Mateo 5:9 - CHUYA QELLQA La Biblia en Quechua de Ayacucho 2012

⁹ Mayna kusisqam hawkayayta maskaqkunaqa, paykunam Diospa churinwan sutichasqa kanqaku.

Quechua Ayacucho Bible 1987

⁹ —Mayna kusisqam amachakuqkunaqa, paykunaqariki Diospa churinwan sutichasqam kanqaku.

Chuya Qellqa 1992

⁹ Mayna kusisqam hawkayayta maskaqkunaqa, paykunam Diospa churinwan sutichasqa kanqaku.

Mateo 5:9 Iomraidhean Croise

1~Crónicas 12:17

Chay-mi hamuqkunaman taripaykuspan David nirqa: Sichum allin sonqowan yanapawanaykichikpaq hamuchkankichik hinaptinqa tukuy sonqoywanmi chaskisqaykichik, sichum mana huchayuq kachkaptiy enemigoykunaman qoykuwanaykichikpaq hamuptikichikqa, ñawpa taytaykichikkunapa Diosninyá juzgaspa castigasunkichik, nispa.

Mateo 5:45

Chaynapim hanaq pachapi kaq Taytaykichikpa churinkuna kankichik, payqa intitapas allin ruwaq runapaqwan mana allin runapaqmi qespichimun, paratapas lliwpaqmi chayachimun.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Lucas 20:36

Pay-kunaqa manam wañunqakuñachu, angelkuna hinañam kanqaku, kawsarimusqankuraykum Diospa churinkunaña kanqaku.

Lucas 6:35

Ene-migoykichiktapas kuyaspayá paykunapaq allin kaqkunata ruwaychik, imatapas mana imallapaqyá prestaychik. Chaynapim hatun premiota chaskinkichik, hinaspam hanaq pachapi Diospa churinkuna kankichik; payqa mana reqsikuqninkunatapas chaynataq huchasapakunatapas kuyapayanmi.

Hechos 7:26

Paqarinnintin punchawñataqmi Moisés tarirurqa Israelpa mirayninkunamanta iskay runakuna maqanakuchkaqta, rakinayta munaspanmi nirqa: “Qamkunaqa wawqentinmi kankichik, ¿imanasqataq maqanakuchkankichik?” nispa.

Romanos 12:18

Atisqaykichikman hinayá imatapas ruwaychik, llapa runawan hawkalla kawsanaykichikpaq.

Romanos 8:14

Diospa Espiritunpa pusasqankunaqa llapallankum Diospa churinkuna.

Romanos 8:16

Kikin Espiritum willan espiritunchik-man Diospa churinña kasqanchikta.

Romanos 8:19

Tukuy ima unan-chasqa kaqkunam sinchi munakuywan suyachkanku churinkunaña kasqanchikta Dios reqsichinanta.

1~Corintios 6:6

¿Allinchu kanman huk wawqe hukninpa contranpi mana iñiq autoridadkunaman quejakuynin?

2~Corintios 13:11

Wawqe-panillaykuna, kusisqa kawsanaykichiktam munani, chuya kawsaytayá maskaychik. Kallpanchanakuspaykichikyá huk sonqolla hinaspa hawkalla kawsakuychik, chayna kaptinqa kuyakuq hinaspa hawkayay qokuq Diosmi qamkunawan kanqa.

2~Corintios 5:20

Chaynaqa, Cristopa rantinpi willakunaykupaq churasqam kaniku, Diosmi ñoqaykutakama qamkunaman rimapayasunkichik. Cristopa sutinpim ruegakuykiku Dioswan allinyanakunaykichikpaq.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Filipenses 4:2

Evodiatawan Sintiquetam ruegakuni, Señorninchikman iñiqkuna hina huk sonqolla kanankupaq.

Colosenses 3:13

Huknikichikmanta huknikichikkamayá aguantanakuychik pipapas quejan kaptinqa pampachanakuykuychikyá, imaynam Señorpas pampachasusqaykichikman hinayá qamkunapas ruwaychik.

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.