Mateo 6:2 - CHUYA QELLQA La Biblia en Quechua de Ayacucho 2012

² Wakchaku-nata yanapaspaykiqa amayá pimanpas willakachakuychu, iskay uyakunallam sinagogakunapi hinaspa callekunapi chaynataqa ruwanku runakunapa alabasqan kanankupaq. Cheqaptapunim nikichik: Paykunapaqqa ñam pre-mionku kachkanña.

Quechua Ayacucho Bible 1987

² Wakchakunata yanapaspaykiqa amayá corneta tocachkaq hinaqa willakachakuychu llapa runakunamanqa, iskay uyakunallam chaynataqa ruranku *f**huñunakuna wasikunapipas chaynataq callekunapipas, chaynataqa ruranku runakunapa alabasqan kanankupaqmi, cheqaptapunim nikichik: Chaywanqa ñam chaskirunkuña premionkuta.

Chuya Qellqa 1992

² Wakchakunata yanapaspaykiqa amayá pimanpas willakachakuychu, iskay uyakunallam sinagogakunapi hinaspa callekunapi chaynataqa ruwanku runakunapa alabasqan kanankupaq. Cheqaptapunim nikichik: Paykunapaqqa ñam premionku kachkanña.

Mateo 6:2 Iomraidhean Croise

Proverbios 19:17

Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Proverbios 20:6

Achkaqmi kuyapayakuq kasqankumanta alabakunku, chaywanpas confiakunapaq hina runataqa, ¿pitaqsi tarinman?

Eclesiastés 11:2

Qanchisman otaq pusaqman kapuqnikikunata aypuy, manam yachankichu ima sasachakuymi llaqtaman hamunantapas.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 58:7

yarqasqa runata mikuykachiymi, mana wasiyuqta wasikipi samaykachiymi, mana pachayuqta pachaykachiymi, runamasikita tukuy imapi yanapaykuymi.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Oseas 8:1

Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Mateo 15:7

¡Iskay uya runakuna! Allintam profeta Isaiasqa qamkunamanta kaynata nirqa:

Mateo 16:3

Pacha achikyaytañataqmi puyutawan antaqata rikuspa ninkichik: “Wayra-param kanqa”, nispaykichik. ¡Iskay uyakuna! Qamkunaqa cielopi kaqkunata qawaspam imaynam tiempo kananta yachankichik; chaynaqa, ¿imanasqataq kunan tiempokunapi imakunam pasakusqanmantaqa mana kaqpaqpas hapinkichikchu?

Mateo 22:18

Jesusñataqmi mana allin piensasqankuta yachaspan nirqa: ¡Iskay uyakuna! ¿Imanasqataq pan-tachiwaypi richkankichik?

Mateo 23:5

Imatapas ruwanku runakuna qawanallanpaqmi. Qellqapi kaqkunatam as-asta qellqaruspa cajachakunaman churaruspa urkunkuman hinaspa makinkuman watakuyta gustanku, pachankupa patankunapipas hatun pomponkunataraqmi warkurunku.

Mateo 23:6

Convidokunapipas hinaspa sinagogakunapipas puntallapi tiyaytaraqmi munanku.

Mateo 24:51

sinchita castigarunqa, hinaspam iskay uyakunatawan kuskata sentencianqa, chaypiqa waqakuywan kiru kirichichiyllañam kanqa, nispa.

Mateo 5:18

Cheqaptapunim nikichik, hanaq pachawan kay pacha kanankamaqa, manam leypaqa huk letrallanpas nitaq huk puntollanpas qechusqachu kanqa lliw cumplikunankama.

Mateo 6:16

Ayunaspaykichikqa amayá iskay uyakuna hina llaki uyantinqa kaychikchu, paykunaqa chaynata ruwanku ayunasqankuta runakunawan qawachikunanpaqmi. Cheqaptapunim nikichik, paykunapaqa ñam pagonku kachkanña.

Mateo 6:3

Wakchakuna yanapasqaykitaqa amayá pipas yacha-chunchu.

Mateo 6:5

Mañakuspaykichikqa amayá iskay uyakuna hinachu kaychik, paykunaqa sinagogakunapi hinaspa callepa esquinankunapi sayaykuspa mañakuytam kuyanku, chaynataqa ruwanku runakuna qawananpaqmi. Cheqaptapunim nikichik: Paykunapaqqa ñam premionku kachkanña.

Mateo 7:5

¡Yaw, iskay uya! Puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.

Marcos 12:39

Sinagoga-kunapipas chaynataq convidokunapipas ñawpaqllapi tiyaytaraqmi munankupas.

Marcos 7:6

Chaymi Jesusñataq nirqa: ¡Iskay uyakuna! Allintam profeta Isaías qamkunamanta qellqarqa: “Kay llaqtaqa simillamantam yupaychawan, sonqonmi ichaqa ñoqamanta karupi kachkan.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Lucas 11:43

¡Ay, imaynaraq kankichik! Llapa fariseokuna qamkunaqa sinagogakunapipas ñawpaqllapi tiyaytaraqmi munankichik, plazakunapipas hatun respetowan rimaykusunaykichiktam munankichik.

Lucas 12:33

Kapuqnikichikta rantikuspayá mana imayuqkunaman qoychik. Chaynata ruwaspaqa hanaq pachapi mana mawkayaq wayqamanmi mana tukuq kapuqnikichikta huntachichkankichik. Chaymanqa manam suwapas chayanchu, chaypiqa manataqmi puyupas tukunchu.

Lucas 12:56

¡Iskay uyakuna! Qamkunaqa cielopi chaynataq kay pachapi kaqkunata qawaspam imaynam tiempo kananta yachankichik; chaynaqa, ¿imanasqataq kunan tiempo-kunapi imakunam pasakusqanmantaqa mana yachankichikchu?

Lucas 13:15

Señorñataqmi nirqa: ¡Yaw, llapa iskay uyakuna! ¿Manachum qamkunapas toroykichikta otaq asnoykichikta samana punchawpi paskaspa yaku tomachiq pusankichik?

Lucas 20:46

Diospa leynin yachachiqkunamanta cuidakuychik, paykunaqa qoysu pachawan puriytam gustanku, plazakunapipas respetollawanña rimaykunatam munanku, sinagogakunapipas hinaspa convidokunapipas ñawpaqllapi tiyaytam munanku.

Lucas 6:24

¡Ay, imaynaraq kankichik llapa apukuna! Qamkunaqa ñam kusikurunkichikña.

Lucas 6:42

Ñawikipi kaspi kachkaptinqa, ¿imaynataq wawqekita niwaq: “Ñawikipi qopata hurqorusqayki” nispaqa? ¡Yaw, iskay uya! puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.

Juan 13:29

Qollqeta Judas waqay-chasqanraykum wakiqnin piensarqaku Jesusqa: “Rantipakaramuy fiestapaq imapas munasqanchikta otaq imallatapas wakchakunaman qomuy”, nispa nisqanta.

Juan 5:41

Runakunapa hatunchasqan kaytaqa manam munanichu.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Juan 7:18

Pipas kikillanmanta rimaqqa kikin alabasqa kayllatam maskan, pipas kachamuqnin alabasqa kananta maskaqmi ichaqa cheqapta riman, paypiqa manam pantayqa kanchu.

Hechos 10:2

Cornelioqa wasinpi llapallan kaqkunapiwanmi Diosta kasukuspa serviqku, wakcha judiokunatapas achka qollqewanmi yanapaq, hinaspanmi Diosta tukuy tiempo mañakuq.

Hechos 10:31

Hinaspam niwarqa: “Cornelio, mañakusqaykikunatawan wakchakuna yanapasqaykitam Dios chaskiykun.

Hechos 10:4

Chaymi Cornelioqa angelta rikuykuspan llumpay mancharisqallaña tapurqa: ¿Imata Señor? nispa. Hinaptinmi chay ángel nirqa: Mañakusqaykitawan wakchakuna yanapasqaykitam Dios chaskiykun.

Hechos 11:29

Hi-naptinmi Antioquía llaqtapi iñiqkuna rimanakurqaku Judea lawpi iñiqkunaman atisqankuman hina yanapakuyta apachinankupaq.

Hechos 24:17

Unay watakunamantañam nacionniyman kutirqani wakcha judiokuna yanapanaypaq qollqeta apaspay chaynataq Diosmanpas ofrendaykunata qonaypaq.

Hechos 9:36

Jope llaqtapim yacharqa Jesucristopi iñikuq Tabita sutiyuq warmi, paypa sutinmi griego rimaypi karqa Dorcas. Paymi allinkunata ruwaspan wakchakunata yanapaq.

Romanos 12:8

Kallpanchanapaq qowaptinchikqa, kallpanchasunyá, imallapas qokuykuq kayta qowaptinchikqa, qokuykuqyá kasun, kamachikuq kanapaq qowaptinchikqa, llampu sonqowanyá kamachikusun, llakipayakuq kayta qowaptinchikqa kusikuywanyá yanapaykusun.

1~Corintios 13:3

Sichum tukuy kapuqniykunata wakchakunaman aypuruyman, cuerpoytapas kañasqa kananpaq entregayman, ichaqa mana kuyakuyniy kaptiyqa manam imapaqpas servinchu.

Gálatas 2:10

Kunawarqakutaqmi wakchakunata mana qonqarunaykupaqpas, chaytaqa tukuy sonqoywanmi ruwachkani.

Efesios 4:28

Pipas suwakuqqa amañayá suwakuchunchu, aswanqa imatapas allinta ruwaspayá llamkachun, chaynapi mana imayuqkunata imallawanpas yanapaykunanpaq.

1~Tesalonicenses 2:6

Manataqmi maskarqanikupas runakunapa alabasqan kaytachu nitaq qamkunapa otaq wakin runakunapa alabasqan kaytachu.

1~Timoteo 6:18

Allin kaqkuna ruwanankupaq kamachiy, allinkuna ruwayninyá apu kayninkuqa kachun, kuyakuywan imallankupas qokuykuqyá kachunku.

Filemón 1:7

kuyakuyniyuq kasqaykiwanmi llumpay kusisqa hinaspa kallpanchasqa kachkani. Wawqelláy, qanmi iñiqmasinchikkunapa sonqonta kusikuywan kallpanchaykurqanki.

Hebreos 13:16

Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

1~Samuel 15:30

Saulñataqmi nirqa: Huchallikurunim ñoqaqa, ichaqa ama hina kaspaykiyá Israelpi ancianonkunapa qayllanpi, Israel runakunapa ñawpaqninpi reyta hinaraq hatunchaykuway. Chaynaqa, ñoqawanyá kutirisun Tayta Diosnikita yupaychamunaypaq, nispa.