Mateo 6:9 - CHUYA QELLQA La Biblia en Quechua de Ayacucho 2012

⁹ Qamkunaqa kay-natayá mañakuychik: Hanaq pachapi kaq Taytayku, sutiki hatunchasqa kachun,

Quechua Ayacucho Bible 1987

⁹ Qamkunaqa kaynatayá mañakuychik: Hanaq pachapi Taytayku, sutiki yupaychasqa kachun,

Chuya Qellqa 1992

⁹ Qamkunaqa kaynatayá mañakuychik: Hanaq pachapi kaq Taytayku, sutiki hatunchasqa kachun,

Mateo 6:9 Iomraidhean Croise

2~Samuel 7:26

Sutikiyá wiñaypaq hatunchasqa kachun, hinaptinyá nichunku: “Israelpa Diosninqa Tukuy Atiyniyuq Tayta Diosmi” nispanku. Kay serviqniki Davidpa mirayninkunapas yanapakuynikiwanyá takyachunku.

1~Reyes 8:43

hanaq pachapi wasikimanta uyariykamuy, hinaspayá chay runapa mañakususqaykiman hina ruwaykuy, chaynapi kay pachapi llapallan runakuna sutikita reqsispanku Israel runaykikuna hina manchakusunaykipaq, chaynapim kay ruwachipusqay templopi sutiki hatunchasqa kasqanta yachanqaku.

1~Crónicas 17:24

Prometesqaykiyá ruwasqa kachun, chaynapi sutiki wiñaypaq hatunchasqa kaptin runakunapas “Tukuy Atiyniyuq Tayta Diosmi Israelpa Diosninqa” ninankupaq. Kay serviqniki Davidpa mirayninyá qampa yanapakuynikiwan takyachun.

2~Crónicas 20:6

qayakurqa: Ñawpaq taytaykupa yupaychasqan Dios taytallayku, qamqa hanaq pachapi Diosmi kanki, qamqa llapallan nacionkunapim munaychakunki. Atiypas kallpapas makikipim kachkan, manam pipas qanwanqa atipanakunmanchu.

Nehemías 9:5

Chay-mantam levitakunamanta Josueywan Cadmiel, Bani, Hasabnías, Serebías, Hodías, Seba-nías hinaspa Petaías, kaynata nirqaku: Hatarispa wiñaymanta wiñaykama yupaychasqanchik Tayta Diosta hatun-chaychik. Dios Taytallayku, tukuy imamantapas aswanqa sutikiyá hatunchasqa kachun.

Isaías 37:20

Kunanyá Dios Taytallayku, qamlla Dios kasqaykita kay pachapi llapallan nacionkuna reqsinankupaq rey Senaqueribpa makinmanta libraykuwayku, nispa.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 6:3

Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

Isaías 63:16

¡Qanmi taytayku kanki! Taytayku Abrahamña qonqawaptinkupas, taytayku Jacobña saqewaptinkupas, Dios Taytallayku qanmi Taytayku kanki, wiñaymanta wiñaykama libraqniykum kanki.

Isaías 64:8

Chaywanpas Diosllayku, qamqa Taytaykum kanki, ñoqaykuqa mitu hinam makikipi kaniku. Qamñataqmi sumaq allpa mankata hina ruwawankiku, llapallaykum qampa ruwasqayki kaniku.

Isaías 66:1

Tayta Diosmi kaynata nin: Hanaq pachaqa tiyanay tronoymi, kay pachañataqmi sarupakunay. ¿Maypitaq wasita ruwapuwankichikman? ¿Maypitaq samarinaypaq allichapuwankichikman?

Ezequiel 36:23

Llapa nacionkunapa chawpinpi penqayman churasqaykichik sutiytam paykuna qawasqanta chuyanchasaq. Chaynapim Tayta Dios kasqayta yachanqaku. Ñoqa Tayta Diosmi chaynata nini.

Ezequiel 38:23

Chaykunawanmi atiyniytawan chuya kayniyta achka nacionkunaman qawachisaq, hinaptinmi Tayta Dios kasqayta yachanqaku.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Habacuc 2:14

Imaynam lamar qochata yaku pampaykuy, chaynam Tayta Diospa atiyninta reqsiq runakunapas kay pachata huntaykunqa.

Zacarías 14:9

Tayta Diosmi kay pachapi munaychakunqa. Pay sapallanmi Dios kanqa, sutinpas sapallanpam reqsisqa kanqa.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Mateo 10:29

¿Manachum iskay urpichakunatapas as qollqellapaq rantikunku? Chaywanpas Dios Taytaykichik mana munaptinqa manam hukllanpas wichimunmanchu.

Mateo 23:9

Kay pachapiqa amataqyá pitapas “taytay” nispaqa sutichaychikchu, Taytaykichikqa chullallam, payqa hanaq pachapim kachkan.

Mateo 26:29

Kunanmantaqa manañam uvaspa rurunmanta tomasaqñachu, maypacham Taytaypa munaychakuyninpi qamkunawan kuska musoq vinota tomanaykama, nispa.

Mateo 26:42

Huktawan kutispanmi kaynata mañakurqa: Taytalláy, sichum ñakarinay kaptinqa, qampa munasqaykiyá ruwasqa kachun, nispa.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Mateo 6:14

Runamasikichikpa pantasusqaykichikta pampachaptikichikqa hanaq pachapi Taytaykichikpas pampacha-sunkichikmi.

Mateo 6:6

Qamyá ichaqa, mañakunaykipaqqa cuartoykiman yaykuy hinaspa punkuta wichqaykuspa mana pipapas rikusqallanta Dios Taytaykita mañakuy, chaynapim pakasqallapi ruwasqaykita rikuq Taytayki premioykita qosunki.

Mateo 7:11

Sichum qamkunapas mana allin runakuna kachkaspa allin kaqkunata churikichikman qochkaptikichikqa, ¿manachum hanaq pachapi Taytaykichikqa haykam mañakuqninkunamanqa allin kaqkunata qoykusunkichikman?

Lucas 15:18

Chaynaqa, kutispayá taytayta nimusaq: Taytáy, Diospa contranpiwan qampa contraykipim huchallikuruni.

Lucas 15:21

Churinñataqmi nirqa: “Taytáy, Diospa contranpiwan qampa contraykipim huchallikuruni. Manañam churiymi niwanaykipaq hinañachu kallani”, nispa.

Lucas 2:14

¡Diosyá hanaq pachapi yupaychasqa kachun! ¡Kay pachapipas Diospa kuyasqan runakunapaqyá hawkayay kachun! nispanku.

Juan 20:17

Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

Romanos 8:15

Qam-kunaqa manam esclavo kanaykichikpaq espiritutachu chaskirqankichik huktawan manchakuypi kanaykichikpaqqa, aswanqa Diospa churinña kanaykichikpaq Espiritutam chaskirqankichik, chayraykum Diostapas: “Abba Padre” nispa ninchik.

Gálatas 1:1

Ñoqa Pablom apóstol kani, apóstol kayniyqa manam runapa akllawasqanman hinachu, aswanqa kikin Jesucristom hinaspa Dios Taytam akllawarqa, paymi Jesucristota wañusqanmanta kawsarichimurqa.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.

Apocalipsis 5:12

Paykunam qaparispa nirqaku: “Sacrificasqa kaq Corderollam, munaychakuyta, apu kayta, yachayta, kallpata, hatunchasqa kayta, qapaqchasqa kayta, chaynataq yupaychasqa kayta chaskinanpaq hinaqa”, nispanku.