Mateo 5:6 - CHUYA QELLQA La Biblia en Quechua de Ayacucho 2012

⁶ Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Quechua Ayacucho Bible 1987

⁶ —Mayna kusisqam yarqachikuchkaq hina hinaspa yakunayachikuchkaq hina Diospa munasqan ruray munaqkunaqa, paykunaqa saksaykuchkaq hinam kanqaku.

Chuya Qellqa 1992

⁶ Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Mateo 5:6 Iomraidhean Croise

Proverbios 10:24

Mana allin runataqa imapas manchakusqan kaqraqmi pasarun, allin ruwaq runapaqmi ichaqa imam munasqanpas cumplikun.

Proverbios 21:21

Allin kawsakuytawan kuyapayakuq kayta maskaqqa ancha reqsisqa kaytawan allin ruwayta hinaspa kawsakuytam tarinqa.

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Isaías 25:6

Tukuy Atiyniyuq Tayta Diosmi Sión moqopi, llapallan nacionkunapaq hatun convidota ruwanqa, miskillaña mikuykunatawan unay watayuq vinotam convidanqa, miskillaña mikuykunatawan suma-sumaq vinotam convidanqa.

Isaías 41:17

Wakchakunawan mana imayuqkunam yakuta qallunkupas chakisqa maskachkanku, ichaqa manam tarinqakuchu; chaywanpas ñoqa Tayta Diosmi paykunataqa uyarisaq, Israelpa Diosninqa manam qonqasqaykichikchu.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 65:13

Chayraykum ñoqa Tayta Dios kaynata nini: Serviqniykunaqa mikusqam kanqaku, qamkunañataqmi yarqaymanta kankichik; serviqniykunam yakuta tomanqaku, qamkunañataqmi yakumanta ñakarinkichik; serviqniykunaqa kusisqam kanqaku, qamkunañataqmi penqaypi tarikurunkichik.

Isaías 66:11

paymi wawanta ñuñuchkaq mama hina saksanaykichikkama consuelasunkichik, saksanaykichikkamam ñuñunkichik, lechewan huntasqa ñuñunkunamantam kusikunkichik.

Jeremías 31:25

Pisipasqakunamanwan mana kallpayuqkunamanmi mikuykachispay achkanpi tomaykachisaq, nispa.

Lucas 1:53

Wakchakunatam tukuy imawan huntaykachin, apukunatañataqmi mana imayuqta kutirichin.

Lucas 6:21

Mayna kusisqam kankichik kunan yarqaymanta kaqkunaqa, qamkunaqa saksachisqam kankichik. Mayna kusisqam kankichik kunan waqaqkunaqa, qamkunaqa asikun-kichikmi.

Lucas 6:25

¡Ay, imaynaraq kankichik llapa saksasqa runakuna! Qamkunapas yar-qaymantam kankichik. ¡Ay, imaynaraq kankichik kunan asikuqkuna! Qamkunapas llakimantam waqankichik.

Juan 4:14

Ñoqapa yaku qosqay tomaqmi ichaqa manaña haykapipas yakunayachikunqachu. Chay yaku qosqayqa runapim pukyu hina rikurirunqa, chay pukyum toqyamuspan wiñay kawsayta qonqa, nispa.

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Juan 7:37

Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Apocalipsis 7:16

Paykunaqa manañam yar-qaymantapas, yakumantapas kanqakuñachu, nitaqmi intipas nitaq ima rupaypas rupanqañachu.