Mateo 6:19 - CHUYA QELLQA La Biblia en Quechua de Ayacucho 2012

¹⁹ Kay pachapiqa amayá qori-qollqellataqa huñukuychikchu, chaykunaqa puyurachikuq, ismuruq hinaspa suwapa aparunallanmi.

Quechua Ayacucho Bible 1987

¹⁹ —Kay pachapiqa amayá qori-qollqetaqa huñukuychikchu, chaykunaqa puyurachikuqllam hinaspa ismuruqllam, suwapapas wasita yaykuruspa suwarunallanmi.

Chuya Qellqa 1992

¹⁹ Kay pachapiqa amayá qori-qollqellataqa huñukuychikchu, chaykunaqa puyurachikuq, ismuruq hinaspa suwapa aparunallanmi.

Mateo 6:19 Iomraidhean Croise

Jobwan Sutichasqa Libro 24:16

Suwakunaqa tutallam wasiman yaykunku, punchawqa lliwmi pakakurunku, paykunaqa achkitapas cheqninkum.

Jobwan Sutichasqa Libro 31:24

Manam haykapipas qorimanqa hapipakurqanichu, manataqmi qoritaqa “qanmi hapipakunayqa kanki” nirqanichu.

Éxodo 22:2

Sichum huk suwata, suwakuchkaqta tariruspa pipas maqachkaspalla wañurachiptinqa, chay maqaqnin runaqa mana huchayuqmi kanqa.

Proverbios 11:4

Juicio punchawpiqa qori-qollqepas manam imapaqpas valenqachu; allin kawsakuymi ichaqa runata wañuymanta libranqa.

Proverbios 16:16

Qorimantapas aswan allinqa yachayta tariymi, qollqemantapas aswan allinqa yachayniyuq kaymi.

Eclesiastés 2:26

Kuyasqan runamanqa Diosmi qon yachayta, yuyayniyuq kayta hinaspa kusikuyta. Huchasapa runamanñataqmi qon llamkaspa tukuy ima montosqanta Diospa kuyasqan runaman saqenanpaq. ¡Chaypas yanqapaqmi hinaspa runata ñakarichiqllam!

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Mateo 19:21

Chaymi Jesusñataq nirqa: Mana pantaq runa kayta munaspaykiqa, tukuy imaykita rantikamuspa chay qollqeta wakchakunaman qomuy, chaynapim hanaq pachapi kapuqniyuq kanki hinaspa qatiway, nispa.

Mateo 6:20

Hanaq pachapiyá qori-qollqetaqa huñukuychik. Chaypiqa manam puyupas tukunqachu nitaqmi ismunqachu, suwapas manam apanqachu.

Lucas 12:21

Chaynam kanqa kikillanpaq imapas maskaq runaqa, Diospa qayllanpiqa pasaypaq mana imayuqmi kachkan, nispa.

Lucas 12:33

Kapuqnikichikta rantikuspayá mana imayuqkunaman qoychik. Chaynata ruwaspaqa hanaq pachapi mana mawkayaq wayqamanmi mana tukuq kapuqnikichikta huntachichkankichik. Chaymanqa manam suwapas chayanchu, chaypiqa manataqmi puyupas tukunchu.

Lucas 12:39

Chaynaqa, kaytayá yachaychik, sichum wasiyuq yachanman imay horatam suwa hamunanta, hinaspaqa manachá suwachikunmanchu.

Lucas 18:22

Chayta uyarispanmi Jesusñataq nirqa: Chaywanpas kayraqmi ruwanayki kachkan, rispayki tukuy kapuqnikita rantikaramuy hinaspa chay qollqeta wakchakunaman qoykamuy, chaynapim hanaq pachapi kapuqniyuq kanki, hinaspayá qatiway, nispa.

Lucas 18:24

Jesusñataqmi ancha llakisqata qawarispan nirqa: ¡Mayna sasatam apukunaqa Diospa munaychakuyninman yaykunqa!

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.