Mateo 6:25 - CHUYA QELLQA La Biblia en Quechua de Ayacucho 2012

²⁵ Chaynaqa, nikichikmi: Amayá mikunaykichikmanta, tomanaykichikmanta hinaspa pachakunaykichikmantaqa llakikuychikchu. Mikuymantapas aswanqa vidaykichikmi valen, pachamantapas aswanqa cuerpoykichikmi valen.

Quechua Ayacucho Bible 1987

²⁵ —Chaynaqa ñoqam nikichik, amayá afanakuychikchu mikunaykichikmantaqa, tomanaykichikmantaqa hinaspa pachakunaykichikmantaqa. Mikuymantapas astawanqa valen vidaykichikmi, cuerpoykichiktaqmi pachamantapas astawanqa valen.

Chuya Qellqa 1992

²⁵ Chaynaqa, nikichikmi: Amayá mikunaykichikmanta, tomanaykichikmanta hinaspa pachakunaykichikmantaqa llakikuychikchu. Mikuymantapas aswanqa vidaykichikmi valen, pachamantapas aswanqa cuerpoykichikmi valen.

Mateo 6:25 Iomraidhean Croise

Jeremías 45:5

¿Chaychu qamñataq admirakuypaq kaqkunataraq maskachkanki? Ama maskayñachu. Llapallan runakunamanmi sasachakuykunata kacharimusaq. Qanmi ichaqa maymanña rispaykipas kawsankiraq. Ñoqa tayta Diosmi chaynata nini.

Mateo 10:19

Kamachikuqkunaman apasuptikichikqa amam llakikunkichikchu imaynam otaq imatam rimanaykichikmantaqa, Diosmi imam rimanaykichiktapas yachachisunkichik.

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Mateo 6:31

Hinaptinqa amayá “imataraq mikusun, imataraq tomasun, imawanraq pachakusun” nispaykichikqa llakikuychikchu.

Mateo 6:34

Amayá hamuq punchawmantaqa llakikuychikchu, hamuq punchawkunapas sasachakuytaqa apamunqapunim. Punchawkunaqa sapakamam sasachakuyniyuq.

Marcos 13:11

Autoridadkunaman apasuptikichikqa amam llakikunkichikchu imam rimanaykichikmantaqa, aswanqa Diosmi yachachisunkichik chay ratopi imam rimanaykichiktaqa, manam kikillaykichikmantachu rimankichikqa. Chuya Espiritum yachachisunkichik imam rimanaykichikta.

Marcos 4:19

ichaqa kay pachapi kaqkunamanta preocupakuykunam, qori-qollqella maskaykunam hinaspa tukuy ima munapayaykunam paymanta munaychakuruspan Diospa palabranta chinkarachin, chaynapi mana rurunankupaq.

Lucas 12:11

Sinagogakunaman, juzgadokunaman hinaspa llaqta kamachiqkunaman apasqa kaspaykichikqa, amam llakikunkichikchu imam otaq imaynam rimanaykichikmantaqa.

Lucas 8:14

Kichkakunaman wichiqñataqmi haykam uyariqkuna, paykunaqa allimantam kay pachapi afanakuykunawan, qori-qollqe maskaywan hinaspa aycha kusichiykunawan pamparachikunku, chaynapim mana rurunkuchu.

Romanos 8:32

Sichum Diosqa kikinpa Churintapunipas rantinchikpi wañunanpaq qowachkaspanchikqa, ¿manachum Churintawan kuskata tukuy imatapas mana imallapaq qowasunchik?

1~Corintios 7:32

Manam munaymanchu llakisqa kanaykichikta. Soltero qariqa Señorpa kaqninkunallapim ocupakun, paypa munasqanta ruwananpaq.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

2~Timoteo 2:4

Serviciopi kaq Soldadoqa manam sapaq ruwaymanqa chapukunchu, aswanqa kamachiqnintam kasukun.

1~Pedro 5:7

Tukuy llakikichiktayá Diosman saqeychik, paymi qamkunamanta nanachikuqqa.