Mateo 6:24 - CHUYA QELLQA La Biblia en Quechua de Ayacucho 2012

²⁴ Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Quechua Ayacucho Bible 1987

²⁴ —Manam pipas servinmanchu iskay patrontaqa, huknintach cheqninman, huknintañataqcha kuyanman, hukninman ratakuruspachá huknintañataq desprecianman. Manam seviwaqchikchu Diostawan qollqetaqa.

Chuya Qellqa 1992

²⁴ Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspanchá huknintañataq wischupakunman. Manam Diostawan qori-qollqetaqa serviwaqchikchu.

Mateo 6:24 Iomraidhean Croise

Génesis 47:17

Chay watapim llapa Egipto runakunaqa caballokunata, ovejakunata, vacakunata, asnokunata Joseyman apamurqaku, hinaspam kawsaywan truecarqaku.

1~Reyes 18:21

Eliasmi llapa runakunaman asuykuspan nirqa: ¿Haykapikamataq iskayrayaspa kankichik? Sichum Tayta Dios cheqap Dios kaptinqa paytayá qatiychik, sichum Baal dios kaptinqa paytañayá qatiychik, nispa. Hinaptinmi runakunaqa mana imatapas rimarirqakuchu.

2~Reyes 17:41

Asiria nación reypa pusachimusqan runakunaqa Tayta Diosta yupaychachkaspapas, kikinkupa idolonkutapas servirqakum. Churinkupas, willkankupas, ñawpaq taytankunapa ruwasqanta hinallam kunankamapas ruwachkanku.

Ezequiel 20:39

Chaynaqa, Israelpa mirayninkuna, ñoqa Tayta Diosmi kaynata nikichik: Mana kasuwayta munaspaykichikqa idoloykichikkunata sapakama yupaychamuychik. Amaña chuya sutiyta sarutyaychikchu ofrendaykichikkunawan hinaspa millakuypaq idoloykichikkunawan.

Sofonías 1:5

Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Lucas 16:11

Sichum mana allinkunamanta chaskisqaykichik qori-qollqeta mana allinta nanachikuptikichikqa, ¿pitaq cheqap kaqtaqa confiasunkichikman?

Lucas 16:13

Manam pipas iskay patrontaqa servinmanchu, hukninta kuyaruspachá huknintañataq cheqnirunman, hukninman ratakuruspachá huknintañataq qepancharunman. Manam Diostawan qollqetaqa serviwaqchikchu, nispa.

Lucas 16:9

Chaynaqa, nikichikmi: Mana allinkunamanta chaskisqaykichik qori-qollqewanqa amistadkunatayá armaychik, chaynapi qollqekichik manaña kaptinpas hanaq pachapi chaskisunaykichikpaq.

Gálatas 1:10

Kaynata nispayqa, ¿runakunapa allinpaq hapisqan kaytachu maskani, icha Diospa allinpaq hapiwanantachu? Sichum runakunapa allin hapiwanallanta munayman, hinaspayqa manañam Jesucristopa serviqninñachu kayman.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

2~Timoteo 4:10

Demaspas kay pachapi kaqkunallata kuyaruspanmi saqeruwan, hinaspam Tesalónica llaqtaman ripukun. Crescentem Galacia lawman pasan, Titoñataqmi Dalmacia lawman pasan.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.