqanta kaqllamanta ruwarun.

Proverbios 26:4

mana yachayniyuqtaqa ama kutipaychu, yanqam qampas mana yachayniyuqpaq hapisqa kawaq.

Mateo 15:26

Jesusñataqmi nirqa: Manam allinchu warmakunamanta tantanta qechuruspa allqokunaman wischuykuyqa, nispan.

Mateo 24:10

Chay tiempopiqa achka runakunam iñiyninkuta saqenqa-ku, hinaspam hukninkumanta huk-ninkukama cheqninakuspa traicionanakunqaku.

Mateo 7:5

¡Yaw, iskay uya! Puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.

2~Corintios 11:26

Achka kutitam illarqani hinaspam sinchi sasachakuypi karqani: Mayu aparuwananmanta, suwamanta, castaykuna hinaspa mana judío kaqkuna wañurachiwananmantapas. Chaynataq llaqtakunapipas, chunniqkunapipas, lamar qochapipas hinaspa wawqe-pani tukuqkunamantapas.

Filipenses 3:2

Cuidakuychikyá allqo hina kaw-saqkunamanta, mana allin obrerokunamanta hinaspa judío hina qari kayninpi señalakuqkunamanta.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Hebreos 6:6

huktawan huchaman wichiykuptinkuqa manañam pipas Diosman kutiykachiytaqa atinmankuñachu. Paykunaqa Diospa Churinta yapamanta chakataspankum penqayman churachkanku.

2~Pedro 2:22

Paykunapim cumplikurun hukkaqninpa kayna nisqan: “Allqom kutichisqanta kaqllamanta mikurun, bañasqa kuchiñataqmi huktawan mitupi qochparun”.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.