Mateo 6:33 - CHUYA QELLQA La Biblia en Quechua de Ayacucho 2012

³³ Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Quechua Ayacucho Bible 1987

³³ Puntataqa maskaychik Diospa munaychakusqantawan paypa munasqan allin ruraytayá hinaptinqa qosunkichikmi tukuy ima pisipusuqnikichikta.

Chuya Qellqa 1992

³³ Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Mateo 6:33 Iomraidhean Croise

1~Reyes 17:13

Eliasñataqmi nirqa: Ama manchakuychu, rispaykiyá nisqaykiman hina ruwaramuy, ichaqa ñoqapaqraqmi puntataqa tortillata ruwamunki, chayta aparamuwaspaykiñam qampaqwan wawaykipaqpas ruwamunki.

Proverbios 10:3

Tayta Diosqa allin ruwaq runataqa manam yarqaypi kanantaqa saqenqachu, mana allin ruwaq runatam ichaqa yarqaymanta ñakarichinqa.

Proverbios 28:10

Allin kawsakuq runakunata mana allin ñanman tanqaqkunaqa trampa churasqankumanmi wichinqaku, allin kawsakuq runakunam ichaqa allin kaqta chaskinqaku.

Proverbios 8:18

Apuyaywan reqsisqa kaypas, kapuqniyuq kaywan allin ruwaypas, ñoqawanmi kachkan.

Eclesiastés 10:2

Yachayniyuq runapa sonqonqa allin kaqkunallapim yuyaymanan, mana yachayniyuq runapa sonqonmi ichaqa mana allin kaqkunallapi yuyaymanan.

Isaías 26:9

Tutakunapas qamllapim yuyaymanani, kawsanaykamaqa tuta punchawmi maskasqayki. Allinta ruwaspa munaychakuptikim kay pachapi yachaqkunaqa allin ruwayta yachanqaku.

Isaías 33:6

Paymi allin kawsakuy qosuqnikiqa, paytaqmi yachaytawan yuyayniyuq kaytapas salvakunaykipaq qosunki; Tayta Diosta manchakuynikim ancha kapuqniyuq kaynikiqa.

Isaías 45:24

Ñoqamantam ninqaku: “Cheqaptapunipas Tayta Diosllapim tarikun munaychakuypas kallpanchakuypas”, nispanku. Llapallan cheqniqniy runakunam ñoqaman hamunqaku, hinaspam penqaypi tarikunqaku.

Jeremías 23:6

Paypa munaychakusqan punchawkunapim Judá nación salvasqa kanqa, Israel nacionpas hawkam kawsakunqa. Kaynataraqmi sutichanqakupas: “Tayta Diosmi salvaqninchikqa” nispanku.

Mateo 19:28

Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Mateo 3:2

Huchaykichikmanta wanakuychik, Diospa munaychakuyninmi hichparamunña, nispan.

Mateo 4:17

Chaymantapacham Jesusqa kayna willakuyta qallarirqa: ¡Huchaykichikmanta wanakuychik, Diospa munaychakuyninmi hichparamunña! nispan.

Mateo 5:6

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Lucas 1:6

Paykunaqa warmi-qarim Diospa qayllanpi allin ruwaq runakuna karqaku. Diospa kamachikuyninkunatapas lliwtam kasukuqku.

Lucas 12:31

Qamkunaqa Diospa munaychakuynintayá maskaychik, hinaptinqa ima pisisusqaykichiktapas qosunkichikmi.

Juan 5:4

Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq].

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Hechos 20:25

Qamkunamanmi Diospa munaychakuyninmanta yachachirqaykichik, kunanmi ichaqa yachakuni, manañam huktawanqa rikuwankichikñachu.

Hechos 28:31

Mana manchakuspanmi Diospa munaychakuyninmanta willakuq, pipapas mana harkakusqanmi Señor Jesucristomanta yachachiq.

Romanos 1:17

Kay allin noticiam reqsichiwanchik, imaynam mana huchayuqpaqña Diospa chaskiwasqanchikta, chayqa Diospi hapipakuspa iñikuptillanchikmi. Chuya Qellqapim kaynata nin: “Allin ruwaq runaqa iñikuspallam kawsanqa”, nispa.

Romanos 10:3

Paykunaqa manataqmi yachan-kuchu imaynanpim runakunata mana huchayuqpaqña Dios chaskisqantapas, hinaspam kikinkupa ruwasqallanwan Diospa chaskisqan kayta munaspanku Diospa munasqanta mana kasukurqakuchu.

Romanos 14:17

Diospa munaychakuyninqa manam mikukuyllachu nitaq upyakuyllachu, aswanqa Chuya Espiritupa yanapakuyninwan allinta ruwaspa hawkalla kusisqa kawsakuymi.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 3:22

Pablopas, Apolospas, Pedropas, kay pachapas, kawsakuypas, wañuypas, kunan kaqpas, hamuq kaqpas, llapallanmi qamkunapa.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.

2~Tesalonicenses 1:5

Kayqa qawachiwanchik Diospa juicionqa justo kasqantam, qamkunaqa Diospa munay-chakusqanpaqñam kankichik, chayraykum ñakarichkankichikpas.

1~Timoteo 4:8

Cuerponchikwan ejercicio ruwayqa asllatam yanapawanchik, Diospa munasqan kaqkuna ruwaymi ichaqa lliwpi allinpaq yanapawanchik, kayqa kunan kawsaypipas hinaspa hamuq kawsaypipas allinninchikpaqmi.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

2~Pedro 1:11

Chaynapim Diosninchikqa hatun kuyakuywan chaskisunkichik Salvakuq Señorninchik Jesucristopa wiña-wiñaypaq munaychakuyninpi.