Mateo 6:1 - CHUYA QELLQA La Biblia en Quechua de Ayacucho 2012

¹ Amayá runa qawanallanpaqchu allin kaqkunataqa ruwaychik, chay-nata ruwaptikichikqa hanaq pacha-pi Taytaykichikpas manam ima pre-miotapas qosunkichikchu.

Quechua Ayacucho Bible 1987

¹ —Amayá allintaqa ruraychik runa qawanallanpaqchu, chayna kaptinqa hanaq pachapi Taytaykichikqa manam premiota qosunkichikchu.

Chuya Qellqa 1992

¹ Amayá runa qawanallanpaqchu allin kaqkunataqa ruwaychik, chaynata ruwaptikichikqa hanaq pachapi Taytaykichikpas manam ima premiotapas qosunkichikchu.

Mateo 6:1 Iomraidhean Croise

2~Reyes 10:16

hinaspam nirqa: Ñoqawan hakuchik, Tayta Diospaq tukuy ima ruwasqayta qawamuy, nispa. Chaymi carretanpi pasachirqa.

2~Reyes 10:31

Jehumi ichaqa mana tukuy sonqonwanchu Israelpa yupaychasqan Tayta Diospa kamachikuyninkunata kasukurqa. Israel nacionta huchallichiq Jeroboampa huchankunatapas Jehuqa manam saqerqachu.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Zacarías 13:4

Chay tiempopiqa profetakunapas llullata willakusqankumantam penqakunqaku. Manañam pipas profetapa qaramanta capanwan churakuykuspaqa runamasinta engañanqañachu.

Zacarías 7:5

Kay nacionpi llapallan runakunata hinaspa sacerdotekunata kaynata nimuy: Kay qanchis chunka watantin, pichqa kaq killapi chaynataq qanchis kaq killapi waqaspa ayunaspaykichik, ¿ñoqapaqchu ayunarqankichik?

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 16:6

Chaymi Jesús nirqa: Fariseokunapa hinaspa saduceokunapa levadurankumanta cuidakuychik, nispa.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Mateo 23:5

Imatapas ruwanku runakuna qawanallanpaqmi. Qellqapi kaqkunatam as-asta qellqaruspa cajachakunaman churaruspa urkunkuman hinaspa makinkuman watakuyta gustanku, pachankupa patankunapipas hatun pomponkunataraqmi warkurunku.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Mateo 5:46

Sichum kuyaqllaykichikta kuyaspaqa, ¿ima premiotataq chaskiwaqchik? Romapaq impuesto cobraqkunapas chaynataqa ruwankum.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Mateo 6:16

Ayunaspaykichikqa amayá iskay uyakuna hina llaki uyantinqa kaychikchu, paykunaqa chaynata ruwanku ayunasqankuta runakunawan qawachikunanpaqmi. Cheqaptapunim nikichik, paykunapaqa ñam pagonku kachkanña.

Mateo 6:9

Qamkunaqa kay-natayá mañakuychik: Hanaq pachapi kaq Taytayku, sutiki hatunchasqa kachun,

Marcos 8:15

Jesusmi discipulonkunata nirqa: Fariseokunapa hinaspa Herodespa levaduranmantayá waqaychakuychik, nispa.

Lucas 11:35

Chaynaqa, cuidakuyá, qampi achkiy ama tutayarunanpaq.

Lucas 12:1

Waranqantin-waranqantin runakunam tanqanakustin Jesuspa kasqanman huñunakaramurqaku. Hinaptinmi Jesusqa discipulonkunamanta qallaykuspan nirqa: Fariseokunapa levaduranmanta cuidakuychik, paykunaqa iskay uyakunam.

Lucas 12:15

Nirqataqmi: Qollqella kuyaymanta cuidakuychik. Runaqa manam tukuy imayuq karuspachu allinta kawsanqa, nispa.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Juan 12:43

Chay kamachikuq judiokunaqa runakunapa alabasqan kaytam munarqaku, manam Diospa hatunchasqan kaytachu.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Hechos 3:12

Pedroñataqmi hamusqankuta qawarispan nirqa: Israelpa mirayninkuna, ¿imanasqataq admirasqallaña kachkankichik? ¿Imanasqataq ñoqaykuta qawarayawachkankiku? Manam kikillaykumantachu, nitaqmi atiyniykuwanchu kay runataqa purirachiniku.

Gálatas 6:12

Sichum pipas señalachi-kuychik nisuspaykichikqa, runakunawan allin lloqsiyta munaspam obligasuchkankichik, chaynapi Jesucristoqa cruzpi wañusqanmanta willakuspa mana qatikachasqa kanankupaqmi.

Deuteronomio 24:13

Inti seqaykuyllatam kutiykachipunki, chaynapi puñuq yaykuspa chaywan qatakunanpaq. Hinaptinqa qampaq Señornikichik Tayta Diosta mañakuptinmi chay ruwasqaykiwan paypa qayllanpi allin kanki.

Hebreos 11:26

Egipto runakunapa tukuy ima kapuqninkunamantapas astawanqa Cristorayku ñakarisqa kaytam qori-qollqeta hina akllakuykurqa, chaynataqa ruwarqa Diospa qokuyninta chaskiyta munaspanmi.

Hebreos 2:1

Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

2~Juan 1:8

Cuidakuychikyá tukuy llamkasqaykichikpa ruruynin ama yanqachasqa kananpaq, chaynapi llapan premioykichikta Señorninchikmanta chaskinaykichikpaq.